UNUMERI 19:15 - IsiNdebele 2012 Translation

¹⁵ Kanti-ke nesitja esingetendeni esingakavalwa sabotjhwa ngesisibekelo, sisilaphele.

UNUMERI 19:15 Iomraidhean Croise

ULEVITIKUSI 11:32

Nanyana yini ewelwa ziindumbezo izakuba ngesilapheleko, kungaba ngeyenziwe ngesigodo, ngetjhila, ngesikhumba, ngomgodla namkha ngisiphi isitja esisetjenziselwa nanyana yini. Yeke kufuze sitlubhuzwe ngemanzini kodwana sizakuba ngesisilapheleko bekuhlwe. Emva kwalokho sizakuhlambuluka.

ULEVITIKUSI 11:33

Okungaphakathi kwesitja somdaka esiwelwa nanyana ngisiphi seendumbezo, kusilaphele. Ngalokho kufuze nisephule.

ULEVITIKUSI 14:36

Yeke umphristi uzakuyala bona kukhutjhwe koke okungendlini ngaphambi kokobana angene bona azoyihlola. Nakungasinjalo koke okungendlini kungahle kumenyezelwe bona kusilaphele. Nasele kukhutjhwe koke, umphristi uzakungena bona ahlole indlu.

UNUMERI 19:14

“Naku umthetho lokha umuntu nakahlongakalela ngetendeni lokuhlala: Woke umuntu ongena ngetendenelo namkha ongaphakathi kwalo uzakuba ngosilapheleko amalanga alikhomba.

UNUMERI 19:16

“Nanyana ngubani osemmangweni othinta obulewe ngesabula, isidumbu somuntu ohlongakele ngemvelo, ithambo lomuntu namkha ithuna, uzakuba ngosilapheleko amalanga alikhomba.

UNUMERI 31:20

Hlambululani esinye nesinye isambatho, yoke into eyenziwe ngesikhumba, koke okwenziwe ngoboya bembuzi nento yoke ebazwe ngesigodo.”