UNERHEMIYA 8:10 - IsiNdebele 2012 Translation

¹⁰ UNerhemiya wathi kibo: “Khambani nifese nibethe esimonyongwana, nithumele isabelo konganalitho. Iye, ilangeli licwengile kuSomnini, ngalokho ningaphatheki kumbi ngombana ukwenama enikuphiwa nguSomnini kumamandlenu.”

UNERHEMIYA 8:10 Iomraidhean Croise

1 AMAKHOSI 8:66

Ngelanga elilandelako wathi ebantwini ngamakoro ngamakoro. Abantu balayelisa ikosi bagoduka bathokozile neenhliziyo zabo zincibilikile ngakho koke okuhle uSomnini uZimu akwenzele incekwakhe uDavida kanye nabantu bakhe u-Israyeli.

1 IINKRONIKE 16:27

Iphazimulo nobukhosi kuphambi kwakhe, amandla netokozo kusesigodlweni sakhe.

UNERHEMIYA 8:11

Godu namaLevi athulisa boke abantu athi: “Thulani ngombana ilangeli licwengile, ningaphatheki kumbi.”

UNERHEMIYA 8:12

Mbala, abantu bakhamba kobana bayokudla, basele bebathumele isabelo konganalitho. Godu bebasase khulu ngombana bebazwisise amezwi amenyezelwe kibo.

U-ESTA 9:19

Ngalokho amaJuda wezabelo zoke agade ahlala emizaneni enganamithangala, athatha ilanga letjhumi nane lenyanga ka-Adari njengelokwenama, lomgidi nelokuphumula. Godu kwaba lilanga lokuritjhana.

U-ESTA 9:22

kube malanga amaJuda afunyene ngawo ukuphumula ezitheni zawo nenyanga ephendulele isizi lawo ekwenameni nokulila kwawo ekugidingeni. Enza amalanga lawo aba ngewokugidinga nokwenama, iye, namalanga wokuritjhana nokupha abadududu izipho.

AMARHUBO 149:2

U-Israyeli akathabe kumenzakhe; abantwana beZiyoni bahlokome eKosinabo.

AMARHUBO 89:17

Ilanga loke bahlokoma ngebizo lakho begodu baphakamisa ukulunga kwakho.

IZAGA 17:22

Ihliziyo enamileko iyintatha ehle, kodwana umphefumulo oqobekileko womisa amathambo.

UMTJHUMAYELI 11:2

Ipahlakho ungayaba kalikhomba nanyana kabunane, kodwana awuyazi ihlekelele engahle yehlele inarha.

UMTJHUMAYELI 2:24

Ayikho into umuntu angayenza ngcono, ngaphandle kokugoma nokusela, azithabise ngokutjhabatjheka kwakhe. Nakho lokho ngalemuka bonyana kusesandleni sakaZimu

UMTJHUMAYELI 3:13

okutjho bona woke umuntu kufanele agome, asele abe azikholise kikho koke ukutjhabatjheka kwakhe. Lokho kusisipho esibuya kuZimu.

UMTJHUMAYELI 5:18

Qala, okuhle engakubonako ngilokhu: Kuhle ukugoma, ukusela nokuzithabisa ngezinto ezihle phakathi kokutjhabatjheka kwalokho umuntu akujulukeleko ngaphasi komthunzi welanga, emalangeni ambalwa wokuphila kwakhe awaphiwe nguZimu ngombana lokho kusisabelo sakhe.

UMTJHUMAYELI 9:7

Khamba ufese ugome ukudla kwakho ngethabo, bewusele newayini lakho ngokwenama kwehliziywakho ngombana uZimu uyakuvuma lokho okwenzako.

INGOMA YEENGOMA 5:1

Ngizakufika esivandeni sami, dadwabo, makoti; ngikhe imire yami namakha wami; ngigome isihlaka sami kanye neliju; ngisele iwayini lami nebisi. Gomani bangani, selani, nidakwe lithando.

U-ISAYA 49:5

Kodwana gadesi uSomnini ukhulumile, yena owangibumba esibelethweni njengencekwakhe ukuze ngibuyisele uJakopo kuye no-Israyeli abuthelelwe kuye. Iye, uSomnini engihloniphekileko emehlwenakhe, uZimami obe mamandlami

U-ISAYA 61:10

Ngithokoza khulu kwamambala ngoSomnini, umphefumulwami ujekezela kuZimami ngombana ungembathise iingubo zesindiso, wangigubuzesa ngesambatho sokulunga, njengomyeni lokha nathwala ingwani ehloko nanjengomlobokazi nazihlobise ngobuphaziphazi bakhe.

UJUWELI 2:23

Thabani nani bantu beZiyoni, nithokoze kuSomnini uZimenu ngombana uzanipha labo abazanifundisa indlela efaneleko; uzaninisela izulu, okutjho ikhukhulamungu nesewula njengaphambilini.

UZAKARIYA 14:21

Yoke imbiza eseJerusalema nekwaJuda izakucwenga phambi kwakaSomnini uMninimandlawoke, boke abazokwenza umhlabelo bazakuthatha ezinye zeembizezo bapheke ngazo. Mhlokho angeze kusaba nomthengisi endlini kaSomnini uMninimandlawoke.

ULUKASI 11:41

Yeke nikelani abatlhagileko okungaphakathi kweenkapho nezitja begodu koke kuzakuba ngokuhlambulukileko kini.

2 KWEBEKORINTE 8:2

ukuthi ngesikhathi esinzima sokuhlukunyezwa, ithabo lawo elingapheliko kanye nobuchaka bawo obukhulu buphuphume baba mnotho wokuphana kiwo.

KWEBEFILIPI 3:4

nanyana nami nginazo iinzathu zokuba nethemba enyameni. Nakube kukhona odlumbana bona uneenzathu zokwethembela enyameni, zami-ke zingaphezulu.

ISAMBULO 11:10

Abantu bephasi bazakucanasa ngabo bebagidinge ngokuphana izipho. Lokho bazakwenza ngombana abaphorofidi ababilabo babe lihlupho ebantwini abahlala ephasini.