UNUMERI 13:32 - IsiNdebele 2012 Translation

³² Nje-ke aletha kuma-Israyeli umbiko omumbi ngenarha akhamba bona ayoyihlola athi: “Thina inarha esaya kiyo bona siyoyihlola, kuyinarha eginya abantu abahlala kiyo. Begodu boke abantu esibabone khona, kubabantu abaziinkakaramba.

UNUMERI 13:32 Iomraidhean Croise

2 USAMYELA 21:20

Nakenye godu ipi eyaba seGathi, kwakunendoda ede enemino esithandathu esandleni ngasinye namazwani asithandathu enyaweni ngalinye, okuba matjhumi amabili nane sele kukoke. Nayo gade ingenye yeentsitsirimba.

1 IINKRONIKE 20:6

Nakenye godu ipi eyaba seGathi, kwakunendoda ede enemino esithandathu esandleni ngasinye namazwani asithandathu enyaweni ngalinye, okumatjhumi amabili nane sekukoke. Naye gade ayitsitsirimba.

AMARHUBO 106:24

Godu banyaza nenarha ekhangako, akhange bakholwe iinthembiso zakaSomnini.

UHEZEKIYELI 36:12

Iye, ngizakwenza abantu bakhambakhambe phezu kwenu, okutjho abantu bami u-Israyeli. Bazanithumba nina ntaba zakwa-Israyeli, nibe lilifa labo. Anizukwenza abantwana babo bafe.”

U-AMOSI 2:10

“Mina nganikhupha eGibhide, benganihlahla iminyaka ematjhumi amane erhalawumbeni bona nginiphe inarha yama-Amori.

U-AMOSI 2:9

“Mina ngawatjhabalalisa ama-Amori phambi kwabo, nanyana ayemade njengomsedari begodu aqine njenge-owuku. Ngawasiphula nesidindi sawo.

UNUMERI 13:28

Nokho abantu bakhona ziinkakaramba namadorobho wakhona anemithangala begodu aziinthabathaba. Phezu kwalokho sabona neenzukulwana zaka-Anakhi lapho.

UMATEWU 23:13

“Maye, kini bafundisi bomthetho nani baFarisi, nina bazenzisi ndina! Nivalele abantu kobana bangangeni embusweni wezulu. Nina ngokwenu aningeni, begodu anivumeli labo abalinga ukungena!

UDUTERONOMI 1:28

Alo, sizakuyaphi nje? Nabafowethu napa nabo basethusile bathi abantwaba banengi begodu bandlondlobele kunathi. Amadorobho wakhona makhulu begodu anemithangala etjhayisa emkayini. Phezu kwalokho sibone neenzukulwana zaka-Anakhi lapho.”