UNUMERI 18:11 - IsiNdebele 2012 Translation

¹¹ Nakhu okhunye godu okungokwakho: Isabelo esibekiweko eminikelweni yoke esibiko ama-Israyeli ayiletha kuSomnini, ngesakho. Ngisinikele wena namadodanakho kanye namadodakazakho njengesabelo senu nini nanini. Woke ohlambulukileko endlinakho angadla kiso.

UNUMERI 18:11 Iomraidhean Croise

ULEVITIKUSI 10:14

Kodwana wena, amadodana kanye namadodakazakho ningadla isifuba nomlenze wokuphakanyiswa. Kudleleni endaweni ehlambulukileko ngombana kunikelwe wena, amadodanakho kanye namadodakazakho bona kube sisabelo sakho nabantwabakho emihlabelweni yetjhebiswano yama-Israyeli.

ULEVITIKUSI 7:14

Komunye nomunye umhlobo wesikweso, sinye saso kufuze sibe mnikelo kaSomnini. Lokho kungokomphristi ofafaza iingazi zomhlabelo wetjhebiswano.

UNUMERI 18:1

USomnini wakhuluma no-Aroni wathi: “Wena namadodanakho kanye nekoro yekhenu enawe nizakuthwala isiphambeko esenziwe endaweni ecwengileko. Kodwana wena namadodanakho kwaphela nizakuthwala isiphambeko sobuphristi.

UNUMERI 18:10

Nizayidla njengomnikelo ocwenge khulu. Boke abaduna phakathi kwabaphristi banelungelo lokuwudla. Kumnikelo ocwengileko kini.

UNUMERI 18:19

Yoke iminikelo esibiko elethwa ma-Israyeli kuSomnini, ngiyinikela wena, amadodanakho namadodakazakho kube sisabelo sakho nini nanini. Lokho kusivumelwano esijanyiswe ngetswayi ngehlangothini lakaSomnini mayelana nawe neenzukulwana zakho.”

UNUMERI 18:8

Godu uSomnini wathi ku-Aroni: “Mina Somnini, ngimi engikunikele umsebenzi ophathelene neminikelo esibiko, okutjho izipho ezikhethekileko zama-Israyeli. Ngikunikele zona bona kube sisabelo sakho namadodanakho nini nanini.

UDUTERONOMI 18:3

Iminikelo ekhethekileko izakuba lilungelo labaphristi elibuya ebantwini abaletha imihlabelo, okungaba ziinkomo, izimvu namkha iimbuzi. Umphristi osebenza e-aldarini uzakunikelwa umkhono, imihlathi emibili nomrhoru.