UNUMERI 18:7 - IsiNdebele 2012 Translation

⁷ Kodwana wena namadodanakho akanye nawe nizakwenza umsebenzenu wobuphristi omayelana nakho koke okuphathelene ne-aldari nendawo engemuva kwesiyaya setjhila. Lokho kumsebenzenu. Ubuphristi ngibunikele nina njengesipho, nje-ke nanyana ngubani otjhidela eduze angasi mphristi, uzakubulawa.”

UNUMERI 18:7 Iomraidhean Croise

AMARHUBO 115:10

Ndlu ka-Aroni, thembani uSomnini! Mbala, ulisizo nesihlangu senu.

U-EKSODUSI 28:1

USomnini wathi kuMosi: “Umnakwenu u-Aroni namadodanakhe akaphume phakathi kwama-Israyeli. Qala ngimkhethile yena namadodanakhe uNadabi no-Abihu, u-Elazara no-Itamara kobana babe baphristi bangilotjhe.

U-EKSODUSI 29:9

bese uwabopha ngemikhungo yokuthekeleza emadinini njengombana wenze ku-Aroni, uwathwese imibhode. Ubuphristi buzakuba ngebabo ngokwesimiso sanini nanini. “Uzajamisa u-Aroni namadodanakhe ngalendlela:

UHEZEKIYELI 44:15

“ ‘Kodwana abaphristi abamaLevi nabaziinzukulwana zakaTsadokhi abalonda umsebenzi womakhiwami ocwengileko lokha ama-Israyeli nagade angihlubukile, bona bazakutjhidela kimi kobana bangilotjhe bebajame ebukhoneni bami nokobana banikele ngemihlabelo yomhlwehlwe neengazi.’ Kutjho uSomnini uSomandla.

UHEZEKIYELI 44:16

‘Ngibo bodwa abazakungena ngemakhiwenami ocwengileko, iye, ngibo bodwa abazakutjhidela eduze netafulami kobana bangilotjhe bebayelele nemisebenzami.

UHEZEKIYELI 44:8

Godu azange niyelele izinto zami ezicwengileko, kodwana nabeka imiqhamuka esikhundleni senu kobana kube ngiyo eyelela ukulotjhwa kwami emakhiwenami ocwengileko.’

ULEVITIKUSI 16:2

wathi kuye: “Tjela u-Aroni umnakwenu bona angezi ngeenkhathi zoke endaweni ecwenge khulu engemuva kwesiyaya setjhila esiphambi kwesisibekelo somfaji wobufakazi ukuze angafi ngombana mina ngizokubonakala ngelifu phezu kwesisibekelweso.

ULEVITIKUSI 7:35

“Lokhu kusisabelo saka-Aroni namadodanakhe esithethwe eminikelweni ekhethekileko kaSomnini ukusuka ngelanga abahlukaniselwa ngalo bona babe baphristi bakaSomnini.

UNUMERI 1:51

Lokha ithaberinakeli nalithuthwako, lizakuwiswa maLevi. Godu nalihlonywako, maLevi azalijamisa. Nanyana ngubani omunye ozakutjhidela kilo akabulawe.

UNUMERI 16:40

Zaba siyeleliso kuma-Israyeli bonyana kungabi khona noyedwa ongasuye umphristi nongasiso isizukulwana saka-Aroni ozakutjhidela phambi kwakaSomnini batjho utjhisa itjhwalo. Nakungasinjalo uzakufana noKhorarhi nejima lakhe. Kwaba njengombana uSomnini ayala u-Elazara ngoMosi.

UNUMERI 18:20

Godu uSomnini wathi ku-Aroni: “Angeze waba nelifa hlangana nama-Israyeli begodu nesabelo sesimu angeze ube naso phakathi kwawo. Mina Somnini ngisisabelo sakho nelifa lakho phakathi kwama-Israyeli.

UNUMERI 18:3

Bazakwenza imisebenzi obanikela yona etendeni loke, kodwana bangatjhideli ezitjeni ezicwengileko namkha e-aldarini. Nange bangatjhidela bazakufa bese nani niyafa.

UNUMERI 3:10

Kodwana u-Aroni namadodanakhe ababekwe bona benze umsebenzi wobuphristi. Nange kungaba khona omunye othatha umsebenzabo, akabulawe.”

UNUMERI 3:38

Labo ebekufuze bahlome amatendabo ngaphambi kwethaberinakeli, ngehlangothini langepumalanga yetende lokuhlanganela, nguMosi no-Aroni kanye namadodanakhe. Ngibo ebe baqalene nokulotjha endaweni ecwengileko esikhundleni sama-Israyeli. Nanyana ngubani omunye ozakutjhidela eendaweni ezikhethiselako, akabulawe.

UMATEWU 10:8

Pholisani abagulako, nivuse abafileko, nihlambulule labo abaphethwe likhwekhwe, niqotjhe amadimoni. Namukeliswe ngesihle, yeke nani yiphani ngesihle.

UJWANISI 3:27

UJwanisi waphendula wathi: “Akakho ongaba nento ngaphandle kobanyana uZimu amuphe ivela ezulwini.

KWEBE-EFESU 3:8

Nanyana mina ngingomncancani kunabo boke abacwengileko, ngaphiwa umusa lo, kobana ngitjhumayele kabatjhili umnono kaKrestu ongaphenyekiko,

UDUTERONOMI 18:2

Abazukuba nelifa kubafowabo, kodwana ilifa labo nguSomnini njengombana athembisa.

AMAHEBHERU 5:4

Akakho ozikhethela ukuba sesikhundlenesi, kodwana uba kiso ngokubizwa nguZimu njengo-Aroni.

UJOTJHUWA 18:7

AmaLevi akanasabelo phakathi kwenu ngombana ubuphristi bakaSomnini bulilifa lawo. BakwaGadi, bakwaRubeni kanye nesiquntu sakwaManase sebafumene ilifa labo ngaphetjheya kweJordani ngepumalanga okuyinarha ebayabelwa nguMosi inceku kaSomnini.”

1 UPITROSI 5:2

Yelusani umhlambi kaZimu eniwuphetheko, ingasi ngokugandelelwa, kodwana ngokuthanda kwehliziyo njengombana uZimu athanda bona nenze, ingasi ngenzuzo elihlazo, kodwana ngetjisakalo yokuzinikela.

1 UPITROSI 5:3

Ningazenzi amakhosi kilabo enibaphetheko, kodwana nibe ziimbonelo emhlambini.

1 USAMYELA 2:28

Angithi ngamkhetha phakathi kweenkoro zoke zakwa-Israyeli bona abemphristami ukuze avele e-aldarini lami atjhise khona itjhwalo, aphathe nembada ethempelini? Azange ngiyinikele indlu kayihlo ingcenye yeminikelo yabakwa-Israyeli na?