UNERHEMIYA 9:6 - IsiNdebele 2012 Translation

⁶ Wena wedwa unguSomnini. Nguwe owenze izulu, iye, izulu lamazulu kanye nazo zoke iinkhanyisi zalo. Wenze iphasi nakho koke okukilo, amalwandle kanye nakho koke okukiwo. Nguwe ophilisa koke lokho, kanti-ke neendalwa zezulu zikhothamela wena.

UNERHEMIYA 9:6 Iomraidhean Croise

UGENESISI 1:1

Koke kwathoma lokha uZimu nakadala izulu nephasi.

UGENESISI 1:9

UZimu wathi: “Amanzi angaphasi komkayi akabuthane ndawonye, kubekhona indawo eyomileko.” Mbala kwaba njalo.

UGENESISI 2:1

Yeke kwapheleliswa izulu nephasi kanye nendalo yoke.

UGENESISI 32:2

Kwathi lokha uJakopo nazibonako wathi: “Leli libutho lakaZimu!” Wathiya indawo leyo bonyana yiMarhanayimu.

1 AMAKHOSI 22:19

UMikaya waragela phambili wathi: “Yeke lalela okwatjhiwo nguSomnini nangimbona ahlezi esihlalweni sakhe sobukhosi aphahlwe mkhambathi woke wezulwini, ngesigomeni nangesinceleni sakhe

1 AMAKHOSI 8:27

“Kodwana nithi uZimu angahlala ephasinapha na? Ngitjho namazulu, ukufika nezulwini eliphezulu khulu, angeze akghona ukumumumatha. Alo, ithempeli engilakhilekweli beliyini-ke lona!

2 AMAKHOSI 19:15

Wathandaza kuSomnini wathi: “Awu, wena Somnini Zimu wakwa-Israyeli ohlala phezu kwamakerubhi, wena wedwa onguZimu ngaphezu kwemibuso yoke yephasi. Wena wenze izulu nephasi.

2 AMAKHOSI 19:19

Nje-ke Somnini Zimethu, sisindisa esandleni sekosi ye-Asiriya ukuze yoke imibuso yephasi yazi bona wena Somnini, nguwe wedwa uZimu.”

UNERHEMIYA 9:5

Nje-ke amaLevi ekuboJetjhuwa, uKhadimiyeli, uBhani, uRhatjhabineya, uTjherebiya, uHodiya, uTjhebaniya noPhatarhiya bathi: “Sikimani nidumise uSomnini uZimenu nini nanini ngokuthi, Alidunyiswe ibizo lakho eliphazimulako; iye, ibizo eliphakanyiswa ngaphezu kwedumo neembongo zoke.

AMARHUBO 102:25

Ngebangelo ngiyancenga ngithi: “Zimami, ungangisusi ngisesephakathi kwamalangami.” Iminyakakho iseenzukulwaneni ngeenzukulwana.

AMARHUBO 103:21

Dumisani uSomnini nina noke mabuthwakhe, iye, nina nceku zakhe enenza intandwakhe!

AMARHUBO 115:15

Inga ningabusiswa nguSomnini owenza izulu nephasi!

AMARHUBO 124:8

Isizo lethu lisebizweni lakaSomnini owenze izulu nephasi.

AMARHUBO 146:6

owenza izulu nephasi, ilwandle nakho koke okukikho, olonda iqiniso isiphelani,

AMARHUBO 24:10

Ungubani umBusi ohloniphekileko loyo na? UnguSomnini uMninimandlawoke; nguye emBusi ohloniphekileko.

AMARHUBO 33:6

Ngelizwi lakaSomnini, kwadaleka umkayi, iye, ngokukhuluma kwakhe kwenzeka koke okukiwo.

AMARHUBO 36:6

Somnini, ukwethembeka kwakho kunabele emazulwini, nobuqotho bakho bufika emkayini.

AMARHUBO 86:10

ngombana wena umkhulu begodu wenza iimangaliso. Wena wedwa unguZimu.

U-ISAYA 37:16

“Awu, Somnini Mninimandlawoke, wena Zimu wakwa-Israyeli ohlala phezu kwamakerubhi, nguwe wedwa uZimu ngaphezu kwemibuso yoke yephasi. Udale izulu nephasi.

U-ISAYA 37:20

Nje-ke Somnini, Zimethu, yewusisindise esandleni sekosi ye-Asiriya ukuze yoke imibuso yephasi yazi bonyana nguwe wedwa uSomnini.”

U-ISAYA 43:10

USomnini uthi: “Nina ma-Israyeli, nibofakazi bami. Iye, wena Israyeli uyincekwami engiyikhethileko ukuze wazi bewukholwe kimi begodu ulemuke bonyana nginguye onguye. Azange khekube noZimu omunye ngaphambi kwami begodu angeze kwaba khona omunye.

U-ISAYA 44:6

Nakhu okutjhiwo nguSomnini iKosi nomhlengi wakwa-Israyeli, iye, uSomnini uMninimandlawoke uthi: “Ngingowokuthoma newokugcina, ngaphandle kwami akunaZimu omunye.

U-ISAYA 44:8

“Nina ma-Israyeli, ningathuthumeli, ningesabi. Azange ngikumemezele lokho phambilini bengakubika na? Nina nibofakazi bami. Yitjhoni bona kghani ukhona omunye uZimu ngaphandle kwami na? Alikho elinye idwala; ngambala alikho elinye engilaziko.”

U-ISAYA 45:12

Ngimi lo owenze iphasi begodu ngimi owadala nabantu abakilo. Zizandla zamezi ezaqhisa isibhakabhaka, ngalawula namabutho waso weenkwekwezi.

UJOROMIYA 32:17

“Maye mina, Somnini Somandla, qala, nguwe owenze izulu nephasi ngamandlakho amakhulu nangengalo eluliweko. Akunanto ekubhalelako.

UHEZEKIYELI 20:11

Ngabanikela iimiso zami bengabazisa imithethwami ukuze abantu bayigcine bese baphila ngayo.

UJONA 1:9

Wabaphendula wathi: “NgimHebheru begodu ngithobela uSomnini uZimu osezulwini, okunguye umenzi welwandle nenarha.”

UJWANISI 10:30

Mina noBaba simunye.”

IZENZO ZABAPOSTOLI 4:24

Sele bakuzwile lokho, baphakamisela ilizwi lomthandazo ngahliziyonye kuZimu bathi: “Somandla, Mdali wezulu nephasi nelwandle nakho koke okukilo,

UDUTERONOMI 10:14

Nanyana izulu, iye izulu lamazulu lingelakaSomnini uZimenu nephasi nakho koke okukilo

UDUTERONOMI 32:39

Qalani-ke gadesi, mina ngingimi kwaphela; akunaZimu ngaphandle kwami! Mina ngiyabulala, ngibuye ngiphilise, nangilimazileko, ngibuye ngipholise; akakho ongasindisa esandleni sami.

UDUTERONOMI 6:4

Yizwa wena Israyeli! USomnini nguZimethu, nguye yedwa uSomnini.

AMAHEBHERU 1:3

Yona isibonakaliso sephazimulo kaZimu nomfuziselo wamambala wobuyena bakhe; iphethe izinto zoke ngelizwi layo elinamandla. Lapho sele ikwenzile ukuhlanjululwa kwezono, yahlala ngesigomeni sakaSomandla ezulwini.

AMAHEBHERU 1:6

Godu kwathi lokha uZimu nakaletha izibulo lakhe ephasinapha, wathi: “Zoke iingilozi zakaZimu azililotjhe.”

ISAMBULO 14:7

Yarhuwelela yathi: “Mesabeni uZimu nimphazimulise ngombana isikhathi sakhe sokugweba sesifikile! Mlotjheni loyo owenza izulu nephasi, ilwandle nemithombo yamanzi.”

ISAMBULO 4:11

“Ufanele wena Somnini Zimethu, ukwamukela idumo, ubukhosi namandla ngombana nguwe owabumba koke begodu koke okukhona kwadalwa ngentando yakho.”