UNUMERI 16:46 - IsiNdebele 2012 Translation

⁴⁶ UMosi wathi ku-Aroni: “Thatha isitja sakho sokutjhisela itjhwalo bese wokhela amalahle e-aldarini ngakiso, uthele itjhwalo phezu kwawo, usithathe masinyana uye naso emkhambathini uwenzele itethelelo ngombana ilaka lakaSomnini liyavutha begodu sekusunguleke nesifo.”

UNUMERI 16:46 Iomraidhean Croise

1 IINKRONIKE 27:24

UJowabi umsa kaTseruya wathoma ukubala amadoda kodwana wangaqeda ukuwabala. Ngenca yokubala lokho u-Israyeli wehlelwa manikelela, nesibalweso akhange besisangena encwadini yemilando yekosi uDavida.

AMARHUBO 106:29

Ngalokho bathukuthelisa uSomnini ngezenzo zabo, kwaqubuka isifo phakathi kwabo.

AMARHUBO 141:2

Umthandazwami awube njengetjhwalo kuwe; izandla engiziphakamisileko zibe njengomnikelo wakusihlwa.

ULEVITIKUSI 10:6

UMosi wakhuluma no-Aroni namadodanakhe u-Elazara no-Itamara wathi kibo: “Ningaliseleli iinhluthu zenu zimatlharatlhara begodu ningatlebhuli izambatho zenu. Nanenza lokho nizakufa noSomnini uzakusilingeka ngomkhambathi woke. Kodwana abafowenu okuyindlu yoke yakwa-Israyeli, bangabalileli labo ababhujiswe nguSomnini ngomlilo.

ULEVITIKUSI 9:24

Khonapho kwehla umlilo uvela kuZimu waqothula umhlabelo wokutjhiswa namafutha e-aldarini. Boke abantu nababona lokho, bahlokoma ngelizwi elikhulu, bawa ngobuso phasi.

URHABAKHUKHU 3:5

Izifo zikhamba phambi kwakhe, ukufa kumlandele.

UMALAKI 1:11

“Ngambala ibizo lami likhulu ephasini loke hlangana nezizwe. Eendaweni ngokuhlukahluka kwazo, kulethwa imihlatjelo; iye, imihlatjelo enganaburhole ngombana ibizo lami likhulu ezizweni.” Kutjho uSomnini uSomandla.

UNUMERI 1:53

amaLevi wona akahlome amatendawo magegana nethaberinakeli lobufakazi ukuze ilaka lami lingavutheli emkhambathini wama-Israyeli. MaLevi azakulawula ethaberinakelini lobufakazi.”

UNUMERI 11:33

Kuthe inyama yeenkwalezo isese semazinyweni, ingakahlafunywa, ubukhali bakaSomnini bavutha phezu kwabantu. Khonapho uSomnini wamadlha abantu ngehlupheko ekulu.

UNUMERI 18:5

lokha nanisebenza ngezitja ezicwengileko namkha e-aldarini. Ngendlela leyo nizabe nikhandela ilaka lakaSomnini bona lingehleli phezu kwama-Israyeli godu.

UNUMERI 25:13

Yena neenzukulwana zakhe bazakwamukeliswa isivumelwano sobuphristi nini nanini ngombana ube nesikhwele ngoZimakhe, wabuye wenzela ama-Israyeli itethelelo.”

UNUMERI 25:8

walandela umuntu wakwa-Israyeli loyo ngencabafazi ngetendeni. Kwathi basalele wabahlaba bobabili, indoda nomfazi loyo, umkhonto waphundlukela esiswini somfazi. Emva kwalokho isifo sasuka kuma-Israyeli.

UNUMERI 8:19

Nginikele amaLevi ngokupheleleko ku-Aroni namadodanakhe bona enze umsebenzi wama-Israyeli ngetendeni lokuhlanganela. Azakwenzela ama-Israyeli itethelelo kuSomnini, ngaleyondlela avikele amatshwenyeko nakwenzeka bona ama-Israyeli atjhidele khulu endaweni ecwengileko.”

UDUTERONOMI 9:22

Godu eThabhera, eMasa neKhibrothi-Hatava nakhona nahlalela ukuthukuthelisa uSomnini.