UNUMERI 19:19 - IsiNdebele 2012 Translation

¹⁹ Umuntu ohlambulukileko loyo uzakufafaza godu phezu kokusilapheleko elangeni lesithathu nelekhomba. Ngendlela leyo uzakuhlambulula umuntu loyo ngelanga lekhomba. Ohlanjululweko uzakuhlanza izambatho zakhe, adude nomzimba, kuthi nakuhlwako abe ngohlambulukileko.

UNUMERI 19:19 Iomraidhean Croise

UGENESISI 2:2

Ngelanga lekhomba uZimu gade asele aqedile umsebenzakhe. Ngelanga lekhomba waphumula kiwo woke umsebenzakhe.

U-EKSODUSI 19:10

uSomnini godu wathi kuye: “Khamba uye ebantwini uqinisekise bona bayazihlambulula namhlanje nakusasa, bahlanze nezambatho zabo.

UHEZEKIYELI 36:25

Ngizonifafaza ngamanzi acwebileko bese nihlambuluka kikho koke ukusilaphala; iye, nakiwo woke amanyala okubosingazimu, nginihlambulule.

ULEVITIKUSI 14:7

Akafafaze umuntu ozokuhlanjululwa loyo kalikhomba, amemezele bona uhlambulukile. Nje-ke akalise inyoni ephilako iphaphele emmangweni.

ULEVITIKUSI 14:9

Ngelanga lekhomba akagude zoke iinhluthu ehloko, esilevini namatjhiya. Iye, akasuse boke uboya emzimbeni. Nje-ke uzakuhlanza izambatho zakhe bese uyaduda. Yeke uzakuba ngohlambulukileko.

UNUMERI 19:12

Kufuze azihlambulule ngamanzi wehlambululo elangeni lesithathu nelekhomba, nje-ke uzakuba ngohlambulukileko. Kodwana nangabe akazihlambululi ngelanga lesithathu nelekhomba, angeze aba ngohlambulukileko.

UNUMERI 19:13

Nanyana ngubani othinta isidumbu somuntu ohlongakeleko bese angazihlambululi, usilaphaza ithaberinakeli lakaSomnini. Onjalo akajutjwe ebantwini bakwa-Israyeli ngombana akakafafazwa ngamanzi wehlambululo. Yeke uzakuhlala angosilapheleko. Iye, usananyathelwe kusilaphala.

UNUMERI 19:18

Kuthi umuntu ohlambulukileko athathe ihlukuzo lehisophi alenye ngemanzinapho bese afafaze itendelo, ipahla yoke yetende nomuntu woke ogade alapho. Godu afafaze nomuntu okhe wathinta ithambo, isidumbu sobulewe ngesabula, isidumbu sozihlongakaleleko namkha ithuna.

UNUMERI 31:19

Boke benu abakhe babulala umuntu namkha bathinta obuleweko, hlalani ngaphandle kwekampa amalanga alikhomba, nizihlambulule kanye nabathunjwa benu elangeni lesithathu nelekhomba.

UNUMERI 31:24

Ngelanga lekhomba nihlanze izambatho zenu, nizakuhlambuluka. Emva kwalokho ningangena ekampeni.”

UTITOSI 2:14

owazinikela ngebanga lethu ukuze asihlenge ekukhohlakaleni koke, azihlambululele abantu bakhe abatjhisekela imisebenzi emihle.

AMAHEBHERU 10:22

asibandameleni ngehliziyo eqinisileko, ngethemba elipheleleko lokukholwa; iinhliziyo zethu zifafaziwe esazelweni esimbi nemizimba yethu ihlanzwe ngamanzi ahlanzekileko.

1 UJWANISI 1:7

Kodwana nangabe sikhamba ekukhanyeni njengombana naye asekukhanyeni, sinobudlelwano omunye nomunye neengazi zakaJesu iNdodanakhe zisihlanza ezonweni zoke.

UJUDA 1:23

abanye basindiseni ngokubahlwitha emlilweni; abanye nizwelane nabo ngokwesaba, nizonde ngitjho nesambatho esinindwe ziinkanuko zabo ezimbi.