UNUMERI 14:33 - IsiNdebele 2012 Translation

³³ Abantwabenu bazakuba belusi erhalawumbeni iminyaka ematjhumi amane, bahlupheke ngebanga lokungathembeki kwenu bekube kulapha iindumbu zenu zibolela khona erhalawumbeni.

UNUMERI 14:33 Iomraidhean Croise

AMARHUBO 107:4

Abanye bazula erhalawumbeni, ebhudwini bangafunyana indlela eya emzini, iye, indawo yokuhlala;

AMARHUBO 107:40

USomnini uthela amakhosana ngehlazo, awenze azulazule ebhudwini elinganandlela,

AMARHUBO 78:33

Yeke, waphelisa amalangabo njengomphefumulo neminyakabo ekwesabeni.

U-EKSODUSI 20:5

Ungazikhothameli izintwezo, ungazilotjhi ngombana mina Somnini nginguZimakho. NginguZimu onesikhwele owehlisela isibetho sezono zaboyise phezu kwabantwababo besizukulwana sesithathu nesesine salabo abangenzi intandwami.

UHEZEKIYELI 23:35

Nje-ke, nakhu okutjhiwo nguSomnini uSomandla: “Njengombana ungikhohliwe bewangifulathela, wena uzakuthwala umphumela wokuzipatha kwakho ngameswe newobungwadla bakho.”

UHOSIYA 9:1

Ungathabi wena Israyeli! Ungajekezeli njengezizwe ezinye ngombana azange uthembeke kuZimakho: Wakhamba unghatulela aboBhali, uthabela abakupha khona eselelweni esinye nesinye.

UNUMERI 32:13

Nje-ke ubukhali bakaSomnini bavutha ngama-Israyeli, yawenza azulazula erhalawumbeni iminyaka ematjhumi amane bekwaphela soke isizukulwaneso esenza okumbi phambi kwakaSomnini.

UNUMERI 33:38

(Ngomyalo kaSomnini uZimu, u-Aroni umphristi wakhuphuka intaba iHori, wafese wahlongakalela lapho ngelanga lokuthoma enyangeni yesihlanu, ngemva kweminyaka ematjhumi amane ama-Israyeli aphume enarheni yeGibhide.

UNUMERI 5:31

Indoda leyo izakuhlambuluka esonweni sokusolela kodwana umfazi yena uzakuthwala umlandu nakube wonile.”

IZENZO ZABAPOSTOLI 7:36

Wabakhupha eGibhide, iye, wenza iimangaliso neembonakaliso eGibhide, elwandle lomGaba kanye nerhalawumbeni iminyaka ematjhumi amane.

UDUTERONOMI 1:3

kodwana uMosi wethula ikulumo le kuma-Israyeli ngemva kweminyaka ematjhumi amane. Gade kulilanga lokuthoma lenyanga yetjhumi nanye lokha uMosi nakhuluma nama-Israyeli ikulumo uSomnini amyale bona ayitjho kiwo.

UDUTERONOMI 2:14

Isikhathi esasithatha ukuthoma mhla sisuka eKhadetjhi-Bharineya ukufikela lapha sayama khona umrhoba iZeredi sasiminyaka ematjhumi amathathu nabunane, bekwabhubha soke isizukulwana esasimadoda wepi ekampeni njengombana uSomnini bekafungile kiso.

UDUTERONOMI 2:7

USomnini uZimenu unibusisile kiyo yoke imisebenzi yezandla zenu. Uyakwazi ukukhamba kwenu phakathi kwerhalawumbakazeli. USomnini uZimu ube nani eminyakeni ematjhumi amane le, akhange niswele litho.”

UDUTERONOMI 29:5

Nginirhole iminyaka ematjhumi amane erhalawumbeni, izambatho zenu azange zirhalukele emizimbenenu, namapatlagwanenu azange adabuke eenyaweni zenu.

UDUTERONOMI 8:2

Nikhumbule yoke indlela uSomnini uZimenu anirhole ngayo eminyakeni ematjhumi amane erhalawumbeni. Wanithoba lokha nakanihlolako bonyana azi okuseenhliziywenu zenu nokobana nizakulalela imiyalwakhe namkha njani.

UDUTERONOMI 8:4

Kiyo yoke leminyaka ematjhumi amane, izambatho zenu azange zirhaluke neenyawo zenu azange zivuvuke.

UJOTJHUWA 14:10

Yeke, qala, uSomnini ungibulungile njengombana watjho eminyakeni ematjhumi amane namihlanu le, ukusuka ngesikhathi akhuluma amazwi lawa kuMosi lokha u-Israyeli nasakhamba erhalawumbeni. Nakhu namhlanje sengineminyaka ematjhumi abunane nahlanu,

UJOTJHUWA 5:6

Ama-Israyeli akhamba amatjhumi amane woke weminyaka erhalawumbeni kufikela lapha soke isizwe, okutjho amadoda wepi aphuma eGibhide, ahlongakala khona ngombana angazange alalele ilizwi lakaSomnini. USomnini wafunga kiwo bona akazowabonisa inarha ayifungela kiboyisemkhulu bona uzabanikela yona, inarha egeleza ibisi neliju.