UNUMERI 18:20 - IsiNdebele 2012 Translation

²⁰ Godu uSomnini wathi ku-Aroni: “Angeze waba nelifa hlangana nama-Israyeli begodu nesabelo sesimu angeze ube naso phakathi kwawo. Mina Somnini ngisisabelo sakho nelifa lakho phakathi kwama-Israyeli.

UNUMERI 18:20 Iomraidhean Croise

UGENESISI 15:1

Emva kwesikhathi esithileko ilizwi lakaSomnini lafika ku-Abramu ngesambulo lathi: “Ungesabi Abramu. Ngisihlangu sakho, nomvuzwakho uzaba mkhulu.”

AMARHUBO 142:5

Akhusuthi uqala ngesidleni sami, akakho noyedwa ongiyelelako; abukho ubuphephelo kimi, akakho umuntu ongitjhejako.

AMARHUBO 16:5

USomnini usisabelo sami, iye, ulilifa lami nekaphami, wena Somnini ungilondele ifumbe yami.

AMARHUBO 73:26

Umzimbami nehliziywami zingaphelelwa, kodwana uZimu ulidwala lehliziywami nesabelo sami ngokungapheliko.

ISILILO 3:24

Umphefumulwami uthi: “USomnini usisabelo sami, yeke ngizakurhuluphela kuye.”

UHEZEKIYELI 44:28

“Abakameli ukuba nelifa ngombana mina ngililifa labo. Ningabanikeli isabelo kwa-Israyeli ngombana mina ngisisabelo sabo.

UNUMERI 18:7

Kodwana wena namadodanakho akanye nawe nizakwenza umsebenzenu wobuphristi omayelana nakho koke okuphathelene ne-aldari nendawo engemuva kwesiyaya setjhila. Lokho kumsebenzenu. Ubuphristi ngibunikele nina njengesipho, nje-ke nanyana ngubani otjhidela eduze angasi mphristi, uzakubulawa.”

UNUMERI 26:62

Boke abaduna abatlolisweko bamaLevi ukusukela esaneni lenyanga ukuya phezulu bebaziinkulungwana ezimatjhumi amabili nantathu. Bona azange batloliswe kanye nama-Israyeli ngombana akhange bamukele ilifa lenarha hlangana nama-Israyeli.

UDUTERONOMI 10:9

Ngalokho amaLevi akanasabelo namkha ilifa kubafowawo, ilifa lawo nguSomnini njengombana uSomnini atjho njalo kiwo.)

UDUTERONOMI 12:12

Nijekezele phambi kwakaSomnini uZimenu, nina, amadodana namadodakazenu, iinceku neencekukazi zenu kanye namaLevi asemadorobhenenu ngombana wona akanasabelo namkha ilifa phakathi kwenu.

UDUTERONOMI 14:27

Ningahlanuki amaLevi ahlala emadorobhenenu ngombana akanasabelo namkha ilifa phakathi kwenu.

UDUTERONOMI 14:29

AmaLevi anganasabelo nelifa phakathi kwenu, iinkhonzi kanye neentandani nabahlolokazi abasemadorobhenenu beze bazogoma babethe esimonyongwana. Ngaleyondlela uSomnini uZimenu uzanibusisa kiwo woke umsebenzi wezandla zenu eniwenzako.

UJOTJHUWA 13:14

Kwaba yikoro yamaLevi kwaphela uMosi angazange ayabele ilifa ngombana ilifa lawo bekuminikelo ekhethekileko kuSomnini uZimu wakwa-Israyeli njengombana atjho kuye.

UJOTJHUWA 13:33

UMosi azange ayabele litho ikoro yamaLevi ngombana isabelo sayo nguSomnini uZimu njengombana kwatjhiwo njalo kiyo.

UJOTJHUWA 14:3

UMosi gade abele iinkoro ezimbili nesiquntu ilifa ngepumalanga yeJordani. AmaLevi azange awabele ilifa hlangana neenkorwezo.

UJOTJHUWA 18:7

AmaLevi akanasabelo phakathi kwenu ngombana ubuphristi bakaSomnini bulilifa lawo. BakwaGadi, bakwaRubeni kanye nesiquntu sakwaManase sebafumene ilifa labo ngaphetjheya kweJordani ngepumalanga okuyinarha ebayabelwa nguMosi inceku kaSomnini.”

ISAMBULO 21:3

Ngezwa ilizwi elikhulu livela esihlalweni sobukhosi lithi: “Qala indlu kaZimu seyihlangana nabantu. Uyokuhlala nabo njengoZimu wabo bona babe sisizwe sakhe, iye, uZimu ngokwakhe uzakuba nabo abe nguZimu wabo.