UNUMERI 18:6 - IsiNdebele 2012 Translation

⁶ Yelela-ke, mina Somnini ngikhethe abafowenu amaLevi phakathi kwama-Israyeli njengesipho senu. Bona bahlukaniselwe uSomnini bonyana benze umsebenzi wetende lokuhlanganela.

UNUMERI 18:6 Iomraidhean Croise

UGENESISI 6:17

Mina ngizakunisa umthwalela ephasini bona ngiphelise yoke ipilo engaphasi kwezulu, okuziimbunjwa zoke ezinomphefumulo phezu kwephasi. Koke okusephasini kuzakubhujiswa.

UGENESISI 9:9

“Mina-ke ngenza nani isivumelwano sami nesizukulwana senu esizakunilandela.

U-EKSODUSI 14:17

Ngizakhunyalalisa iinhliziyo zamaGibhide bese awalandele abe angene ngelwandle. Ngalokho ngizakubonakalisa idumo lami ngoFaro nalo loke ibutho lakhe, okutjho iinkarana nabakhweli bazo.

U-EKSODUSI 31:6

Qala-ke, ngimbeke kanye no-Oholiyaba umsa ka-Arhisamaki, wekoro yakwaDani. Godu nginikele woke amadoda anekghono ukuhlakanipha kobana enze koke engikuyale ngakho:

U-ISAYA 48:15

Ngimi mina lo okhulumileko nombizileko; ngimlethile begodu uzakuphumelela endlelenakhe.

U-ISAYA 51:12

USomnini uphendula uthi: “Mina lo, ngimi oniduduzako. Alo, wena Ziyoni umesabani umuntu obhubhako, iye, umuntu nje ophela njengotjani na?

UHEZEKIYELI 34:11

“ ‘Mbala, uSomnini uSomandla wathi: Qalani, mina ngokwami ngizokufuna izimvu zami, ngizelusele zona.

UHEZEKIYELI 34:20

“Nje-ke nakhu okutjhiwo nguSomnini uSomandla kabanamandla, ‘Qalani, ngimi ngokwami ozokugweba phakathi kwemvu enonileko neyondileko.

UNUMERI 3:12

“Qala, ngimi okhethe amaLevi hlangana nama-Israyeli kobana ajamele woke amazibulo, okutjho koke okuphume qangi esibelethweni. Iye, amaLevi azakuba ngewami

UNUMERI 3:13

ngombana woke amazibulo ngewami. Kwathi lokha nangimadlha phasi woke amazibulo wenarheni yeGibhide, ngazihlukanisela woke amazibulo aduna, wabantu neweenlwana kwa-Israyeli; nje-ke angewami. NginguSomnini.”

UNUMERI 3:45

“Ngihlukanisela amaLevi esikhundleni samazibulo woke wama-Israyeli nefuyo yamaLevi esikhundleni sefuyo yama-Israyeli. Iye, amaLevi ngewami. NginguSomnini.

UNUMERI 3:6

“Tjhideza ikoro yakwaLevi bese uyibeka ngaphasi kwelawulo laka-Aroni umphristi. Kufuze imsekele

UNUMERI 3:9

Beka amaLevi aphelele emsebenzini ka-Aroni namadodanakhe. Kufuze abasize ngehlangothini lama-Israyeli.