UNUMERI 14:22 - IsiNdebele 2012 Translation

²² Woke amadoda abone iphazimulwami neembonakaliso zami engazenza eGibhide nerhalawumbeni, kwathi kunjalo angilinga kalitjhumi ngokungalaleli ilizwi lami,

UNUMERI 14:22 Iomraidhean Croise

UGENESISI 31:41

Ngiphile njalo iminyaka ematjhumi amabili yoke endawenakho. Ngikusebenzele iminyaka elitjhumi nane kobana ngifumane amadodakazakho amabili neminyaka esithandathu ukufumana umhlambi. Khonapho waphambanisa umrholwami katjhumitjhumi.

UGENESISI 31:7

Phezu kwalokho yena wangidlelezela ngokuphambanisa umrholwami kalitjhumi. Nokho uZimu akakamvumeli kobana angilimaze.

UJOBHO 19:3

Ningirhubutjhe kalitjhumitjhumi! Aninanhloni zokungiwurubaja na?

AMARHUBO 106:14

Baba nokukhaluza okukhulu nabaserhalawumbeni, bazizinya uZimu khona enarheni elibhudu.

AMARHUBO 106:26

Ngalokho waphakamisa isandla, wafunga bona uzobawisa erhalawumbeni,

AMARHUBO 78:41

Bazizinya uZimu kanenginengi, barhuga ongoCwengileko wakwa-Israyeli.

U-EKSODUSI 14:11

Godu athi kuMosi: “Kungebanga lokobana kunganamathuna eGibhide bonyana usisuse khona sizokufela erhalawumbenapha na? Yintobani osenze yona ngokusikhupha eGibhide le?

U-EKSODUSI 15:24

Abantu banghonghoyila kuMosi bathi: “Uthi sisele ini nasome kangaka?”

U-EKSODUSI 16:2

Umkhambathi lowo wanghonghoyila kuMosi no-Aroni erhalawumbeni,

U-EKSODUSI 17:2

Ngalokho abantu basola uMosi bathi: “Siphani amanzi sisele nina!” UMosi wathi kibo: “Kubayini nisola mina? Kuhlekuhle nizizinya uSomnini ngesenzo senwesi!”

U-EKSODUSI 17:3

Kodwana abantu bomela amanzi banghonghoyila kuMosi bathi: “Umuntu bekasikhuphelani eGibhide nazosibulalisa ngomrhawu thina nabantwabethu kanye nefuywethu na?”

U-EKSODUSI 17:7

Wathiya indawo leyo bona yiMasa neMeriba ngombana ama-Israyeli bekamsola begodu azizinya uSomnini ngokuthi: “SineKosi nasinje na?”

U-EKSODUSI 32:1

Kwathi lokha abantu nababona bonyana uMosi uyariyada ukubuya entabeni, babungelela u-Aroni bathi kuye: “Sikima usenzele isithombe sakaZimu ozasikhokhela ngombana nakhu uMosi okunguye owasikhupha enarheni yeGibhide asazi bonyana kwenzakeleni ngaye.”

U-EKSODUSI 5:21

zathi: “USomnini ukubonile enikwenzileko. Uzonigweba! Nisenze saba nyamanambana kuFaro neenkhulu zakhe nabeka isabula esandleni sabo bona basibulale!”

U-ISAYA 42:20

Wena ubone izinto ezinengi, kodwana awuyeleli; iindlebe zakho zivulekile, kodwana awuzwa.”

UDANYELA 1:20

Kiyo yoke indaba ephathelene nobuhlakani nokuzwisisa ikosi eyababuza yona, yafumana bona embuswenayo woke, badlula boke abosomlingo nabaloyi ngokubuyelelwe kalitjhumi.

UMALAKI 3:15

Khonanje sibiza abazaziko njengababusisiweko. Iye, iinkhohlakali ziyaphumelela nabajamelene noZimu bayaliswa.’ ”

UNUMERI 11:1

Abantu bakwa-Israyeli bakhola uSomnini ngokumbalabalela ngobudisi abanabo. Kwathi lokha uSomnini nabezwako wavutha khulu ngelaka lakhe. Nje-ke kwaqubuka umlilo kaSomnini hlangana nabantwabo watjhisa amahlangothi wekampa.

UNUMERI 11:4

Phakathi kwama-Israyeli bekunecubevange yabantu egade imarhamaru ifuna ukutla. Kanti-ke nama-Israyeli athoma abubula godu athi: “Uyazi bona sikhanuka inyama kangangani!

UNUMERI 12:1

UMiriyamu no-Aroni bahleba uMosi ngebanga lokuthatha kwakhe umfazi omuKutjhe, bathi: “Kazi uthethe umKutjhe!”

UNUMERI 14:11

USomnini wakhuluma noMosi wathi: “Kuzabe kube nini abantwaba bangidelela na? Begodu kuzabe kube nini bangakholwa kimi ngaphezu kwazo zoke iimbonakaliso engiziveze phakathi kwabo na?

UNUMERI 14:2

Woke ama-Israyeli anghonghoyila kuMosi no-Aroni. Umkhambathi woke wathi kibo: “Ibe thana sase safela enarheni yeGibhide leya namkha ngathana sesafela erhalawumbenapha.

UNUMERI 32:12

ngaphandle kwakaKalebi umsa kaJefune umKhenizi noJotjhuwa umsa kaNuni. Bona balandela uSomnini ngokupheleleko.’

UMATEWU 4:7

UJesu waphendula wathi: “Godu kutloliwe kwathiwa, ‘Ungamlingi uSomnini uZimakho.’ ”

1 KWEBEKORINTE 10:5

Nanyana kunjalo uZimu azange athokoze ngenengi labo; iindumbu zabo zarhatjheka kilo loke irhalawumba.

1 KWEBEKORINTE 10:9

Asingayilingi iKosi, njengombana abanye babo benza, babulawa ziinyoka.

UDUTERONOMI 9:7

Khumbulani begodu ningakhohlwa bona nimthukuthelise njani uSomnini uZimenu naniserhalawumbeni ukusuka mhlana niphuma enarheni yeGibhide bekube kumhlana nifika endaweni le, nilokhu nilwa noSomnini.

AMAHEBHERU 3:9

lapha aboyihlomkhulu bangizizinya khona nanyana besele babone imisebenzami.