UNUMERI 15:39 - IsiNdebele 2012 Translation

³⁹ Kuzakuthi nanibona amatjharhatjharha lawo, nikhumbule ukwenza imiyalo kaSomnini ukuze ningabi ngabangakathembeki ngokulandela iinkanuko zeenhliziyo zenu nezamehlwenu.

UNUMERI 15:39 Iomraidhean Croise

1 AMAKHOSI 12:33

UJerobhowamu wakhwelela e-aldarini alenze eBhethe-Eli. Lokhu wakwenza elangeni letjhumi nahlanu lenyanga yobumnane, okuyinyanga azikhethela yona ehliziywenakhe kobana enzele ama-Israyeli umhlatjelo. UJerobhowamu wakhwelela e-aldarinapho kobana enze umhlabelo.

UJOBHO 31:7

Ngiyafunga bona amagadangwami akhange aphambuke endleleni, ihliziywami akhange ilandele amehlwami nezandla zami akhange zichaphazelwe yisila.

AMARHUBO 106:39

Mbala, bazininda ngezenzo zabo, ngemikhubabo leyo bangwadla.

AMARHUBO 73:27

Mbala, abadeda kuwe bazakubhubha; uphelisa boke abangakathembeki kuwe.

U-EKSODUSI 13:9

“Umkhuba lo uzakuba sikhumbuzo kini. Njengenyongo esandleni nanjengomkhala ehloko uzanikhumbuza bonyana uSomnini wanikhupha eGibhide ngesandla sakhe esinamandla. Umthetho kaSomnini lo awube semlonyenenu njalo.

IZAGA 28:26

Othembela ekwazini kwakhe usidlhadlha, kodwana okhamba ngokuhlakanipha uyaphepha.

IZAGA 3:1

Ndodanami, ungakhohlwa ifundiswami, kodwana ihliziywakho ayibulunge imiyalwami;

UMTJHUMAYELI 11:9

Jabula muntu omutjha ebutjheni bakho, ihliziywakho ikuphe ukwenama emalangeni wobutjha bakho. Landela iimfiso zehliziywakho, nalokho okubonwa mamehlwakho, kodwana yazi bona kikho koke lokho uZimu uzakugweba.

UJOROMIYA 9:14

Esikhundleni salokho balandele ukukhunyalala kweenhliziyo zabo, balandela aboBhali njengombana bafundiswa boyise.”

UHEZEKIYELI 6:9

Labo abasindileko benu bazangikhumbula bahlangana nezizwe lapha bathunjelwe khona, kobana ngadabula kangangani iinhliziyo zabo ezihlobongako nezingifulatheleko, iye, namehlwabo wekanuko agade adlhemadlhema ngemva kwamanyalabo. Nje-ke bazazinyenya bona ngobumbi ababenzileko, mayelana neenkghabhudlho zabo zoke.

UHOSIYA 2:2

“Mangalelani unyoko, nimmangalele ngombana akasese mkami, nami angisese myenakhe! Ubangakameli ukuba namehlo amanengi nokuqoqoma.

UDUTERONOMI 29:19

Umuntu onjalo uzakuthi nezwa amezwi wamanikelela akhambisana nesivumelwano lawo azibusise ehliziywenakhe athi, ‘Nokho ngizakubulungeka, ije ngikhamba ngikhunyalele kangaka ehliziywenami ngombana uSomnini akazukuvuthisa isikhuni esomileko hlangana nezimanzi.’

UDUTERONOMI 4:23

Zitjhejeni ningakhohlwa isivumelwano sakaSomnini uZimenu asenza nani bese niyadurha nenze iinthombembazwa zomfanekiso wanamkha yini uSomnini uZimenu analela ngayo.

UDUTERONOMI 6:12

yelelani bona ningakhohlwa uSomnini owanikhupha enarheni yeGibhide, ekumbeni yobukhoboka.

UDUTERONOMI 8:11

Yelelani bona ningakhohlwa uSomnini uZimenu ngokungalaleli imiyalwakhe, imithethwakhe kanye neemiso zakhe enginiyala ngazo namhlanje.

UDUTERONOMI 8:14

ningazikhukhumezi, nikhohlwe uSomnini uZimenu owanikhupha eGibhide ekumbeni yobukhoboka.

UJAKOPO 4:4

Nina nhlobongi, anazi bona ukuthanda iphasi kububutha kuZimu na? Ngalokho okhanuka bona abe mngani wephasi, uzenza isitha sakaZimu.