UNUMERI 18:12 - IsiNdebele 2012 Translation

¹² Koke okuhle kwesivuno sokuthoma samafutha we-oliva, kwewayini nokweenthoro okulethwa ma-Israyeli kuSomnini, ngikunikela wena.

UNUMERI 18:12 Iomraidhean Croise

UGENESISI 27:28

UZimu akakuphe umbethe wezulu, avundise ihlabathakho! Akuphe inala yekoroyi neyesitjhidela sewayini!

2 AMAKHOSI 4:42

Kwafika umuntu obuya eBhali-Tjhalitjha, alethele umuntu kaZimu isilumo: amapani amatjhumi amabili wezikwa zebhali neenqwambe zekoroyi ngomgodlana. U-Elitjha wathi: “Nikelani abantu bagome.”

2 IINKRONIKE 31:5

Kwathi bona kuphume umyalo lowo, ama-Israyeli anikela iinthelo zokuthoma zekoroyi, isitjhidela sewayini, amafutha we-oliva neliju nakho koke okuvela emasimini. Aletha ngokuphuphumako kwetjhumi kwakho koke akuzuzileko.

AMARHUBO 147:14

Wenza ukuthula ngemikhawulwenakho, akwanelise ngamabele anonileko.

AMARHUBO 81:16

Abazonde uSomnini bebazakutjhotjhobana phambi kwakhe, kube sisabelo sabo sanini nanini.

U-EKSODUSI 22:29

“Ungariyadi ukunikela isivuno sakhe sekoroyi, sewayini nesamafutha we-oliva. “Ngihlukaniselani amadodanenu wamazibulo.

U-EKSODUSI 23:19

“Letha njalo imikhiqizo yokuthoma yehlabathakho endaweni ecwengileko kaSomnini uZimakho. “Ungapheki imbuzana ngebisini lakanina.”

U-EKSODUSI 34:26

“Lethani njalo imikhiqizo yokuthoma yehlabathenu endaweni ecwengileko kaSomnini uZimenu. “Ningapheki imbuzana ngebisi lakanina.”

UHEZEKIYELI 44:30

“Okukhethekileko kwayo yoke imikhiqizo yokuthoma yazo zoke izinto nazo zoke iimbiko zenu kuzakuba ngokwabaphristi. Kumele nibanikele ihlamenu yokuthoma ukuze isibusiso sibe phezu kwemindenenu.

ULEVITIKUSI 2:12

Nokho nakube mnikelo wesilumo, ningawuletha kuSomnini kodwana nakuse-aldarini khona, ungakhe unganikelwa kobana wamukeleke kuSomnini.

ULEVITIKUSI 2:14

“Lokha nawuletha umnikelo weenthoro okungewesilumo kuSomnini rhabula iinqwambi zekoroyi etja leyo emlilweni, uzitlhutlhure bese ugaya ikoroyi yakhona. Ulethe ikoroyi leyo njengomnikelwakho wesilumo.

ULEVITIKUSI 23:17

Kuphi nakuphi lapha nizakuhlala khona lethani amapani amabili wesikwa sokuphakanyiswa esiwunyelweko esibhagwe ngamathungana amabili weflowuru esefiweko, sibe njengesilumo kuSomnini uZimenu.

ULEVITIKUSI 23:20

Umphristi kufuze aphakamise izikwa zesilumo njengomnikelo osibiko kuSomnini kanye namaqamanyana amabili. Amaqamanyana lawo akhethekile kuSomnini, asisabelo somphristi.

UDUTERONOMI 18:3

Iminikelo ekhethekileko izakuba lilungelo labaphristi elibuya ebantwini abaletha imihlabelo, okungaba ziinkomo, izimvu namkha iimbuzi. Umphristi osebenza e-aldarini uzakunikelwa umkhono, imihlathi emibili nomrhoru.

UDUTERONOMI 18:4

Iinthelo zokuthoma zekoroyi yenu, zewayini lenu nezamafuthenu we-oliva kanye noboya bokuthoma bezimvu zenu nikunikele umphristi.

UDUTERONOMI 26:2

uzakuthatha ezinye zazo zoke iinthelo zokuthoma zequlwanakho, ozivuna enarhenakho oyiphiwe nguSomnini uZimakho, uzifake ngesiqwebini, uye endaweni ezakukhethwa nguSomnini uZimakho kobana ajamise ibizo lakhe lapho.

UDUTERONOMI 32:14

Wazitika ngamakghamatha weenkomo nebisi leembuzi kanye namafutha weemvana; wazitika ngamaqama weBhatjhani neembuzi kanye namafutha wehliziyo yekoroyi; wazitika ngomhluzi wamadiribe, iye, wasela iwayini elisabilako.