UNERHEMIYA 7:2 - IsiNdebele 2012 Translation

² Godu ngabeka umfowethu uRhanani kanye noRhananiya induna yobuphephelo bona babe baqapheli beJerusalema. URhananiya loyo gade athembeke khulu begodu ayindoda edlula abanengi ngokwesaba uZimu.

UNERHEMIYA 7:2 Iomraidhean Croise

UGENESISI 42:18

Elangeni lesithathu uJosefa wathi kibo: “Yenzani lokhu nizakuphila ngombana mina ngimumuntu owesaba uZimu:

2 USAMYELA 23:3

UZimu ka-Israyeli wakhuluma, iDwala laka-Israyeli lathi kimi: Obusa abantu ngokulunga, obusa ngokwesaba uZimu,

1 AMAKHOSI 18:12

Ngizakuthi nangifulathela lapha bese uMoya kaSomnini uyakuthwala ukuse kwandawo. Ngifike-ke mina ngibikele u-Arhabi ngawe, athi nathi uyakugola afumane ngesikhundla, ngizakuba mumuntu wokufa. Khibe mina ncekwakho ngathoma ukwesaba uZimu kusukela ebutjheni bami.

1 AMAKHOSI 18:3

U-Arhabi wabiza u-Obadiya umelusi wesigodlo. U-Obadiya lo, gade kumumuntu owesaba uZimu.

UNERHEMIYA 1:2

uRhanani okungomunye wabomnakwethu, weza namadoda athileko bavela kwaJuda. Mina-ke ngababuza ngeJerusalema nangamasalela wamaJuda asindako lokha nasithunjwako.

UNERHEMIYA 10:23

uHosiya, uRhananiya, uRhatjhubi,

UNERHEMIYA 13:13

Ngakhetha uTjhelemiya umphristi, uTsadokhi omtloli noPedaya ongomunye wamaLevi bonyana babe baphathi beenlulu. Njengombana gade bathathwa njengabathembekileko, ngenza bona uRhanani umsa kaZakuru omsa kaMataniya abe msizabo. Nje-ke bona bebasebenza ukwabela abafowabo.

UNERHEMIYA 2:8

Godu kube nencwadi eya ku-Asafa umqapheli wehlathi lekosi kobana anginikele iingodo ukuze ngiyokwenza amabhaluga wesango lesiphephelo sethempeli nomthangala wedorobho kanye nelendlu engizakuhlala kiyo.” Mbala, ikosi yangipha engakubawako ngombana isandla esihle sakaZimami besiphezu kwami.

UNERHEMIYA 5:15

Ababusi ebebangaphambi kwami babeka imithwalo enzima phezu kwabantu, bebabathathela ukudla newayini sekungasabalwa isiquntu sekhilogremu yesiliva. Ngitjho neensebenzi zabo bezibeyisa abantu. Kodwana mina azange ngenze njalo ngombana bengesaba uZimu.

UNERHEMIYA 7:3

Ngathi kibo: “Amasango weJerusalema akangavulwa bekube kulokha ilanga lithoma ukutjhisa. Begodu abalindisango abavale iminyango bayifake iinqabo ngaphambi kobana batjhayise. Nikhethe abogadi hlangana nezakhamuzi zeJerusalema, omunye nomunye umjamise ngaphambi kwendlwakhe kobana aqaphe ibhodulukwelo.”

UJOBHO 1:1

Kwakukhona indoda enarheni ye-Utsi ebekuthiwa nguJobho. Indoda leyo gade imsulwa begodu iqotho. Ngokwesaba uZimu, beyibalekela ubumbi.

AMARHUBO 101:6

Ngikhetha abaqotho enarheni ukuze bakwazi ukuphila nami; okhamba endleleni epheleleko nguye ongangisebenzela;

U-EKSODUSI 18:21

Ngaphezu kwalokho beka ilihlo emadodeni, ukhethe anekghono, esaba uZimu, athembekileko nazonda ukufunjathiswa bese uwabeka bonyana abe ziinduna zeenkulungwana, zekhulu, zamatjhumi amahlanu nezamatjhumi phezu kwabantu.

UDANYELA 6:4

Lokho kwabangela abomengameli nababusi bona bafune isibambelelo sokumangalela uDanyela mayelana neendaba zombuso. Kodwana akhange bafunyane isibambelelo sokumumangalela namkha sesenzo sobukhohlakali ngombana bekathembekile begodu akhange kufunyanwe ubutjhapha namkha isici kuye.

UNUMERI 12:7

Nokho akusinjalo ngencekwami uMosi, yena ungothembekileko emsebenzinami woke.

UMATEWU 24:45

“Ngiyiphi-ke inceku ethembekileko nehlakaniphileko umniniyo ayibeke bona yeluse iinsebenzi ekhaya, iziphe ukugoma kwazo ngesikhathi esifaneleko na?

UMATEWU 25:21

Ikosi leyo yaphendula yathi, ‘Wenze kuhle, sisebenzi sami esilungileko nesithembekileko! Wathembeka ezintweni ezincani, yeke ngizakubeka bona uphathe izinto ezinengi. Yewuze uzokuhlanganyela ithabo lekosakho!’

1 KWEBEKORINTE 4:2

Yeke kuyadingeka bona labo abaphathisiweko babonakalise ukuthembeka kwabo.

2 UTHIMOTHI 2:2

Lokho owangizwa ngikufundisa phambi kwabofakazi abanengi, kudlulisele ebantwini abathembekileko abazakwazi nabo ukukufundisa abanye.