UNUMERI 15:29 - IsiNdebele 2012 Translation

²⁹ Kuzakuba nomthetho munye kiloyo owona angakahlosi, kungaba mumuntu wendabuko kwa-Israyeli namkha osikhonzi.

UNUMERI 15:29 Iomraidhean Croise

1 AMAKHOSI 8:41

“Yewulalele nomqhamuka ongabalelwa ebantwini bakho u-Israyeli nawuza ubuya khatjhana ngebanga lokobana uzwe indumela yebizo lakho.

U-EKSODUSI 12:49

Umthetho lo wembatha nomuntu wendabuko kwa-Israyeli ngitjho nesikhonzi phakathi kwenu.”

ULEVITIKUSI 16:29

“Lokhu kuzakuba simiso sanini nanini kini: Ngenyanga yekhomba lokha nayinamalanga alitjhumi nizakuba nesizilo, mhlokho ningawuthinti umsebenzi. Lokho kungekomuntu wendabuko nesikhonzi phakathi kwenu.

ULEVITIKUSI 17:15

“Woke umuntu odla okuzifeleko namkha okudatjulwe ziimbandana, kungaba ngowendabuko namkha sikhonzi, kufuze ahlanze izambatho zakhe bese adude umzimbakhe. Uzakuhlala angosilapheleko bekuhlwe, emva kwalokho uzakuba ngohlambulukileko.

ULEVITIKUSI 4:2

akakhulume nama-Israyeli athi kiwo: “Nanyana ngubani owona ngokungakahlosi ngokwenza okuphambene neminye yemiyalo kaSomnini, akaphathwe nganasi indlela:

UNUMERI 15:15

Lokha nanihlanganako phambi kwakaSomnini, kuzakuba nesimiso sinye ekungesenu nesesikhonzi esiphakathi kwenu. Lokho kufuze kube simiso sanini nanini eenzukulwaneni zenu: Njengombana kunjalo kini, kuzakuba njalo nesikhonzini.

UNUMERI 15:28

Umphristi uzakwenzela umuntu loyo itethelelo phambi kwakaSomnini mayelana nesono asenze angakahlosi. Iye, ngokumenzela itethelelo, uzakucolelwa.

UNUMERI 15:30

Kodwana umuntu owona ngamabomu, kungaba ngowendabuko namkha osikhonzi, udelela uSomnini. Umuntu onjalo akajutjwe ebantwini bekhabo

UNUMERI 9:14

“Nangabe kunesikhonzi phakathi kwenu esithanda ukugidinga iPhasika, asiligidinge ngokweemiso nemithethwalo. Nibe nesimiso sinye esikhonzini namkha emuntwini wendabuko kwa-Israyeli.”

ULUKASI 12:48

Kodwana inceku engaziko bese yenza izinto ezibanga ukuhlunguphazwa, izakubethwa imivimbo embalwa. Woke ophiwe okunengi, kuzakuthathwa okunengi kuye; kuthi ophathiswe okunengi, kubizwe kuye okunengi ngaphezu kwalokho.”

UJOTJHUWA 8:33

Woke ama-Israyeli, abaphathi, iinkhulu nabagwebi bawo, okutjho boke bendabuko kanye neenkhonzi, bajama ngapha nangapha komfaji ngaphambi kwabaphristi bamaLevi abathwala umfaji wesivumelwano sakaSomnini. Ingcenye yabo yaba ngaphambi kwentaba yeGerizimu enye yaba ngaphambi kwentaba ye-Ebali kobana kube kubusiswa kwama-Israyeli njengombana uMosi inceku kaSomnini ayala phambilini.