UNUMERI 2:3 - IsiNdebele 2012 Translation

³ “BakwaJuda kufuze bahlome amatendabo esibekisweni sabo ukuyela ngepumalanga. Umrholi wekoro yakwaJuda kube nguNarhitjhoni umsa ka-Aminadaba.

UNUMERI 2:3 Iomraidhean Croise

UGENESISI 35:22

Kwathi u-Israyeli asahlezi kilesosifunda, uRubeni wangenela uBilirha ikhohlo lakayise, walala naye. U-Israyeli wakuzwa lokho. UJakopo gade anamadodana alitjhumi nambili:

UGENESISI 35:23

Amadodana kaLeya bekunguRubeni, izibulo lakaJakopo, uSimiyoni, uLevi, uJuda, u-Isakari noZebuloni.

1 IINKRONIKE 2:10

URamu wabeletha u-Aminadabi, u-Aminadabi wabeletha uNarhitjhoni umrholi wabantu bakwaJuda.

U-EKSODUSI 6:23

U-Aroni wathatha u-Elitjheba indodakazi ka-Aminadaba nongudadwabo kaNarhitjhoni. Wambelethela uNadabi no-Abihu, u-Elazara no-Itamara.

UNUMERI 1:5

Naka-ke amabizo wamadoda ekufuze anisize: “KebakwaRubeni ngu-Elitsuri umsa kaTjhedewuri,

UNUMERI 1:7

kwaJuda nguNarhitjhoni umsa ka-Aminadaba,

UNUMERI 10:5

Lokha iporompita nayipopozako, akufuduswe iinkampa ezingepumalanga.

UNUMERI 2:4

Abatlolisweko bebutho lakhe bazakuba ziinkulungwana ezimatjhumi alikhomba nane namakhulu asithandathu.

UNUMERI 3:38

Labo ebekufuze bahlome amatendabo ngaphambi kwethaberinakeli, ngehlangothini langepumalanga yetende lokuhlanganela, nguMosi no-Aroni kanye namadodanakhe. Ngibo ebe baqalene nokulotjha endaweni ecwengileko esikhundleni sama-Israyeli. Nanyana ngubani omunye ozakutjhidela eendaweni ezikhethiselako, akabulawe.

UNUMERI 7:12

Umrholi owaletha umnikelwakhe ngelanga lokuthoma kwaba nguNarhitjhoni umsa ka-Aminadaba wekoro yakwaJuda.

UNUMERI 7:17

iinkomo ezimbili, amaqama amahlanu, iimpongo ezihlanu kanye namaqamanyana amahlanu anomnyaka munye bona kube ngokomhlabelo wetjhebiswano. Ngilowo-ke umnikelo kaNarhitjhoni umsa ka-Aminadaba.

UMATEWU 1:4

u-Aramu wabeletha u-Aminadaba, u-Aminadaba wabeletha uNarhitjhoni, uNarhitjhoni wabeletha uSalmoni,

URUTE 4:20

u-Aminadaba nguyise kaNarhitjhoni, uNarhitjhoni nguyise kaSalimoni,