UNUMERI 1:51 - IsiNdebele 2012 Translation

⁵¹ Lokha ithaberinakeli nalithuthwako, lizakuwiswa maLevi. Godu nalihlonywako, maLevi azalijamisa. Nanyana ngubani omunye ozakutjhidela kilo akabulawe.

UNUMERI 1:51 Iomraidhean Croise

2 USAMYELA 6:7

Ubukhali bakaSomnini bavuthela u-Uza ngebanga lesenzo sakhe sokungahloniphi; ngebangelo uSomnini wamumadlha phasi wafela khonapho eqadi komfaji kaZimu.

UNUMERI 10:11

Ngomnyaka wesibili, lokha inyanga yesibili nayinamalanga amatjhumi amabili, ilifu lakhutjhulwa ethaberinakelini lobufakazi.

UNUMERI 16:40

Zaba siyeleliso kuma-Israyeli bonyana kungabi khona noyedwa ongasuye umphristi nongasiso isizukulwana saka-Aroni ozakutjhidela phambi kwakaSomnini batjho utjhisa itjhwalo. Nakungasinjalo uzakufana noKhorarhi nejima lakhe. Kwaba njengombana uSomnini ayala u-Elazara ngoMosi.

UNUMERI 17:13

Ngambala, omunye nomunye otjhidela ethaberinakelini lakaSomnini uzokufa! Alo, sifanele sife sokanyana nje?”

UNUMERI 17:5

Intonga yomuntu engizakumkhetha izakuhluma. Ngalokho ngizakuqeda ukubelesela kokunghonghoyila kwama-Israyeli kini.”

UNUMERI 18:22

Kusukela nje, ama-Israyeli akukafaneli atjhidele etendeni lokuhlanganela ngombana nakenza njalo azakuthwala isono bese ayafa.

UNUMERI 18:3

Bazakwenza imisebenzi obanikela yona etendeni loke, kodwana bangatjhideli ezitjeni ezicwengileko namkha e-aldarini. Nange bangatjhidela bazakufa bese nani niyafa.

UNUMERI 18:4

Bazakuhlanganyela nawe, baqale itende lokuhlanganela bebenze yoke imisebenzalo kodwana ongasi mphristi angatjhideli kini

UNUMERI 18:7

Kodwana wena namadodanakho akanye nawe nizakwenza umsebenzenu wobuphristi omayelana nakho koke okuphathelene ne-aldari nendawo engemuva kwesiyaya setjhila. Lokho kumsebenzenu. Ubuphristi ngibunikele nina njengesipho, nje-ke nanyana ngubani otjhidela eduze angasi mphristi, uzakubulawa.”

UNUMERI 3:10

Kodwana u-Aroni namadodanakhe ababekwe bona benze umsebenzi wobuphristi. Nange kungaba khona omunye othatha umsebenzabo, akabulawe.”

UNUMERI 3:38

Labo ebekufuze bahlome amatendabo ngaphambi kwethaberinakeli, ngehlangothini langepumalanga yetende lokuhlanganela, nguMosi no-Aroni kanye namadodanakhe. Ngibo ebe baqalene nokulotjha endaweni ecwengileko esikhundleni sama-Israyeli. Nanyana ngubani omunye ozakutjhidela eendaweni ezikhethiselako, akabulawe.

1 USAMYELA 6:19

Kodwana uZimu wamadlha phasi abanye babantu beBhethe-Tjhemetjhi abamatjhumi alikhomba ngombana balunguza ngaphakathi komfaji kaSomnini. Isizwe salila ngombana uSomnini wamadlha phasi abanengi baso.