UNUMERI 21:29 - IsiNdebele 2012 Translation

²⁹ Maye kuwe Mowabi! Niphelile nina balotjhi bakaKemotjhi! Wenze amadodanakhe aba bakhoseli, namadokazakhe aba bathunjwa bekosi yama-Amori, uSirhoni.

UNUMERI 21:29 Iomraidhean Croise

1 AMAKHOSI 11:33

Ngizakwenza lokhu ngombana uSolomoni ungihlanukile walotjha u-Atjhiterothi usingazimukazi wamaTsidoni, uKemotjhi usingazimu wamaMowabi noMilikomu usingazimu wama-Amoni. Azange akhambe eendleleni zami, enze okulungileko phambi kwami begodu aphethe imithethwami neemiso zami njengombana kwenza uDavida uyise.

1 AMAKHOSI 11:7

USolomoni wakhela uKemotjhi usingazimu onyenyisako wamaMowabi, noMoleki usingazimu onyenyisako wama-Amoni, indunduma phezu kombundu ongepumalanga yeJerusalema.

2 AMAKHOSI 23:13

Godu ikosi yarhubutjha neendunduma egade zingepumalanga yeJerusalema, ngesewula yentaba ye-Oliva. Iindundumezo uSolomoni gade azakhele u-Atjhitarothi usingazinyanakazi onyenyisako wamaTsidoni, uKemotjhi uzinyana onyenyisako wakwaMowabi noMilikomu uzinyana okghabhudlhako wabantu bakwa-Amoni.

U-ISAYA 15:5

Ihliziywami irhuwelela ngoMowabi, abaphalali bakhe babalekela eTsowari ne-Egilathi-Tjhelitjhiya. Mbala, emkhuphukeni weLurhithi benyuka barhahlawula; iye, nendleleni eya eRhoronayimu, bazwakalisa isililo sokurhayilwa

U-ISAYA 16:2

“Njengeenyoni ezizulazulako, lokha naziqotjhwe eenhlakaneni zazo, anjalo namadodakazi wakwaMowabi, emazibukweni we-Arinoni.

UJOROMIYA 48:13

Nje-ke uMowabi uzakuba neenhloni ngeKemotjhi, njengombana ikumba ka-Israyeli yayineenhloni lokha nayethembela eBhethe-Eli.

UJOROMIYA 48:45

“Emthunzini ngaphandle kweRhetjhibhoni, ababaleki bajamile, baqobekile ngombana kuqubuke umlilo eRhetjhibhoni, iye, amalangabi edorobheni lakaSirhoni aqothula ihlafunyo kaMowabi kanye nekhakhayi labanetjhada lokuzitjhaya.

UJOROMIYA 48:46

“Maye kuwe wena Mowabi! Abantu beKemotjhi baphelile ngombana amadodanakho asiwe ekuthunjweni namadodakazakho ekudingisweni.

UJOROMIYA 48:7

Nina maMowabi, njengombana nethembela ezenzweni nemnothwenenu, nani nizokuthunjwa noKemotjhi uzakuya ekuthunjweni, nabaphristi kanye neenduna zakhe.”

UNUMERI 24:17

Ngiyambona yena kodwana ingasi manjesi, ngiyambona kodwana ingasi eduze. Iye, ikwekwezi izakuvumbuka kuJakopo, intonga yobukhosi izakuvela ku-Israyeli; izakuphihliza iindlani zombili zakwaMowabi, neenhloko zamaTjhethi woke.

ABAKHOKHELI 11:24

Wena wamukela okuphiwa ngusingazimakho uKemotjhi. Nathi-ke sizakulonda yoke inarha uSomnini uZimethu ayimuke abanye phambi kwethu wasinikela yona.