UNUMERI 12:2 - IsiNdebele 2012 Translation

² Godu bathi: “Ingabe mbala uSomnini ukhulume kwaphela ngoMosi? Kanti akakakhulumi nangathi godu na?” USomnini wakwizwa lokho.

UNUMERI 12:2 Iomraidhean Croise

UGENESISI 29:33

Waba sidisi godu, wabeletha enye indodana, wathi: “USomnini ungiphe enye indodana godu ngombana uzwile bona angithandwa.” Yeke wayithiya bona nguSimiyoni.

2 USAMYELA 11:27

Kwathi isikhathi sokumzilela sesiphelile, uDavida wathi akayokuthathwa angeniswe esigodlweni sakhe. Yeke waba mkakhe wambelethela indodana. Kodwana into eyenziwe nguDavida le, yaba yimbi kuSomninini.

2 AMAKHOSI 19:4

Mhlamunye uSomnini uZimakho uwezwile woke amezwi akhulunywe mkhulumeli ogade athunywe mphathakhe ikosi ye-Asiriya bonyana azokuphoqa uZimu ophilako. Kungenzeka bona uSomnini uZimakho uzibuyiselele ngamezwi awezwileko lawo. Yeke wena thandazela abantu abaseleko.’ ”

U-EKSODUSI 4:14

USomnini wathukuthelela uMosi wathi: “Angitjho unomfowenu u-Aroni umLevi? Ngiyazi bonyana yena ukghona ukukhuluma kuhle. Sele asendleleni uzokuhlangabeza, ihliziywakhe izokuthaba nakubonako.

U-EKSODUSI 4:30

U-Aroni wafese wabatjela koke uSomnini akukhulume kuMosi. Godu wenza neembonakaliso phambi kwabantu,

U-EKSODUSI 5:1

Ngemva kwalokho uMosi no-Aroni baya kuFaro bathi: “Nakhu okutjhiwo nguSomnini uZimu wakwa-Israyeli, ‘Tjhaphulula abantu bami bakhambe ukuze bangenzele umnyanya erhalawumbeni.’ ”

U-EKSODUSI 7:10

Kwathi lokha uMosi no-Aroni nabaya kuFaro bona benze njengombana uSomnini abayalile, u-Aroni waphosela idondolo lakhe phasi ngaphambi kwakaFaro neenkhulu zakhe. Idondolwelo laphenduka inyoka.

IZAGA 13:10

Ngokuzikhukhumeza, onganahloko ubanga ukucabana; kodwana ukuhlakanipha kuhlala nabamukela izeluleko.

U-ISAYA 37:4

Mhlamunye uSomnini uZimakho uwezwile woke amezwi akhulunywe mkhulumeli, ogade athunywe mphathakhe ikosi ye-Asiriya bonyana azokuphoqa uZimu ophilako. Kungenzeka bona uSomnini uZimakho azibuyiselele ngamezwi awezwileko lawo. Yeke wena thandazela abantu abaseleko.’ ”

UMIKHA 6:4

Iye, nganikhupha eGibhide; nganihlenga enarheni yobukhoboka. Nganithumela uMosi, u-Aroni noMeriyamu kobana banirhole.

UNUMERI 11:1

Abantu bakwa-Israyeli bakhola uSomnini ngokumbalabalela ngobudisi abanabo. Kwathi lokha uSomnini nabezwako wavutha khulu ngelaka lakhe. Nje-ke kwaqubuka umlilo kaSomnini hlangana nabantwabo watjhisa amahlangothi wekampa.

UNUMERI 11:29

Kodwana uMosi wathi kuye: “Kanti awufuni ngami na? Mina bengingafisa ngathana boke abantu bakaSomnini bekungaba baphorofidi, nokobana sengasuthi uSomnini bakangathela ummoya ovela kuye phezu kwabo.”

UNUMERI 12:3

NakunguMosi yena bekazithobe ukudlula boke abantu abaphila ngaphasi komthunzi welanga.

UNUMERI 16:3

Babuthana ndawonye bajamelana noMosi no-Aroni bathi kibo: “Kwanje khona, sekwanele! Boke abantu bomkhambathi, omunye nomunye wabo ungocwengileko begodu noZimu uphakathi kwabo. Alo, nina kubayini niziphakamisa ngaphezu kwehlangano kaSomnini na?”

KWEBEROMA 12:10

Thandanani khulu ngethando lobuzalwana, niphalisane ngokuhloniphana.

KWEBEROMA 12:3

Ngomusa engiwuphiweko ngithi kini noke: Ningaziphatheli phezulu ngaphezu kwalokho eningikho, kodwana ziphatheni ngokuzigoba ukuya ngokwesilinganiso sokukholwa enikuphiwe nguZimu.

KWEBEFILIPI 2:14

Yenzani koke ngaphandle kokurhonona nokuphikisana,

KWEBEFILIPI 2:3

Ningenzi ilitho ngehliziyo ede namkha ngokuzitjhaya kodwana ngokuzithoba, nithathe abanye bona bangcono kunani.

1 UPITROSI 5:5

Ngendlela enjalo nani lutjha, thobelani abadala. Noke yembathani ukuthobelana ekusebenzisaneni kwenu omunye komunye ngombana: “UZimu ujamelene nabazikhukhumezako. Kodwana ubehlisela umusa abazithobileko.”