UNERHEMIYA 9:2 - IsiNdebele 2012 Translation

² Ama-Israyeli wokubelethwa azihlukanisa nazo zoke iinzukulwana zabezizwe. Asikima avuma izono zawo nobukhohlakali baboyise.

UNERHEMIYA 9:2 Iomraidhean Croise

1 AMAKHOSI 8:47

nabafika lapho bese batjhugulula iinhliziyo zabo, baphenduke bakurabhele basendaweni yesitheso bathi, ‘Sonile nasinje, senze okumbi, sikhohlakele,’

U-EZRA 10:11

Nje-ke vumani izono kuSomnini uZimu waboyihlo, nenze intandwakhe. Hlukanani nabantu bezizwe zenarha le begodu nihlukane nabafazi abatjhili.”

U-EZRA 6:21

Ladliwa ma-Israyeli agade abuye ekuthunjweni kanye nabo boke ebebazihlukanise emikhubeni esilapheleko yabezizwe enarheni leyo. Labo-ke bazihlanganisa nama-Israyeli ukuze bafune intando kaSomnini uZimu wakwa-Israyeli.

U-EZRA 9:1

Emva kokobana izintwezo zenziwe, iinkhulu zeza kimi zafese zathi: “Abantu bakwa-Israyeli, abaphristi namaLevi, abakazihlukanisi emikhubeni eziinyenyiso zabantu ababazombelezileko, okutjho amaKanana, amaRhithi, amaPerizi, amaJebusi, ama-Amoni, amaMowabi, amaGibhide nama-Amori.

U-EZRA 9:15

Maye Somnini, Zimu wakwa-Israyeli, ulungile ngombana sisele simisalela esindileko bekube namhlanje. Akhusuthi uyaqala, thina siphambi kwakho necala lethu nanyana kungekho ongajama phambi kwakho ngenca yalokho.”

U-EZRA 9:2

Bazithathele amanye wamadodakazi wabantwabo bona abe bafazi babo nabamadodanabo. Nje-ke imbewu ecwengileko seyizihlanganise nabantu beenarha ezibazombileko. Begodu isandla seenkhulu nabaphathi siphambili endabeni yokungathembeki le.”

UNERHEMIYA 1:6

Kwanga uSomnini angangilalela, angitjheje ukuze ezwe umthandazo incekwakho ewuthandaza phambi kwakho ubusuku nemini mayelana neenceku zakho ama-Israyeli. Mina ncekwakho ngivuma izono ama-Israyeli akone ngazo, godu ngivuma nezami nezomndenami.

UNERHEMIYA 10:28

Inengi labantu bekhethu lazihlanganisa nabosaziwakwabo. Inengelo, abaphristi, amaLevi, abalindisango, abavumi neensebenzi zethempeli, okutjho boke abazahlukanisa nabantu benarha le ngenca yomthetho kaZimu, bazibopha ngamanikelela nangesifungo sokobana bazakukhamba emthethweni kaZimu oweza ngoMosi incekwakhe. Bazibopha bonyana kulondwe bekwenziwe yoke imiyalo, imithetho neemiso zeKosethu uSomandla. Isibopheso besifaka phakathi abafazi babo, amadodanabo, amadodakazabo ebegade asele anokuzwisisa.

UNERHEMIYA 13:3

Kwathi lokha abantu nabezwa umthetho lowo, bakhupha boke ebebangasiwo ama-Israyeli ngokuzeleko.

UNERHEMIYA 13:30

Ngalokho ngahlambulula abaphristi namaLevi kikho koke kwabezizwe. Ngajamisa kabutjha imisebenzi yabaphristi namaLevi, kwaba ngomunye nomunye emsebenzinakhe.

AMARHUBO 144:11

Iye, ngisindise bewungenyule ezandleni zabatjhili abanemilomo ekhuluma amala nabanesidla sekohliso!

AMARHUBO 144:7

Yelula isandla sakho uphezulu; ngisindise bewungenyule emanzini amanengi, iye, ezandleni zabatjhili,

IZAGA 28:13

Ofihla iimphambeko zakhe akaphumeleli, kodwana ozivumako abe azitjhiye ufunyana isirhawu.

U-ISAYA 2:6

Maye, Somnini! Ulahle abantu bakho, indlu kaJakopo: Bagcwele ukuhlohlozelwa kwepumalanga nokuphengula njengamaFilista ngebanga lokuhlanganisa izandla nabatjhili.

UJOROMIYA 14:20

Somnini, siyabuvuma ubukhohlakali bethu kanye necala labobaba: Ngambala, sonile kuwe.

UJOROMIYA 3:13

Kwaphela vuma icala lakho bonyana uhlubuke uSomnini uZimakho, ukhambe wehla wenyuka nabatjhili ngaphasi kwayo yoke imithi ehlaza, azange ulalele ilizwi lami.

UDANYELA 9:20

Ngathi ngisakhuluma ngithandaza, ngivuma izono zami nezabantu bekhethu u-Israyeli begodu ngethula iimbawo zami phambi kwakaSomnini uZimami ngebanga lentaba ecwengileko kaZimami;

UHOSIYA 5:7

Abathembeki phambi kwakaSomnini, babeletha amavezandlebe. Nje-ke, uSomnini uzobatjhabalalisa ngenyanga eyodwa nje; kuzabe kungasenalitho emasiminabo.