UNUMERI 14:34 - IsiNdebele 2012 Translation

³⁴ Isibalo samalanga amatjhumi amane enahlola ngawo inarha, sizakuba minyaka ematjhumi amane nisoloko nihlunguphazelwa izono zenu. Ilanga linye libe mnyaka. Nje-ke nizakwazi bona kunjani nanginifulathelako.

UNUMERI 14:34 Iomraidhean Croise

1 AMAKHOSI 8:56

“Akathokozwe uSomnini onikele abantu bakhe u-Israyeli ukuphumula njengombana athembisa. Akunalizwi nalinye elahlulekileko kizo zoke iinthembiso azenza ngencekwakhe uMosi.

2 IINKRONIKE 36:21

Ngaleyondlela ilizwi lakaSomnini alikhuluma ngoJoromiya lazaliseka. Inarha yafumana amaSabathayo ebeyifanele iwafumana esikhathini esidlulileko, yaphumula soke isikhathi sokulahlwa kwayo, bekwaphelela iminyaka ematjhumi alikhomba.

AMARHUBO 105:42

Mbala, wakhumbula isithembiso sakhe esicwengileko asinikela ku-Abrahamu incekwakhe.

AMARHUBO 38:4

Akusenapilo emzimbenami ngebanga lelaka lakho; akukho ukuthula emathanjenami ngenca yesono sami.

AMARHUBO 77:8

USomandla ulahlela safuthi, angasabi nomusa godu na?

AMARHUBO 95:10

Iminyaka ematjhumi amane isizukulwaneso sangikghabhudlha. Nje-ke ngathi, ‘Sibabantu abaphambene ngehliziyo, neendlela zami asiziyeleli.’

UHEZEKIYELI 14:10

Bazakuthwala icala labo: isibetho somphorofidi sizakulingana nesibetho saloyo oze ukuzokubuza.

UHEZEKIYELI 23:35

Nje-ke, nakhu okutjhiwo nguSomnini uSomandla: “Njengombana ungikhohliwe bewangifulathela, wena uzakuthwala umphumela wokuzipatha kwakho ngameswe newobungwadla bakho.”

UHEZEKIYELI 4:5

Mina ngokwami ngikubekele isibalo samalanga wokuthwala isibetho secala lendlu yakwa-Israyeli. Ngenza lokho ukuya ngesibalo seminyaka yesibetho sayo, okutjho amalanga alikhulu namatjhumi alithoba. Ngendlela enjalo, uzakuthwala isibetho sendlu yakwa-Israyeli.

UHEZEKIYELI 4:6

Lokha nasele uqedile lokho, uzakulala kwesibili ngehlangothi langesidleni, uthwale isibetho sendlu yakwaJuda. Ngikujamisele amalanga amatjhumi amane, ilanga linye lijamele umnyaka.

UDANYELA 9:24

“Iingcenye ezilikhomba zamatjhumi alikhomba weenkhathi zabekelwa abantu bekhenu nedorobho lakho elicwengileko, ukuqeda iimphambeko, okutjho ukuphelisa izono nokuthethelela icala, kobana ukulunga okungapheliko kuthome begodu kuzaliseke umbono namezwi womphorofidi kanye nokuzesa okucwenge khulu.

UHOSIYA 9:12

Iye, nabantwana ababakhulisako ngizobamuka bona kungasali ngitjho noyedwa. Bazazizwa mhlana ngibafulathelako.

ULEVITIKUSI 20:19

Ungabambuli ubuze bakadadwabo kanyoko namkha bakakghariyakho ngombana lokho kukukwambula ubuze besihlobo sakho, abenza njalo bazazizwa ngesono sabeso.

UZAKARIYA 11:10

Yeke ngathatha intongami ekuthiwa nguMusa ngayephula, ngabhidla isivumelwano uSomnini asenza nabo boke abantwabo.

UNUMERI 13:25

Abuya ekuhloleni inarha ekupheleni kwamalanga amatjhumi amane.

UNUMERI 18:23

Kodwana maLevi azakwenza umsebenzi wetende lokuhlanganela begodu azakuthwala isiphambeko esenziwa kilo. Lokhu kuzakuba simiso sanini nanini eenzukulwaneni zawo. AmaLevi angeze aba nelifa hlangana nama-Israyeli

UNUMERI 32:13

Nje-ke ubukhali bakaSomnini bavutha ngama-Israyeli, yawenza azulazula erhalawumbeni iminyaka ematjhumi amane bekwaphela soke isizukulwaneso esenza okumbi phambi kwakaSomnini.

IZENZO ZABAPOSTOLI 13:18

Wababekezelela baserhalawumbeni iminyaka ematjhumi amane.

UDUTERONOMI 2:7

USomnini uZimenu unibusisile kiyo yoke imisebenzi yezandla zenu. Uyakwazi ukukhamba kwenu phakathi kwerhalawumbakazeli. USomnini uZimu ube nani eminyakeni ematjhumi amane le, akhange niswele litho.”

AMAHEBHERU 4:1

Yeke, njengombana isithembiso sokungena ekuphumuleni kwakhe sisesenjalo, asiyeleleni bonyana kungabikhona noyedwa wenu ozakufunyanwa abhalelwa kufikelela ekuphumuleni

UJOTJHUWA 14:10

Yeke, qala, uSomnini ungibulungile njengombana watjho eminyakeni ematjhumi amane namihlanu le, ukusuka ngesikhathi akhuluma amazwi lawa kuMosi lokha u-Israyeli nasakhamba erhalawumbeni. Nakhu namhlanje sengineminyaka ematjhumi abunane nahlanu,

ISAMBULO 11:3

Ngizokunikela abofakazi bami ababili amandla wokuphorofida amalanga ayikulungwana enamakhulu amabili namatjhumi asithandathu.”

1 USAMYELA 2:30

“Nje-ke mina Somnini, uZimu wakwa-Israyeli ngithi ngathembisa bonyana indlwakho nendlu kayihlo nizakusebenza e-aldarini lami ngeenkhathi zoke. Kodwana kwanjesi nginisuthi ngombana ngidumisa abangidumisako nginyaze abanginyazako.