UNERHEMIYA 8:9 - IsiNdebele 2012 Translation

⁹ Kwathi lokha uNerhemiya ogade ambusi no-Ezra omphristi nomtloli kanye namaLevi nabafundisa abantu, bathi kibo boke: “Ilangeli licwengile kuSomnini uZimenu, yeke ningadabuki namkha nilile ngalo.” Batjho lokho ngombana abantu balila lokha nabezwa amezwi womthetho.

UNERHEMIYA 8:9 Iomraidhean Croise

2 AMAKHOSI 22:11

Kuthe lokha ikosi nayizwa amezwi wencwadi yomthetho, yatlebhula izambatho zayo.

2 AMAKHOSI 22:19

Ihliziywakho ithintekile bewazithoba phambi kwami, mina Somnini, lokha nawuzwa lokho engikutjhwileko ngendawo le nangabantu bayo, okutjho bona kuzokuba yindawo eligagadu ngendlela abantu abayihlolozela ngayo. Iye, utlebhulile izambatho zakho bewalila phambi kwami. Njengombana wenze lokhu, ngehlangothini lami, umthandazwakho uzwakele.’ La mamezwi kaSomnini.

2 IINKRONIKE 15:3

U-Israyeli uhlezi isikhathi eside anganaZimu owazisako, anganamphristi ongamfundisa begodu anganamthetho.

2 IINKRONIKE 30:22

UHezekhiya wabeka ikulumo yokukhuthaza amaLevi enza umsebenzi kaSomnini ngekghono elikhulu. Amalanga alikhomba woke agoma ukudla komnyanya enza nemihlabelo yetjhebiswano avuma bona azakwethembeka kuSomnini uZimu waboyisemkhulu.

2 IINKRONIKE 34:19

Kuthe lokha ikosi nayizwa amezwi womthetho, yadabula izambatho zayo.

2 IINKRONIKE 34:21

“Khambani niyosibuzela kuSomnini, mina nemisalela yakwa-Israyeli nakwaJuda, ngokutlolwe encwadini efunyenweko le. Maye, yikulu kangangani itukuthelo kaZimu phezu kwethu ngebanga labobamkhulu abangazange balonde ilizwi lakaSomnini! Azange benze njengokutjho kwakho koke okutlolwe encwadinapha.”

2 IINKRONIKE 35:3

Wathi kumaLevi ebegade ayala woke ama-Israyeli begodu azahlukanisele uSomnini: “Umfaji ocwengileko ogade ubekwe ngethempelini elakhiwa nguSolomoni umsa kaDavida ikosi yakwa-Israyeli, akusese msebenzenu ukuwuthwala emahlombe. Ngalokho kumele nilotjhe uSomnini uZimenu nabantu bakhe u-Israyeli bunje:

U-EZRA 2:63

Umbusi wesikhatheso wabatjela bonyana akukameli bahlanganyele ekudleni kweminikelo ecwenge khulu ukufikela lapha kuzakuba nomphristi omkhulu owenza iqunto nge-urimi nethumimi.

U-EZRA 7:11

Naku-ke umkhuphelo wencwadi ikosi u-Aritarhitjhasta awunikela u-Ezra umphristi nomtloli osisazi semiyalo kaSomnini neemiso zakhe mayelana no-Israyeli, uthi:

UNERHEMIYA 10:1

Labo abafaka isigibo esibopheni bekungilaba: uNerhemiya umbusi omsa kaRhakaliya noTsedekhiya;

UNERHEMIYA 12:26

Bona bebenza umsebenzi lowo emihleni kaJoyakhimu umsa kaJetjhuwa omsa kaJotsadakhi, nemihleni kaNerhemiya umbusi no-Ezra omphristi nomtloli.

UNERHEMIYA 7:65

Umbusi wesikhatheso wabatjela bonyana akukameli bahlanganyele ekudleni kweminikelo ecwenge khulu ukufikela lapha kuzakuba nomphristi omkhulu owenza iqunto nge-urimi nethumimi.

UNERHEMIYA 7:70

Abanye beenhloko zemindeni yaboyise bafaka isandla ngokunikela emsebenzini wethempeli. Umbusi wanikela esikhwameneso igolide elimakhilogremu abunane nesiquntu, izitja zokunyenyeza ezimatjhumi amahlanu nezambatho zabaphristi ezimakhulu amahlanu namatjhumi amathathu.

UNERHEMIYA 8:2

Nje-ke u-Ezra umphristi waletha umthetho lowo phambi kwehlangano ngelanga lokuthoma lenyanga yekhomba. Bekuyihlangano yamadoda nabafazi kanye nabo boke abazwisisa umthetho.

UMTJHUMAYELI 3:4

isikhathi sokulila nesikhathi sokuhleka, isikhathi sokuzila nesikhathi sokugida;

U-ISAYA 61:3

iye, ngibonelele abalilako eZiyoni ngokubapha isihlohlo esikhundleni somlotha, amafutha wokujabula esikhundleni sokulila nengubo yokudumisa esikhundleni sommoya odanileko. Bazakubizwa bona bama-owuku wokulunga nesitjalo sakaSomnini ukuze babonakalise idumo lakhe.

UHOSIYA 4:6

Abantu bami bayabhubha ngokutlhoga ilwazi. Ngebanga lokobana wale ilwazi, nami ngiyakulandula awusimphristami; ngebanga lokobana unina umthetho kaZimu, nami ngizokunina abantwabakho.”

ULEVITIKUSI 23:24

akakhulume nama-Israyeli athi: “Elangeni lokuthoma enyangeni yekhomba akube liSabatha elikhethekileko, isikhumbuzo sokubetha iimporompita zomhlangano okhethekileko.

UMALAKI 2:13

Niwululela i-aldari lakaSomnini ngeenyembezi. Nilila benibibitheke ngombana uSomnini akasatjheji iminikelwenu begodu akasayamukeli ngethabo ezandleni zenu. Beniyabuza nithi: “Kubayini kunje?” Uyazi bonyana yini? USomnini umgwebi phakathi kwakho nomfazakho weenkomo ngombana wenze ameswe ngokungathembeki kuye amlinganakho, amfazi wesivumelwano somuzi.

KWEBEROMA 3:20

Akunamuntu ozakulungisiswa phambi kwakhe ngemisebenzi etjhiwo mthetho ngombana emthethweni kuvela ilwazi lesono.

KWEBEROMA 7:9

Ngakhe ngaphila ngaphandle komthetho. Kodwana kwathi nakufika umyalo, isono savuka,

UDUTERONOMI 12:12

Nijekezele phambi kwakaSomnini uZimenu, nina, amadodana namadodakazenu, iinceku neencekukazi zenu kanye namaLevi asemadorobhenenu ngombana wona akanasabelo namkha ilifa phakathi kwenu.

UDUTERONOMI 12:7

Nigome khonapho phambi kwakaSomnini uZimenu, nijekezele, nina nemindenenu, ngayo yoke imisebenzi yezandla zenu uSomnini uZimenu anibusisa ngayo.

UDUTERONOMI 16:11

Nijekezele phambi kwakaSomnini uZimenu, nina namadodana namadodakazenu, amakhoboka namakhobokakazenu, amaLevi asemadorobhenenu, iinkhonzi, iintandani kanye nabahlolokazi abaphakathi kwenu, endaweni ezakukhethwa nguSomnini uZimenu bona ajamise ibizo lakhe lapho.

UDUTERONOMI 26:14

“Azange ngigome kokwetjhumi nangizilileko; azange ngisuse ingcenye yakhona nangisasilapheleko; azange ngiphahle ngengcenye yakhona kwabafileko. “Ngilalele ilizwi lakaSomnini uZimami. Ngenze koke engikuyalwe nguSomnini.

UJAKOPO 4:9

Tshwenyekani, nidabuke, nilile; ukuhleka kwenu akuphenduke isililo nokuthaba kwenu kube kudana.