UNUMERI 10:29 - IsiNdebele 2012 Translation

²⁹ Nje-ke uMosi wakhuluma noRhobabi umsa kaRewuyeli umkhwe wakhe, omuMidiyani, wathi: “Sifudukela endaweni uSomnini athi uzasinikela yona. Yeke, namba nathi, sizokunanageja ngombana uSomnini ukhulume kuhle ngo-Israyeli.”

UNUMERI 10:29 Iomraidhean Croise

UGENESISI 12:7

USomnini wabonakala ku-Abramu khonapho wathi: “Nginikela isizukulwana sakho inarha le.” Nje-ke u-Abramu wakhela uSomnini owabonakala kuye i-aldari lapho.

UGENESISI 13:15

ngombana yoke inarha oyibonako le ngikunikela yona wena neenzukulwana zakho nini nanini.

UGENESISI 15:18

Khona mhlokho uSomnini wenza isivumelwano no-Abramu wathi: “Ngithembisa ukunikela iinzukulwana zakho inarha le kusukela emlanjeni weGibhide ukuyofika emlanjeni omkhulu, iYufrathe,

UGENESISI 17:8

Yoke inarha yeKanana okhonze kiyo le, ngizayipha wena neenzukulwana zakho eziza emva kwakho ibe lilifa lakho neenzukulwana zakho unomphela bengibe nguZimazo.”

UGENESISI 32:12

Somnini wena ngokwakho uthe ngambala uzangiphumelelisa bewenze iinzukulwana zami zibe ngangehlabathi yelwandle engabalekiko.”

AMARHUBO 100:1

Irhubo lokuthokoza. Hlokomelani uSomnini nina bephasi loke!

AMARHUBO 34:8

Abesaba uSomnini, baphahlwa yingilozi mazombe, ibenyule.

AMARHUBO 95:1

Yenize sihlokomele uSomnini; iye, sihlokomalele iDwala lesindiswethu!

U-EKSODUSI 18:1

UJetero umphristi weMidiyani ongumkhwe kaMosi wezwa ngakho koke uSomnini uZimu akwenzela uMosi kanye nabantu bakhe u-Israyeli nokobana wawakhupha njani ama-Israyeli eGibhide.

U-EKSODUSI 18:12

Khonapho uJetero, umkhwe kaMosi, waphuma wayokwenzela uZimu umhlabelo wokutjhiswa newetjhebiswano. U-Aroni nabo boke abaphathi bakwa-Israyeli bahlanganyela nomkhwe kaMosi ekugomeni umhlabelo wetjhebiswano phambi kwakaZimu.

U-EKSODUSI 18:27

UMosi waphekelela umkhwe wakhe bonyana akhambe. Njalo-ke waya enarheni yekhabo.

U-EKSODUSI 2:18

Lokha amadodakazi nabuyela kuyise, uRewuyeli, wawabuza wathi: “Naba msinya kangaka namhlanje kwenze njani?”

U-EKSODUSI 2:21

UMosi wazimisela ukuhlala noRewuyeli. Wamupha indodakazakhe uTsiphora bonyana abe mkakhe.

U-EKSODUSI 3:1

UMosi gade eluse umhlambi kaJetero, umkhwe wakhe, umphristi weMidiyani. Waragela umhlambi ngaphetjheya kwerhalawumba bewafika eRhorebe intaba kaZimu.

U-EKSODUSI 3:8

Ngalokho ngehlile kobana ngibenyele esandleni samaGibhide, ngibakhuphe enarheni leyo ngibase enarheni ehle nevulekileko. Iye, inarha egeleza ibisi neliju, ikhaya lamaKanana, amaRhithi, ama-Amori, amaPerizi, amaRhivi namaJebusi.

U-EKSODUSI 6:4

Godu ngenza isivumelwano sami nabo kobana ngibaphe inarha yeKanana lapha bakhonza khona njengamaphandle.

U-ISAYA 2:3

Nabantu abanengi bazakuza bathi: “Nambani sikhuphukeleni entabeni kaSomnini, ethempelini lakaZimu kaJakopo ukuze asifundise iindlela zakhe kobana sikhambe ngemizilakhe.” Mbala, umthetho uzakuvela eZiyoni nelizwi lakaSomnini eJerusalema.

UJOROMIYA 50:5

Bazakubuza indlela eya eZiyoni baphendukele nganeno bathi, ‘Yizani sizihlanganiseni noSomnini ngesivumelwano sanini nanini esingeze sakhohlweka.’

UNUMERI 10:28

Lokho bekulihlelo lokufuduka kwamabutho wama-Israyeli; kuyindlela egade afuduka ngayo-ke leyo.

UNUMERI 23:19

UZimu akasuye umuntu bona angabeze aleye amala, namkha indodana yomuntu bona angabeze aphenduke. Uyakhuluma yena angenzi na? Uyathembisa angaphethi na?

IZENZO ZABAPOSTOLI 7:5

Kodwana akhange amnikele ilifa lapho, ngitjho nomtletlana wendawo. Kunalokho ngesikhathesi wamthembisa nanyana gade anganamntwana bona ngemuva kwakhe izakuba ngeyakhe neenzukulwana zakhe.

UDUTERONOMI 30:5

anise enarheni yaboyihlomkhulu kobana ibe ngeyenu. Uzaniphumelelisa khulu anandise ukudlula aboyihlomkhulu.

UDUTERONOMI 4:40

Ngalokho gcinani iimiso nemiyalwakhe enginiyala ngayo namhlanje ukuze izinto zinikhambele kuhle kanye neenzukulwana zenu ezilandelako nokobana amalangenu wokuphila ande endaweni enihlala kiyo, okuyindawo uSomnini uZimenu anipha yona isiphelani.

UTITOSI 1:2

ethembeni lepilo engapheliko uZimu ongaleyi amala akuthembisa koke kungakathomi;

AMAHEBHERU 6:18

Wakwenza lokhu ukuze ngezinto ezimbili lezo ezingaphendukiko angekhe kwenzeke bona aleye amala; kuthi thina esiphephele kuye sikhuthale ngamandla sibambelele ethembeni elibekwe phambi kwethu.

ISAMBULO 22:17

UMoya nomlobokazi bathi: “Yiza!” Nozwako akatjho athi: “Yiza!” Omunye nomunye owomileko akeze; nanyana ngubani othandako akathathe amanzi wokuphila ngesihle.

ABAKHOKHELI 1:16

Iinzukulwana zomukhwe kaMosi, okutjho amaKheni, zakhuphuka nabantu bakwaJuda zisuka edorobheni lamasundu zaya ngerhalawumbeni lakwaJuda elingesewula yenarha eduze ne-Aradi. Zahlala lapho nabantu bakhona.

ABAKHOKHELI 4:11

ETsananimu eseduze neKhedetjhi bekunomKheni okuthiwa nguRhebheri ogade ahlome itende lakhe emithini ye-owuku. Yena gade azihlukanisile namaKheni, okuziinzukulwana zakaRhobabi umkhwe kaMosi.

1 USAMYELA 15:6

Wathi kumaKheni: “Khambani nisukele ama-Amalekhi la ukuze nangiwabhubhisako ningachaphazelwa ziingazi ngombana nina naba nomusa kiwo woke ama-Israyeli naphuma eGibhide.” AmaKheni aphuma-ke kuma-Amalekhi.