UNERHEMIYA 9:10 - IsiNdebele 2012 Translation

¹⁰ wenza iimbonakaliso nemikarisomraro kuFaro neencekwini zakhe zoke kanye nebantwini boke benarha yakhona ngombana wena bewazi bonyana bazitjhaya kangangani phezu kwabobabethu. Ngalokho wazenzela ibizo bekube kunamhlanje.

UNERHEMIYA 9:10 Iomraidhean Croise

UNERHEMIYA 9:16

“Kodwana bona kanye nabobaba bazitjhaya bebakhunyalalisa iintamo begodu azange balalele imiyalwakho.

UNERHEMIYA 9:29

Wabayelelisa kobana babuyele emthethwenakho. Kodwana bona bazitjhaya ngokungalaleli imiyalwakho. Beqa nemithethwakho umuntu ebegade kufuze aphile ngayo. Bafulathela bakhunyalele, baqinisa iintamo zabo, azange balalele.

AMARHUBO 83:18

Benze barhubutjheke bebadane nini nanini; bakhene bebabhubhe.

U-EKSODUSI 18:11

agade abaphatha ngokubanyaza. Gadesi sengiyazi bonyana uSomnini mkhulu kunabo boke abosingazimu.”

U-EKSODUSI 3:20

Ngalokho-ke ngizakwelula isandla sami ngimadlhe amaGibhide ngazo zoke iimangaliso engizazenza phakathi kwawo. Ngemva kwalapho izanitjhaphulula.

U-EKSODUSI 5:2

UFaro wathi: “Bekangubani uSomnini wakhona loyo bonyana ngingabeze ngimlalele ngitjhaphulule ama-Israyeli? Angimazi uSomnini loyo, ngalokho ngithi nakuma-Israyeli akayi ndawo!”

U-EKSODUSI 7:1

Yeke uSomnini wathi kuMosi: “Qala, ngikwenze waba njengoZimu kuFaro, umfowenu u-Aroni uzakuba mphorofidakho.

U-EKSODUSI 9:16

Kodwana ngikubabalele ngomnqopho wokukukhombisa amandlami nokobana ibizo lami libatjazwe iphasi loke.

U-ISAYA 42:20

Wena ubone izinto ezinengi, kodwana awuyeleli; iindlebe zakho zivulekile, kodwana awuzwa.”

U-ISAYA 63:12

wathumela ingalwakhe edumileko kobana ibe ngesigomeni sakaMosi, owahlukanisa amanzi phambi kwabo kobana azenzele ibizo lanini nanini

U-ISAYA 63:14

nanjengesilwana esehlela emrhobeni, lapha uMoya kaSomnini usiphumuza khona, ngokunjalo warhola abantu bakho Somnini, kobana uzenzele ibizo elidumileko.

UJOROMIYA 32:20

Wenze iimbonakaliso nemikarisomraro eGibhide begodu uragele phambili ngazo nanamhlanjesi, kwa-Israyeli naphakathi kwezizwe, wazakhela ibizo njengombana kunjalo nanamhlanje.

UHEZEKIYELI 20:9

Kodwana ngaqunta ukwenza okuthileko ngenca yebizo lami ukuze lingasilaphazwa emehlweni wezizwe ebebahlala phakathi kwazo: Ngizabakhupha eGibhide kobana ngizazise kibo phambi kwezizwe.

UDANYELA 4:37

Nje-ke mina Nebukadinetsari, ngiyadumisa ngiphakamisa begodu ngithobela iKosi yezulwini. Imisebenzayo iliqiniso neendlela zayo zilungile. Mbala, iyakwazi ukubathobisa labo abakhamba ngokuzigqaja.

UDANYELA 5:23

Kunalokho uziphakamisile kuMbusi wezulwini: Izitja zethempeli lakhe zilethwe phambi kwakho, kwathi wena neenkhulu zakho, abomkakho nemingenakho nasela iwayini ngazo. Godu wena kosi ubuye wadumisa abozinyana besiliva nebegolide, bekoporo, besimbi, besigodo nebelitje; iye, labo abangaboniko, abangezwako nabanganalwazi. Kodwana uZimu ophethe ukuphila kwakho kanye neendlela zakho zoke, akhange umhloniphe.

UDANYELA 9:15

“Manje-ke Somandla Zimethu, wena owakhupha abantu bakho enarheni yeGibhide ngesandla esinamandla, wazenzela ibizo njenganamhlanje, sonile kuwe senza okumbi.

IZENZO ZABAPOSTOLI 7:36

Wabakhupha eGibhide, iye, wenza iimangaliso neembonakaliso eGibhide, elwandle lomGaba kanye nerhalawumbeni iminyaka ematjhumi amane.

KWEBEROMA 9:17

ngombana umtlolo uthi kuFaro: “Ngakwenyusela khona lokhu kobana ngiveze amandlami ngawe nokobana ibizo lami libatjazwe kilo loke iphasi.”

UDUTERONOMI 4:34

Kwakhe kwaba nozinyana owalinga ukukhamba ayozenyulela isizwe hlangana nezinye ngokuzibonakalisa ngamatshwenyeko, iimbonakaliso, imikarisomraro nezipi, ngamandla amakhulu nangesiphanga sakhe nangokwesabeka okukhulu njengombana kwenza uSomnini uZimenu eGibhide niqalile na?

UDUTERONOMI 7:19

USomnini uZimenu wanenyula eGibhide ngamatshwenyeko amakhulu niqalile, iimbonakaliso nemikarisomraro, ngesandla esinamandla nangesiphanga sakhe. Ngaleyondlela uSomnini uZimenu uzakwenza soneso kibo boke abantu enibesabakwaba.

1 UPITROSI 5:5

Ngendlela enjalo nani lutjha, thobelani abadala. Noke yembathani ukuthobelana ekusebenzisaneni kwenu omunye komunye ngombana: “UZimu ujamelene nabazikhukhumezako. Kodwana ubehlisela umusa abazithobileko.”