UNUMERI 15:25 - IsiNdebele 2012 Translation

²⁵ Nje-ke umphristi uzakwenzela umkhambathi woke wama-Israyeli itethelelo. Ngalokho-ke umkhambathi uzakuhlambuluka esonweni sawo ngombana wone ngokungakahlosi nokobana ulethe nomnikelo okhethekileko kuSomnini kanye nomhlabelo wehlambululo ngokona kwawo ungakahlosi.

UNUMERI 15:25 Iomraidhean Croise

UMTJHUMAYELI 5:6

Ungavumeli umlomakho ukudosele ekoneni; ungathi kumphristi kaZimu “Sekwaba yipazamo” UZimu uzakuthukuthela ngalokho okutjhoko, atjhabalalise umsebenzi wezandla zakho.

ULEVITIKUSI 15:15

Umphristi uzakwenza imihlabelo ngawo. Elinye libe mhlabelo wehlambululo bese kuthi elinye libe mhlabelo wokutjhiswa. Nje-ke umphristi uzamenzela itethelelo kuSomnini ngokuvuza kwakhe.”

ULEVITIKUSI 4:20

Lokho akwenze ngekunzana leyo yaphambilini, akakwenze nangekunzana yomhlabelo wehlambululo lo. Ngendlela leyo umphristi uzabe wenzela umkhambathi itethelelo. Ngalokho umkhambathi uzakuhlambuluka esonweni sawo.

ULEVITIKUSI 4:26

Uzakutjhisa woke umhlwehlwe phezu kwe-aldari kube njengombana atjhisa umhlwehlwe womhlabelo wetjhebiswano. Ngendlela leyo umphristi uzabe enzela umuntu loyo itethelelo ngebanga lezono zakhe. Ngalokho uzakuhlambuluka esonweni sakheso.

ULEVITIKUSI 4:31

Umuntukazana loyo uzakususa woke umhlwehlwe kube njengalokha nakasusa umhlwehlwe womhlabelo wetjhebiswano. Umphristi uzawutjhisa phezu kwe-aldari ube mhlabelo owamukeleka kuSomnini. Ngendlela leyo umphristi uzabe umenzela itethelelo. Ngalokho uzakuhlambuluka esonweni sakheso.

ULEVITIKUSI 4:35

Umuntukazana loyo uzakususa woke umhlwehlwe kube njengalokha nakawususa emvaneni yomhlabelo wetjhebiswano. Umphristi uzawutjhisa phezu kwe-aldari neminikelo ekhethekileko kuSomnini. Ngendlela leyo umphristi uzabe umenzela itethelelo ngesono asenzileko. Ngalokho uzakuhlambuluka esonweni sakheso.”

ULUKASI 23:34

UJesu wathi: “Baba, balibalele ngombana abakwazi abakwenzako.” Bahlukaniselana izambatho zakhe ngokwenza ifumbe.

IZENZO ZABAPOSTOLI 13:39

Ngaye woke okholwako ulungisiswa kikho koke egade ningekhe nalungisiswa ngakho ngomthetho kaMosi.

KWEBEROMA 3:25

uZimu anikela ngaye njengomhlabelo wesono ngeengazi zakhe, ngokukholwa. Wakwenza lokho ukubonisa ukulunga kwakhe ngombana ngokubekezela kwakhe kobuZimu, azange abale izono ezenziwe phambilini.

UDUTERONOMI 21:21

Nje-ke woke amadoda wedorobho azayikhanda ngamatje ibe ife. Ngalokho nizakuthanyela ubumbi phakathi kwenu. Woke u-Israyeli uzakuzwa bese uyesaba.

AMAHEBHERU 2:17

Nje-ke kwamfanela ukuba njengabafowabo kikho koke, khona azakuba mphristi omkhulu onesirhawu nothembekileko emsebenzini kaZimu, abe yihlawulo yokubuyisana kwezono zabantu.

AMAHEBHERU 9:7

Kodwana engcenyeni yesibili kungena kwaphela umphristi omkhulu kanye ngomnyaka; akangeni ngaphandle kokuthatha iingazi anikela ngazo mayelana naye nangenca yezono ezenziwe babantu ngephoso.

1 UJWANISI 2:2

yena uyihlawulo yezono zethu, ingasi zethu kwaphela kodwana nezono zephasi loke.