UNUMERI 18:8 - IsiNdebele 2012 Translation

⁸ Godu uSomnini wathi ku-Aroni: “Mina Somnini, ngimi engikunikele umsebenzi ophathelene neminikelo esibiko, okutjho izipho ezikhethekileko zama-Israyeli. Ngikunikele zona bona kube sisabelo sakho namadodanakho nini nanini.

UNUMERI 18:8 Iomraidhean Croise

2 AMAKHOSI 12:16

Imali yomhlabelo womlandu nomhlabelo wesono akhange ilethwe ethempelini lakaSomnini; gade ingeyabaphristi.

2 IINKRONIKE 31:4

Wayala abantu abahlala eJerusalema bonyana banikele abaphristi namaLevi isabelo sabo ukuze bakwazi ukuzinikela ngokupheleleko emthethweni kaSomnini.

2 IINKRONIKE 31:5

Kwathi bona kuphume umyalo lowo, ama-Israyeli anikela iinthelo zokuthoma zekoroyi, isitjhidela sewayini, amafutha we-oliva neliju nakho koke okuvela emasimini. Aletha ngokuphuphumako kwetjhumi kwakho koke akuzuzileko.

U-EKSODUSI 28:43

U-Aroni namadodanakhe bayembathe lokha nabangena ngetendeni lokuhlanganela ngitjho nalokha nabatjhidela e-aldarini kobana balotjhe endaweni ecwengileko. Nakungasinjalo bazazithwesa umlandu bese bayafa. Lokhu kuzakuba simiso sanini nanini ku-Aroni neenzukulwaneni zakhe ngemva kwakhe.”

U-EKSODUSI 29:21

Uthathe ingcenye yeengazi ezise-aldarini nengcenye yamafutha wokuzesa bese ukufafaze phezu kwaka-Aroni nezambatho zakhe naphezu kwamadodanakhe nezambatho zawo. Yena nezambatho zakhe uzakuba ngocwengileko kanye namadodanakhe nezambatho zawo.

U-EKSODUSI 29:28

Kusisabelo saka-Aroni namadodanakhe. Iye, izithwezi zazimnikelo okhethekileko lokha nakujanyiswa abaphristi, nangokuzako kumele zibe ngezikhethekileko. Lokha ama-Israyeli nenza imihlabelo yetjhebiswano kumele aphakamisele izithwezo kuSomnini bese zinikelwa abaphristi. Lokhu kusimiso sanini nanini ama-Israyeli okumele asigcine.

U-EKSODUSI 29:29

“Izambatho ezikhethekileko zaka-Aroni zizakwambulelwa lowo ozakuba mphristi omkhulu eenzukulwaneni zakhe. Uzazembatha lokha nazeswako nalokha najanyiswako.

U-EKSODUSI 40:13

Wembathise u-Aroni izambatho ezikhethekileko bese uyamzesa umhlukanisele ukuze abe mphristami.

U-EKSODUSI 40:15

bese uwazesa njengombana uzese uyisawo ukuze abe baphristi bami. Ukuzeswa kwawo kuzawenza abe baphristi nini nanini eenzukulwaneni zawo.”

U-ISAYA 10:27

Mhlokho, umthwalo wekosi ye-Asiriya uzakususwa emahlombenenu nejogi layo entanyenenu lizakwephulwa. Yenyukela phambi kwepango enomnotho,

ULEVITIKUSI 21:10

“Umphristi ongomkhulu kubafowabo, nongowazeswa ngamafutha ehlokwakhe, wahlukaniselwa ukwembatha izambatho ezikhethekileko, akukafaneli aliselele iinhluthu zakhe zimatlharatlhara namkha atlebhule izambatho zakhe ngebanga lohlongakeleko.

ULEVITIKUSI 23:20

Umphristi kufuze aphakamise izikwa zesilumo njengomnikelo osibiko kuSomnini kanye namaqamanyana amabili. Amaqamanyana lawo akhethekile kuSomnini, asisabelo somphristi.

ULEVITIKUSI 6:16

U-Aroni namadodanakhe bazakudla koke okuseleko. Kufuze kudliwe kunganangumelo endaweni ecwengileko ngesirhodlweni setende lokuhlanganela.

ULEVITIKUSI 6:18

Boke abaduna baka-Aroni bangakudla. Eminikelweni ekhethekileko kuSomnini lokhu kuzakuba sisabelo sabo sanini nanini eenzukulwaneni ezizako. Nanyana yini ethinta umnikelo lowo izakuba ngecwengileko.”

ULEVITIKUSI 6:20

“Naku umnikelo ekufuze ulethwe ngu-Aroni namadodanakhe kuSomnini ngelanga azeswa ngalo: isitjhutjana seflowuru esefiweko kube mnikelo weenthoro wangemihla, ingcenye ekuseni nengcenye ngamarhwaqela.

ULEVITIKUSI 6:26

Umphristi owunikelako akawudle. Kufuze udlelwe endaweni ecwengileko ngesirhodlweni setende lokuhlanganela.

ULEVITIKUSI 7:14

Komunye nomunye umhlobo wesikweso, sinye saso kufuze sibe mnikelo kaSomnini. Lokho kungokomphristi ofafaza iingazi zomhlabelo wetjhebiswano.

ULEVITIKUSI 7:28

USomnini wakhuluma noMosi wathi

ULEVITIKUSI 7:6

Boke abaduna phakathi kwabaphristi bangawudla. Abawudlele endaweni ecwengileko ngombana kumhlabelo ocwenge khulu.

ULEVITIKUSI 8:30

UMosi wathatha ingcenye yamafutha wokuzesa nengcenye yeengazi ezise-aldarini wafafaza phezu kwaka-Aroni nezambatho zakhe, naphezu kwamadodanakhe nezambatho zawo. Njalo-ke wahlukanisela u-Aroni nezambatho zakhe, amadodanakhe kanye nezambatho zawo.

UNUMERI 18:9

Eminikelweni yoke ecwenge khulu uzakufunyana okungakatjhiswa e-aldarini. Iye, yoke iminikelo ecwenge khulu ephuma eminikelweni yeenthoro, emihlabelweni yehlambululo neyehlawulo ingeyakho namadodanakho.

UNUMERI 5:9

Godu eemphiweni ezikhethekileko ama-Israyeli aziletha kumphristi, umnikelo osibiko kuSomnini uzakuba ngowomphristi.

1 KWEBEKORINTE 9:13

Anazi bona labo abasebenza ngethempelini bafumana ukudla kwabo ethempelini nalabo abalotjha e-aldarini babelana lokho okulethwe e-aldarini na?

UDUTERONOMI 12:11

nasele nazi indawo uSomnini uZimenu ayikhethileko kobana ibizo lakhe lijanyiswe lapho, khona-ke nizakuletha koke enginiyale ngakho: imihlabelwenu yokutjhiswa neyetjhebiswano, kwetjhumi kwenu neminikelo ekhethekileko, nayo yoke imihlabelo yeenthembiso enayithembisa kuSomnini.

UDUTERONOMI 12:6

nilethe lapho imihlabelwenu yokutjhiswa neyetjhebiswano, kwetjhumi neminikelwenu ekhethekileko, iminikelwenu yeenthembiso neyesihle, namazibulo weenkomo, wezimvu neweembuzi zenu.

UDUTERONOMI 18:1

Abaphristi bamaLevi, okutjho yoke ikoro yamaLevi, ayizukuba nesabelo namkha ilifa kwa-Israyeli. Ilifa labo liminikelo ekhethekileko kuSomnini, ngilokho abamele bakugome.

UDUTERONOMI 26:13

Nje-ke uzakuthi phambi kwakaSomnini uZimakho: “Ngisisusile isipho esikhethekileko endlinami, khulukhulu ngisinikele umLevi, isikhonzi, intandani kanye nomhlolokazi ukuya ngayo yoke imiyalo uSomnini angiyale ngayo, azange ngeqe namunye godu azange ngiyikhohlwe.

AMAHEBHERU 1:9

Uthande ukulunga, wazonda ikohlakalo. Ngalokho-ke Zimu, uZimakho ukuzese ngamafutha wethabo ngaphezu kwabalingani bakho.”

1 UJWANISI 2:20

Kodwana nina nazeswa ngiloyo oCwengileko, yeke ninelwazi loke.

1 UJWANISI 2:27

Nakungini, izeso enalamukela kuye lihlala kini, ngalokho anidingi kobana nanyana ngubani anifundise. Kodwana njengombana izeso lakhe linifundisa ngezinto zoke, kuliqiniso akusiwo amanga, yeke njengombana linifundisile, hlalani kuye.