UNUMERI 14:3 - IsiNdebele 2012 Translation

³ Kubayini uSomnini asilethe enarheni le bona sibulawe ngesabula na? Abomkethu nabantwabethu bazakuba yipango. Akusingcono sizibuyelele eGibhide na?”

UNUMERI 14:3 Iomraidhean Croise

UNERHEMIYA 9:17

Bala ukulalela begodu azange basakhumbula neemangaliso wena Somnini owazenza phakathi kwabo. Kunalokho bakhunyalalisa iintamo bebazikhethela umrholi bonyana babuyele emuva eenkhungweni zeGibhide. Ngenca yokobana wena unguZimu olungele ukuthethelela, onomusa nesirhawu, obuthaka ekusilingekeni nonokwethembeka okukhulu, azange ubatjhiye.

AMARHUBO 78:40

Kwaba kanengi kangangani bamhlubuka erhalawumbeni, iye, bamdanisa enarheni elibhudu.

U-EKSODUSI 16:3

wathi kibo: “Ngathana uSomnini wase wasibulalela enarheni yeGibhide lapha gade sizihlalela khona kamnandi ngeempotweni zenyama, sidla isikwa, sibetha esimonyongwana. Kodwana qalani nje, nina nisilethe erhalawumbenapha bona nibulale yoke ihlangano le ngendlala.”

U-EKSODUSI 5:21

zathi: “USomnini ukubonile enikwenzileko. Uzonigweba! Nisenze saba nyamanambana kuFaro neenkhulu zakhe nabeka isabula esandleni sabo bona basibulale!”

UJOROMIYA 42:14

begodu nakube nithi, ‘Awa, sizakukhamba siyokuhlala eGibhide lapha singasakubona khona ipi namkha sizwe ipalapala namkha silambele isikwa’,

UJOROMIYA 42:19

“USomnini ukhulume nani, nina misalela yakwaJuda, ngokuthi, ‘Ningalibeki inyawo eGibhide!’ Yazini niqiniseke kobana nginiyelelisile namhlanjesi:

UJOROMIYA 9:3

Balungisa amalimabo njengomsubela emsebeni. Baziinkutani enarheni, kodwana ingasi eqinisweni! Baragela phambili nokonakala; nakungimi yena abangazi.” Kutjho uSomnini.

UNUMERI 11:20

kodwana inyanga yoke, ize ininukele beyinigonyulukise ngombana nidele uSomnini ophakathi kwenu ngokubuza bona kubayini naphuma enarheni yeGibhide.’ ”

UNUMERI 16:13

Akukaneli kuwe bona usenyule enarheni egeleza ibisi neliju bonyana uzosibulalela erhalawumbenapha, ubuye uzenze ikosana ngaphezu kwethu?

UNUMERI 20:3

Basola uMosi bathi: “Bekungcono ukube ngathana sesafa nabafowethu lokha nabafa ngelaka lakaSomnini!

UNUMERI 21:5

Abantu banyefula uZimu noMosi bathi: “Nisikhupheleni eGibhide bona sizokufela erhalawumbenapha? Akunakudla! Namanzi awekho lapha! Begodu sese sidinwe nakukudlanyana okungazisikokhu!”

IZENZO ZABAPOSTOLI 7:39

“Kodwana abokhokho bethu akhange bavume ukumlalela. Kunalokho bamkhaphela ngeqadi nangeenhliziyo zabo babuyela eGibhide

UDUTERONOMI 1:39

Ababuthakathaka benu egade nibathukwele bonyana bazakuba yipango okutjho abantwabenu abangakwazi ukuhlukanisa phakathi kokuhle nokumbi, ngibo abazakungena. Ngizabanikela yona begodu ngibo abazayithumba.