UNUMERI 13:33 - IsiNdebele 2012 Translation

³³ Godu sabona lapho neentsitsirimba, okutjho ama-Anakhi iinzukulwana zeentsitsirimba. Thina-ke sazibona sifana neentethe kizo; khisibe nazo vele zasibona sinjalo.”

UNUMERI 13:33 Iomraidhean Croise

UGENESISI 6:4

Ngeenkhathezo nangemuva kwalokho bekukhona iintsitsirimba ephasini ngombana amadodana kaZimu alalana namadodakazi wabantu abelethelwa abantwana. Labo-ke bekuziingorho zeenkhathi zakade, okubabantu abanedumo.

1 IINKRONIKE 11:23

Godu wamadlha itsitsirimba yomGibhide, ipesewula yendoda ephakeme ngamamitha amabili nesiquntu. UmGibhide gade anomkhonto owawufana nompherho womaluki esandleni sakhe, kodwana uBhenaya wamdumela kunjalo ngentonga. Wahluthula umkhonto esandleni somGibhide wambulala ngawo.

U-ISAYA 40:22

USomnini nguye ohlala ngehla kwendulunga yephasi ukuze abone abahlali balo bafana neentethe. Nguye othabulula isibhakabhaka njengetjhila asendlale njengetende lokuhlala;

UNUMERI 13:22

Akhuphukela ngesewula yenarha, afika eRhebroni lapha bekuneenzukulwana zaka-Anakhi, okungu-Arhimani, uTjhetjhayi noTalimayi. (IRhebroni beyakhiwe iminyaka elikhomba ngaphambi kokwakhiwa kweTsowani eGibhide.)

UNUMERI 13:28

Nokho abantu bakhona ziinkakaramba namadorobho wakhona anemithangala begodu aziinthabathaba. Phezu kwalokho sabona neenzukulwana zaka-Anakhi lapho.

UNUMERI 14:1

Umkhambathi woke wapongoloza, iye, abantu barhahlawula ngobusukobo.

UDUTERONOMI 1:28

Alo, sizakuyaphi nje? Nabafowethu napa nabo basethusile bathi abantwaba banengi begodu bandlondlobele kunathi. Amadorobho wakhona makhulu begodu anemithangala etjhayisa emkayini. Phezu kwalokho sibone neenzukulwana zaka-Anakhi lapho.”

UDUTERONOMI 2:10

Nje-ke zilungiseleleni nikhuphukele emrhobeni iZeredi.” (Ngaphambilini ama-Emi gade ahlala kwaMowabi. Wona bekasisizwe esikhulu nesinengi kanti godu mindondotjhiya yabantu abeluleke inga ma-Anakhi. Njengama-Anakhi, ama-Emi nawo bekathathwa bonyana maRafa, kodwana amaMowabi awabiza bona ma-Emi. Ekuthomeni amaRhori nawo gade ahlala eSeyiri kodwana amadodana ka-Esewu awaqotjha, awabhubhisa abe azithathela indawawo njengombana no-Israyeli enza ngenarha yelifa lawo ayiphiwa nguSomnini.) Sayama-ke umrhoba iZeredi.

UDUTERONOMI 3:11

(Ngu-Ogi yedwa ikosi yeBhatjhani owasalako kumisalela yamaRafa. Qala, umbhedakhe gade wenziwe ngesimbi, useRabha okuyihlokodorobho yama-Amoni. Gade umamitha amane ubude, ulimitha nesiquntu nesiqunjwana ububanzi ngesilinganiso esijayelekileko. )

UDUTERONOMI 9:2

okubabantu abanengi nabandlondlobeleko kunathi, iinzukulwana zaka-Anakhi enimaziko benezwa ngaye nakuthiwa: “Akunamuntu ongajama phambi kweenzukulwana zaka-Anakhi!”

UJOTJHUWA 11:21

UJotjhuwa weza ngesikatheso, wathanyela ama-Anakhi eentabeni zakwa Juda nakizo zoke iintaba zakwa-Israyeli. Wawabhubhisa nya namadorobhawo iRhebroni, iDebhiri ne-Anaba.

UJOTJHUWA 14:12

Yeke nginikela inarha yeentabezi uSomnini akhuluma ngayo mhlokho. Iye, mbala nawe wezwa mhlokho bona ama-Anakhi ahlala lapho anamadorobho amakhulu anemithangala. Nakube uSomnini uzakuba nami, ngiwaqotjhe lapho njengombana athembisa.”

UJOTJHUWA 15:14

UKalebi waqotjha lapho amadodana amathathu ka-Anakhi okunguTjhetjhayi, u-Arhimani noTalimayi.

1 USAMYELA 17:24

Lokha ama-Israyeli nakabona indoda le, ethuka khulu ahlehla woke.

1 USAMYELA 17:42

Waqala uDavida wambona amsanyana, akhanya begodu aqaleka, yeke wamnyaza.