UNUMERI 20:12 - IsiNdebele 2012 Translation

¹² Kodwana uSomnini wathi kuMosi no-Aroni: “Njengombana ningakhange ningethembe, nikhombise ukungihlonipha emehlweni wama-Israyeli, angeze nayingenisa ihlangano leyo enarheni engiyinikela yona.”

UNUMERI 20:12 Iomraidhean Croise

2 IINKRONIKE 20:20

Abantu bavuka ngesamarimarima batjhinga erhalawumbeni leTekhowa. Bathe lokha nabasaphumako uJehotjhafathi wajama ngeqadi kwendlela wathi kibo: “Yeningilalele nina bantu bakwaJuda nani beJerusalema! “Thembelani kuSomnini uZimenu nizakuba namandla, thembelani ebaphorofidini bakhe nizakuphumelela.”

AMARHUBO 106:32

Godu bathukuthelisa uSomnini emanzini weMeriba, uMosi wehlelwa zizehlo ngebanga labo:

AMARHUBO 99:8

Somnini, Zimethu, wabaphendula; waba nguZimu ocolelako kibo, nanyana wababetha ngezono zabo.

U-ISAYA 7:9

Ihloko ye-Efrayimu seyiSamariya nehloko yeSamariya seyindodana kaRemaliya kwaphela. Nawungajami uqine ekukholweni kwakho, vele awusoze wajama.’ ”

U-ISAYA 8:13

USomnini uMninimandlawoke, akabe nguye yedwa ocwengileko kini. Yena akabe kukwesaba kwenu nevalo lenu.

UHEZEKIYELI 20:41

Njengomnikelo owamukelekako kuSomnini, ngizanamukela lokha nanginikhupha hlangana nabantu nalokha nanginibuthelela eenarheni lapha nihlakazekele khona begodu ngizazibonakalisa ngicwengile phambi kwezizwe ngani.

UHEZEKIYELI 36:23

Nje-ke ngizokuveza ukucwengeka kwebizo lami elikhulu nelisilaphazweko hlangana nezizwe, iye, lelo enilihlambalaze phakathi kwazo. Kulapho-ke, lapha izizwe zizakwazi khona bonyana nginguSomnini, lokha nangizibonakalisa ngani phambi kwazo bona mina ngecwengile.’ ” Kutjho uSomnini uSomandla.

UHEZEKIYELI 38:10

“Nakhu okutjhiwo nguSomnini uSomandla, ‘Mhlokho imizindlo izakufika emicabangwenakho bese uhlosa amaqhinga amambi:

ULEVITIKUSI 10:3

UMosi wathi ku-Aroni: “USomnini bekatjho khona lokho nasithi, ‘Kilabo abeza kimi ngizazibonakalisa ngicwengile; emehlweni wabantu boke ngizaziphazimulisa.’ ” U-Aroni wathula.

UNUMERI 11:15

Nakube mbala Somnini uzongiphatha bunje, dumbana ungibulale nya. Nangabe uSomnini uyangithanda, akenze ngingasabona amatlhuwami la.”

UNUMERI 20:24

“Nakungu-Aroni uzakulandela aboyisemkhulu. Angeze angena enarheni engiyinikela ama-Israyeli ngombana nafulathela umyalwami emanzini weMeriba.

UNUMERI 27:14

Lokhu kungenca yokobana nafulathela umyalwami erhalawumbeni leTsini ngesikhathi umkhambathi ungisola begodu akhange nikhombise ukungihlonipha emehlweni wama-Israyeli.” (Lokho kwenzeka emanzini weMeriba yeKhadetjhi ngerhalawumbeni leTsini.)

UMATEWU 17:17

UJesu waphendula wathi: “Maye, nina sizukulwana esingakholwako nesonakeleko! Ngizokuhlala nani bekube kunini na? Kuzabe kube nini ngininyamezelela na? Letha indodana leyo kimapha!”

UMATEWU 17:20

UJesu waphendula wathi: “Kungombana ninokukholwa okubogabogako. Ngiqinisile ngiyanitjela bona ingathana beninokukholwa okulingana nembewu yemastadi, beningathi entabeni le, ‘Suka lapha uye laphaya,’ beyizakuvele isuke. Akunalitho ebelizanibhalela!

ULUKASI 1:20

Qala-ke, njengombana ungazange ukholwe amezwami azakuzaliseka ngesikhathi sawo, uzakuba simumu ungakghoni ukukhuluma bekube kumhlana kuphethakalako lokhu.”

ULUKASI 1:45

Ubusisiwe umfazi ofese wakholwa bonyana okutjhiwo nguSomnini kuye kuzakuzaliseka!”

UJWANISI 1:17

Umthetho weza ngoMosi, kodwana umusa neqiniso kweza ngoJesu Krestu.

KWEBEROMA 4:20

Akunasiqabo esamenza bona azaze isithembiso sakaZimu, kodwana waqina amandla ekukholweni kwakhe, wadumisa uZimu,

UDUTERONOMI 1:37

USomnini nami wangithukuthelela ngebanga lenu bewathi kimi: “Nawe abe awuzukungena enarheni leyo, ngiyakutjela!

UDUTERONOMI 34:4

USomnini wathi kuye: “Nasi inarha engayifungela ku-Abrahamu, u-Isaka noJakopo ngathi ngizayinikela iinzukulwana zabo. Ngikuvumele bonyana uyibone ngamehlwakho, kodwana awuzukungena kiyo.”

UDUTERONOMI 4:21

USomnini wangithukuthelela ngebanga lenu bewafunga bona ngingayami iJordani nokobana ngingalibhadi enarheni ehle uSomnini uZimenu aninikela yona bona ibe lilifa lenu.

UJOTJHUWA 1:2

“UMosi incekwami uhlongakele. Yeke zilungiselele ukuyama iJordani le, wena nabo boke abantwaba, niye enarheni engiyipha ama-Israyeli.

1 UPITROSI 3:15

Kodwana eenhliziyweni zenu yesabani uKrestu njengeKosi. Nihlale nilungele ukuphendula loyo onibuza ngesizathu sethemba elikini.