UNUMERI 18:2 - IsiNdebele 2012 Translation

² Utjhideze abafowenu okutjho ikoro yamaLevi okuyindlu kayihlo ukuze bahlanganyele nawe, bakusize lokha wena namadodanakho nanilotjha phambi kwetende elinobufakazi.

UNUMERI 18:2 Iomraidhean Croise

UGENESISI 29:34

ULeya godu waba sidisi, wabeletha indodana godu, wathi: “Kwanjesi indodami izakunamathela kimi ngombana ngiyibelethele amadodana amathathu.” Yeke wayithiya bona nguLevi.

2 IINKRONIKE 30:16

Bazihlela njengokujayelekileko njengombana kutjhiwo emthethweni kaMosi, umuntu kaZimu. Abaphristi bafafaza iingazi abazinikelwa maLevi.

UHEZEKIYELI 44:11

Kumele abe ziinceku emakhiwenami ocwengileko. Azakuba bogosa emasangweni wethempeli, abe asebenze ethempelini. Wona kumele ahlabele abantu imihlabelo yokutjhiswa neyetjhebiswano, abe alungele ukwenzela abantu imisebenzi.

UHEZEKIYELI 44:15

“ ‘Kodwana abaphristi abamaLevi nabaziinzukulwana zakaTsadokhi abalonda umsebenzi womakhiwami ocwengileko lokha ama-Israyeli nagade angihlubukile, bona bazakutjhidela kimi kobana bangilotjhe bebajame ebukhoneni bami nokobana banikele ngemihlabelo yomhlwehlwe neengazi.’ Kutjho uSomnini uSomandla.

UMALAKI 2:4

Nizakwazi-ke bonyana nginithumelele isiyeleliswesi ngebanga lesivumelwano sami noLevi.” Kutjho uSomnini uSomandla.

UNUMERI 1:53

amaLevi wona akahlome amatendawo magegana nethaberinakeli lobufakazi ukuze ilaka lami lingavutheli emkhambathini wama-Israyeli. MaLevi azakulawula ethaberinakelini lobufakazi.”

UNUMERI 16:40

Zaba siyeleliso kuma-Israyeli bonyana kungabi khona noyedwa ongasuye umphristi nongasiso isizukulwana saka-Aroni ozakutjhidela phambi kwakaSomnini batjho utjhisa itjhwalo. Nakungasinjalo uzakufana noKhorarhi nejima lakhe. Kwaba njengombana uSomnini ayala u-Elazara ngoMosi.

UNUMERI 17:7

Nje-ke uMosi wabeka iintonga phambi kwakaSomnini ngetendeni elinobufakazi.

UNUMERI 18:4

Bazakuhlanganyela nawe, baqale itende lokuhlanganela bebenze yoke imisebenzalo kodwana ongasi mphristi angatjhideli kini

UNUMERI 3:5

Yeke uSomnini wathi kuMosi:

UNUMERI 4:15

U-Aroni namadodanakhe nasele baqedile ukwembesa ipahla yendawo ecwengileko nazo zoke iinsetjenziswa zayo, nakufuzwa ikampa, amadodana kaKhehathi kufuze eze athwale ipahla. Kodwana angathinti izinto ezicwengileko zingakembeswa ukuze angafi. Lezo-ke bekuzizinto zetende lokuhlanganela amadodana kaKhehathi ebekufuze azithwale.

UNUMERI 8:19

Nginikele amaLevi ngokupheleleko ku-Aroni namadodanakhe bona enze umsebenzi wama-Israyeli ngetendeni lokuhlanganela. Azakwenzela ama-Israyeli itethelelo kuSomnini, ngaleyondlela avikele amatshwenyeko nakwenzeka bona ama-Israyeli atjhidele khulu endaweni ecwengileko.”

UNUMERI 8:22

Emva kwalokho amaLevi eza bona athome umsebenzawo etendeni lokuhlanganela ngaphasi kwelihlo laka-Aroni namadodanakhe. Lokho uSomnini agade ayale uMosi bona kwenziwe kumaLevi, bakwenza kiwo.

AMAHEBHERU 9:6

Ngokunjalo, lokha koke sele kuhlelekile ngendlela le, abaphristi bangena njalonjalo ngengcenyeni yokuthoma yetende lokuhlanganela bona benze umsebenzabo wokulotjha.