UNUMERI 16:13 - IsiNdebele 2012 Translation

¹³ Akukaneli kuwe bona usenyule enarheni egeleza ibisi neliju bonyana uzosibulalela erhalawumbenapha, ubuye uzenze ikosana ngaphezu kwethu?

UNUMERI 16:13 Iomraidhean Croise

U-EKSODUSI 1:11

Ngalokho bawabekela abatjhotjhozeli kobana bawagandelele emsebenzinawo okatelelako. Bekufuze akhe iPitomu neRamesese njengamadorobho wakaFaro wokubeka ipahla.

U-EKSODUSI 1:22

Yeke uFaro wakhupha umyalo othi: “Boke abesana ababelethwako baphoseleni emlanjeni iNayili, kodwana abentazana bona nibalise baphile.”

U-EKSODUSI 16:3

wathi kibo: “Ngathana uSomnini wase wasibulalela enarheni yeGibhide lapha gade sizihlalela khona kamnandi ngeempotweni zenyama, sidla isikwa, sibetha esimonyongwana. Kodwana qalani nje, nina nisilethe erhalawumbenapha bona nibulale yoke ihlangano le ngendlala.”

U-EKSODUSI 17:3

Kodwana abantu bomela amanzi banghonghoyila kuMosi bathi: “Umuntu bekasikhuphelani eGibhide nazosibulalisa ngomrhawu thina nabantwabethu kanye nefuywethu na?”

U-EKSODUSI 2:14

Indoda leyo yathi kuye: “Ubekwe ngubani bonyana ube mbusi nomgwebi phezu kwethu? Kghani ucabanga ukungibulala nami njengomGibhide ombuleleko loya?” UMosi waba nokwesaba wadlumbana wathi: “Kutjho bona sekuyaziwa ngendabami le.”

U-EKSODUSI 2:23

Ngemva kwesikhathi eside ikosi yeGibhide yahlongakala. Kodwana ama-Israyeli bekasoloko anghunanghuna ngobukhoboka bawo. Abalabala njalo ngobukhoboka bawo isililo sawo sabe safika kuZimu.

UHEZEKIYELI 34:18

Akukaneli kini nina eninamandla bona nitlabe emadlelweni amahle na? Kubayini nitlhifirije ubunengi bamadlelo ngeenyawo na? Nanisela amanzi atsengileko, kufuze nidunge amanye amanzi ngeenyawo zenu na?

UNUMERI 11:20

kodwana inyanga yoke, ize ininukele beyinigonyulukise ngombana nidele uSomnini ophakathi kwenu ngokubuza bona kubayini naphuma enarheni yeGibhide.’ ”

UNUMERI 11:4

Phakathi kwama-Israyeli bekunecubevange yabantu egade imarhamaru ifuna ukutla. Kanti-ke nama-Israyeli athoma abubula godu athi: “Uyazi bona sikhanuka inyama kangangani!

UNUMERI 11:5

Sese sikhumbula neenhlambi ebegade sizidlela zona eGibhide singazithengi, iinkomukomu, amakhabe, imihlobohlobo yama-eyi namakonofula.

UNUMERI 13:27

Atjela uMosi athi: “Kazi besafika-ke enarheni owasithuma kiyo. Kuyinarha egeleza ibisi neliju, neenthelo zakhona nanzi.

UNUMERI 14:2

Woke ama-Israyeli anghonghoyila kuMosi no-Aroni. Umkhambathi woke wathi kibo: “Ibe thana sase safela enarheni yeGibhide leya namkha ngathana sesafela erhalawumbenapha.

UNUMERI 14:3

Kubayini uSomnini asilethe enarheni le bona sibulawe ngesabula na? Abomkethu nabantwabethu bazakuba yipango. Akusingcono sizibuyelele eGibhide na?”

UNUMERI 16:12

Nje-ke uMosi wathumela bona kubizwe uDatani no-Abiramu amadodana ka-Eliyabu. Bona bathi: “Thina asizi lapho!

ULUKASI 19:14

Kodwana abantu bakhe bebamhloyile, yeke bathumela abazenda ngemva kwakhe bona bayokuthi, ‘Asimfuni umuntu lo bona abe yikosethu.’

IZENZO ZABAPOSTOLI 7:35

“Nguye kanye yena Mosi loyo ebamdela ngamezwi wokuthi, ‘Ubekwe ngubani bonyana ube mbusi nomgwebi?’ Yena loyo bekathunyelwe nguZimu ngesandla sengilozi eyabonakala kuye esithukghwaneni bona abembusi nomsindisi.