UNUMERI 15:20 - IsiNdebele 2012 Translation

²⁰ Ehlamenenu yokuthoma nikelani isikwa esimasongo, kube sibiko kuSomnini njengombana ninikela isibiko esiphuma eselelweni.

UNUMERI 15:20 Iomraidhean Croise

UNERHEMIYA 10:37

Sizakuletha ihlamethu yokuthoma kubaphristi esilulwini sethempeli lakaZimu kanye neminikelwethu yeenthelo zemithi yoke neyewayini kanye neyamafutha we-oliva. Sizakunikela kwetjhumi kwesivuno sethu kumaLevi. AmaLevi avunyelwe ukuthatha kwetjhumi kiyo yoke imizethu lapha silima khona.

U-EKSODUSI 23:19

“Letha njalo imikhiqizo yokuthoma yehlabathakho endaweni ecwengileko kaSomnini uZimakho. “Ungapheki imbuzana ngebisini lakanina.”

U-EKSODUSI 34:26

“Lethani njalo imikhiqizo yokuthoma yehlabathenu endaweni ecwengileko kaSomnini uZimenu. “Ningapheki imbuzana ngebisi lakanina.”

UHEZEKIYELI 44:30

“Okukhethekileko kwayo yoke imikhiqizo yokuthoma yazo zoke izinto nazo zoke iimbiko zenu kuzakuba ngokwabaphristi. Kumele nibanikele ihlamenu yokuthoma ukuze isibusiso sibe phezu kwemindenenu.

ULEVITIKUSI 2:12

Nokho nakube mnikelo wesilumo, ningawuletha kuSomnini kodwana nakuse-aldarini khona, ungakhe unganikelwa kobana wamukeleke kuSomnini.

ULEVITIKUSI 2:14

“Lokha nawuletha umnikelo weenthoro okungewesilumo kuSomnini rhabula iinqwambi zekoroyi etja leyo emlilweni, uzitlhutlhure bese ugaya ikoroyi yakhona. Ulethe ikoroyi leyo njengomnikelwakho wesilumo.

ULEVITIKUSI 23:10

akakhulume nama-Israyeli athi: “Lokha naningena enarheni engininikela yona bese nivuna isivuno sakhona, lethani iinqwambi zebhali zokuthoma kumphristi.

ULEVITIKUSI 23:20

Umphristi kufuze aphakamise izikwa zesilumo njengomnikelo osibiko kuSomnini kanye namaqamanyana amabili. Amaqamanyana lawo akhethekile kuSomnini, asisabelo somphristi.

UNUMERI 15:21

Iye, iinzukulwana ngeenzukulwana nizakunikela umnikelo onjalo kuSomnini, uphume ehlamenenu yokuthoma.”

UNUMERI 18:12

Koke okuhle kwesivuno sokuthoma samafutha we-oliva, kwewayini nokweenthoro okulethwa ma-Israyeli kuSomnini, ngikunikela wena.

UMATEWU 6:33

Kodwana funani qangi umbuswakhe nakho koke ukulunga kwakhe, nje-ke koke lokhu nakho nizakuphiwa khona.

KWEBEROMA 11:16

Nakube ingcenye yehlama enikelwe njengesilumo icwengile, khona-ke ihlama yoke icwengile; nakube umrabhu ucwengile, khona-ke neengala zicwengile.

1 KWEBEKORINTE 15:20

Kodwana ngambala uKrestu uvusiwe kabafileko, yena osithelo sokuthoma sabaleleko.

UDUTERONOMI 14:22

Nikhuphe kwetjhumi kwakho koke enikutjeleko enikuvuna minyaka yoke.

UDUTERONOMI 14:23

Thathani kwetjhumi kwenu kwekoroyi, iwayini namafutha we-oliva kanye namazibulo weenkomo, wezimvu neweembuzi zenu nikugomele phambi kwakaSomnini uZimenu endaweni azayikhetha kobana ajamise ibizo lakhe lapho. Ngaleyondlela nizakufunda ukwesaba uSomnini uZimenu soke isikhathi.

UDUTERONOMI 16:13

Gidingani umnyanya wemiTlhatlhana amalanga alikhomba lokha nanibutha eselelweni nebutlhodlhelweni benu.

UJAKOPO 1:18

Ngentando yakhe wasibeletha kabutjha ngelizwi leqiniso khona sizakuba mazibulo wazo zoke iimbunjwa zakhe.

ISAMBULO 14:4

Laba, ngilabo abangazange bazisilaphaze ngabesifazi ngombana bebasesemsulwa njengamancele. Ngibo-ke abalandela iMvana nanyana kukuphi lapha iya khona. Bebahlengwe ebantwini bafana neenthelo zokuthoma ezisilumo kuZimu nakiyo iMvana