UNUMERI 21:9 - IsiNdebele 2012 Translation

⁹ UMosi wenza inyoka yekoporo, wayiphakamisa kobana ibe liphawu. Bekuthi nanyana ngubani olunywa yinyoka nakaqala inyoka yekoporo, aphile.

UNUMERI 21:9 Iomraidhean Croise

2 AMAKHOSI 18:4

Yena wabhuruza iindunduma, waphihliza amatje akhethekileko kanye nemifanekiso yabo-Atjhera. Wafahlaza inyoka yekoporo uMosi agade ayenzile yaba ziinquqwana ngombana bekube sikhatheso abantu bakwa-Israyeli gade basayitjhisela itjhwalo. Inyoka leyo beyibizwa bona nguNerhutjhitani.

U-ISAYA 45:22

Yizani kimi nisindiswe noke nina mikhawulo yephasi ngombana nginguZimu begodu akakho omunye.

UZAKARIYA 12:10

ngizakuthulula ummoya womusa newokurabhelela phezu kwendlu kaDavida nebantwini abahlala eJerusalema. Bazakufuna isizo kimi, balilele loyo ebamhlabako njengomuntu nalilela ukuhlongakala komntwana okukuphela kwakhe, njengomuntu odabuka abe munyu ngokuhlongakala kwezibulo.

UJWANISI 1:29

Ngomuso uJwanisi wabona uJesu asiza kuye, wathi: “Qalani nasiya iMvana kaZimu, esusa isono sephasi!

UJWANISI 12:32

Lokha nangiphakanyiswako mina ephasini, ngizakudosela woke umuntu kimi.”

UJWANISI 6:40

Lokhu kuyintando kaBaba kobana omunye nomunye obona iNdodana akholwe kiyo uzokuba nokuphila okungapheliko, yeke ngizamvusa ngomhla wokuphela.”

KWEBEROMA 1:17

Kilo kwembulwa ukulunga kwakaZimu ngokukholwa namayelana nokukholwa, njengombana kutloliwe kwathiwa: “Olungileko uzakuphila ngokukholwa.”

KWEBEROMA 8:3

Lokho umthetho ogade unganamandla wokukwenza ngebanga lokwenziwa buthakathaka yimvelo yesono, uZimu wakwenza ngokuthumela iNdodanakhe ngobujamo bomuntu wokona kobana ibe mhlabelo wehlambululo

2 KWEBEKORINTE 5:21

Wamenza bona abe sisono ngebanga lethu loyo ongazange asazi isono ukuze kuthi kuye sibe ngabalungisisiweko bakaZimu.

AMAHEBHERU 12:2

siqale kuJesu umthomisi nomphelelisi wokukholwa kwethu, okwathi esikhundleni setokozo ebe ibekwe phambi kwakhe, wanyamezelela isiphambano angakhathaleli ukurhubutjhwa; uhlezi ngesidleni sesihlalo sobukhosi sakaZimu.

1 UJWANISI 3:8

Loyo owenza isono ngewakaSathana ngombana uSathana uyona kusukela ekuthomeni. Isizathu sokobana iNdodana kaZimu ibonakaliswe kugiriza imisebenzi kaSathana.