UNUMERI 15:15 - IsiNdebele 2012 Translation

¹⁵ Lokha nanihlanganako phambi kwakaSomnini, kuzakuba nesimiso sinye ekungesenu nesesikhonzi esiphakathi kwenu. Lokho kufuze kube simiso sanini nanini eenzukulwaneni zenu: Njengombana kunjalo kini, kuzakuba njalo nesikhonzini.

UNUMERI 15:15 Iomraidhean Croise

U-ESTA 9:27

akwamukela njengomkhuba wawo noweenzukulwana zawo kanye nabo boke azihlanganisa nawo bonyana azakulonda amalanga amabili lawo ngaphandle kokuhluleka. Kuzakuba njengombana kutloliwe begodu kuzakwenziwa ngesikhathi esibekiweko, qobe mnyaka.

U-EKSODUSI 12:14

Leli lilanga okumele nilikhumbule, niligidinge njengomnyanya kaSomnini, libe simiso sanini nanini eenzukulwaneni zenu.

U-EKSODUSI 12:24

Gcinani imiyalo le kube simiso senu sanini nanini neenzukulwana zenu.

U-EKSODUSI 12:43

USomnini wathi kuMosi no-Aroni: “Nanzi iimiso zePhasika: Kungabi nomqhamuka oligomako.

U-EKSODUSI 12:49

Umthetho lo wembatha nomuntu wendabuko kwa-Israyeli ngitjho nesikhonzi phakathi kwenu.”

U-EKSODUSI 28:43

U-Aroni namadodanakhe bayembathe lokha nabangena ngetendeni lokuhlanganela ngitjho nalokha nabatjhidela e-aldarini kobana balotjhe endaweni ecwengileko. Nakungasinjalo bazazithwesa umlandu bese bayafa. Lokhu kuzakuba simiso sanini nanini ku-Aroni neenzukulwaneni zakhe ngemva kwakhe.”

ULEVITIKUSI 24:22

Nibe nomthetho munye owembethe isikhonzi naloyo ongowendabuko. Mina nginguSomnini uZimenu.”

UNUMERI 10:8

“Ekufuze bavuthele iimporompita baphristi okumadodana ka-Aroni. Lowo kuzakuba myalo wanini nanini kini ngitjho neenzukulwaneni zenu.

UNUMERI 15:14

Isikhonzi esikhonze phakathi kwenu namkha esihlala nani kufuze naso sinikele njengani lokha nasifuna ukunikela umnikelwaso okhethekileko, owamukelekako kuSomnini.

UNUMERI 15:29

Kuzakuba nomthetho munye kiloyo owona angakahlosi, kungaba mumuntu wendabuko kwa-Israyeli namkha osikhonzi.

UNUMERI 18:8

Godu uSomnini wathi ku-Aroni: “Mina Somnini, ngimi engikunikele umsebenzi ophathelene neminikelo esibiko, okutjho izipho ezikhethekileko zama-Israyeli. Ngikunikele zona bona kube sisabelo sakho namadodanakho nini nanini.

UNUMERI 9:14

“Nangabe kunesikhonzi phakathi kwenu esithanda ukugidinga iPhasika, asiligidinge ngokweemiso nemithethwalo. Nibe nesimiso sinye esikhonzini namkha emuntwini wendabuko kwa-Israyeli.”

KWEBEGALATIYA 3:28

AkunamJuda, akunamGrigi, ikhoboka namkha otjhaphulukileko, omduna namkha omsikazi ngombana nimunye noke kuKrestu Jesu.

KWEBEKOLOSE 3:11

Ekuvuselelweni lokho, akusekho umGirigi nomJuda, osokiweko nongakasokwa, otjhili, umSkithi, amakhoboka nabatjhaphulukileko.

UJOTJHUWA 8:33

Woke ama-Israyeli, abaphathi, iinkhulu nabagwebi bawo, okutjho boke bendabuko kanye neenkhonzi, bajama ngapha nangapha komfaji ngaphambi kwabaphristi bamaLevi abathwala umfaji wesivumelwano sakaSomnini. Ingcenye yabo yaba ngaphambi kwentaba yeGerizimu enye yaba ngaphambi kwentaba ye-Ebali kobana kube kubusiswa kwama-Israyeli njengombana uMosi inceku kaSomnini ayala phambilini.

1 USAMYELA 30:25

UDavida wenza lokho kwaba mthetho kwa-Israyeli bekube namhlanjesi.