UNERHEMIYA 6:10 - IsiNdebele 2012 Translation

¹⁰ Kwathi lokha nangiya ngendlini kaTjhemaya umsa kaDelaya omsa kaMehethabiyeli ogade avalelwe lapho, wathi: “Kufuze sihlangane endlini kaZimu ngaphakathi kwethempeli. Kufanele sivale iminyango yalo! Bayeza bonyana bakubulale! Iye, bazokuza ngobusukobu kobana bakubulale.”

UNERHEMIYA 6:10 Iomraidhean Croise

UGENESISI 36:39

Lokha uBhali-Rhanani umsa ka-Akibhori nakahlongakalako, uHadadi waba yikosi esikhundleni sakhe. Idorobho lakhe labizwa bona yiPawu; ibizo lomkakhe bekunguMehethabheli indodakazi kaMathiredi oyindodakazi kaMezahabu.

1 AMAKHOSI 6:5

Ngaphandle emabodeni wethempeli wahlomelela amalawana. Wawakha magegana neboda lomakhiwo wethempeli okusirhodlo esikhulu nelawu elingaphakathi. Amalawana angaphandle lawo wawakha ngamaplanka.

2 AMAKHOSI 11:3

Wahlala nembelesakhe afihlwe ethempelini iminyaka emithandathu yokubusa kwaka-Ataliya enarheni.

2 AMAKHOSI 9:8

Yoke indlu ka-Arhabi izakubhujiswa. Ngizakurhayila koke okuduna, okukhulu nokuncani kwaka-Arhabi kwa-Israyeli.

2 IINKRONIKE 28:24

U-Arhazi wabuthelela ipahla esethempelini lakaZimu wayikghadlha yaba ziinquqwana. Wavala iminyango yethempeli lakaSomnini wajamisa ama-aldari ejikeni elinye nelinye leendledlana zeJerusalema.

2 IINKRONIKE 29:3

Ngenyanga yokuthoma yomnyaka wokuthoma wokubusa kwakhe, wavula iminyango yethempeli lakaSomnini bewayilungisa.

2 IINKRONIKE 29:7

Godu bavala neminyango yamathuri bacima neembani. Azange batjhise itjhwalo namkha benzele uZimu wakwa-Israyeli imihlabelo yokutjhiswa endaweni ecwengileko.

U-EZRA 10:31

eenzukulwaneni zakaRharimu kungu-Eliyezeri, uJitjhiya, uMalikiya, uTjhemaya, uSimiyoni,

U-EZRA 8:16

Nje-ke ngabiza u-Eliyezeri, u-Ariyeli, uTjhemaya, u-Elinatana, uJaribu, u-Elinatani, uNatani, uZakariya noMetjhulamu okumadoda abarholi anoJoyaribu no-Elinatana amadoda anelwazi.

UNERHEMIYA 6:12

Bengizwisisa bonyana ngambala umuntu lo akakathunywa nguZimu, kodwana isiphorofido sakhe besijamelene nami ngombana gade aqatjhwe nguThobiya noSanibhalathi.

AMARHUBO 12:2

Siza Somnini! Abathembekileko abasekho! Ngambala, abaqotho banyamalele ebantwini!

AMARHUBO 37:12

Isikhohlakali sisongela olungileko, simgugudela amazinyo,

IZAGA 11:9

OnganaZimu ubulala wekhabo ngomlomakhe, kodwana abalungileko benyelwa ngelwazi.

UJOROMIYA 36:5

UJoromiya wayala uBharurhu wathi: “Ngiliyiwe, angikavunyelwa ukungena ngethempelini lakaSomnini.

UHEZEKIYELI 3:24

Ummoya wangena kimi wangisikimisa ngajama. Wakhuluma nami wathi: “Khamba uyozivalela ngendlinakho.

UMALAKI 1:10

USomnini uSomandla uthi: “Sengathi omunye wenu angavala amasango wethempeli ukuze ningawuphembeli ilize umlilo e-aldarini lami! Angithokozi ngani. Nomnikelo ophuma ezandleni zenu angisazuwamukela.” Kutjho uSomnini uSomandla.

UMATEWU 7:15

“Yelelani abaphorofidi bamanga. Beza kini bembethe njengezimvu kodwana ngaphakathi khisibe baziimpisi ezirhiribidelako.

UJWANISI 3:20

Woke umuntu owenza okumbi, uwuhloyile umkhanyo, akezi emkhanyweni ngombana wesaba bona izenzo zakhe ezimbi zizakudaluleka.

IZENZO ZABAPOSTOLI 21:30

Nje-ke idorobho loke laphithizela nabantu beza bagijimela ndawonye; babamba uPowula bamrhudulela ngaphandle kwethempeli kwavalwa neminyango khonokho.