UNERHEMIYA 5:9 - IsiNdebele 2012 Translation

⁹ Nje-ke ngathi kibo: “Into eniyenzako le ayikalungi. Kanti bekungakafaneli bonyana nikhambe ngokumesaba uZimethu ukuze nikhandele ukuhlanjalazwa zizizwe ezizitha zethu na?

UNERHEMIYA 5:9 Iomraidhean Croise

UGENESISI 20:11

U-Abrahamu waphendula wathi: “Bengizitjela bona akukho nakanye ukwesaba uZimu endaweni le, nje-ke ngadlumbana bona abantu balapha bazangibulala ngenca yomkami lo.

UGENESISI 42:18

Elangeni lesithathu uJosefa wathi kibo: “Yenzani lokhu nizakuphila ngombana mina ngimumuntu owesaba uZimu:

2 USAMYELA 12:14

Kodwana njengombana ngokwenza lokhu uhlome uSomnini ngomuno ngelihlweni, ayizukuphila indodana obelethelwe yona.”

UNERHEMIYA 4:4

Ngathandaza ngathi: “Awu, Zimu! Akhusulalele ngombana siyanyefulwa. Phendulela ihlambabo le bonyana iwele phezu kweenhloko zabo, ubanikele babe yipango enarheni abathunjelwa kiyo.

UNERHEMIYA 5:10

Nami nabafowethu kanye neensebenzi zami sisababoleka imali nekoroyi. Yeke-ke, asisuleni isikolodo sabo.

UNERHEMIYA 5:15

Ababusi ebebangaphambi kwami babeka imithwalo enzima phezu kwabantu, bebabathathela ukudla newayini sekungasabalwa isiquntu sekhilogremu yesiliva. Ngitjho neensebenzi zabo bezibeyisa abantu. Kodwana mina azange ngenze njalo ngombana bengesaba uZimu.

AMARHUBO 90:11

Ngubani owazi amandla wetukuthelwakho, njengombana ilaka lakho lilikhulu, lifana nokwesabeka kwakho na?

IZAGA 16:29

Umuntu onenturhu uyenga wekhabo, amrholele endleleni embi.

IZAGA 17:26

Akusikuhle ukuhlawulisa umuntu omsulwa namkha ukubetha iinkhulu ngokungakafaneli.

IZAGA 18:5

Akusikuhle ukukhetha ubuso kokhohlakeleko nokubekela eqadi omsulwa ekugwebeni.

IZAGA 19:2

Ukuba netjisakalo ngaphandle kwelwazi akusikuhle, nomuntu opharhazelako ulahla indlela.

IZAGA 24:23

Nanzi godu ezinye izitjho zabahlakaniphileko: Akusikuhle ukukhetha ubuso ekugwebeni.

UHEZEKIYELI 36:20

Lokha nabafika ezizweni ebebahlakazelwe kizo, basilaphaza ibizo lami elicwengileko ngombana abantu bathi kibo, ‘Laba babantu bakaSomnini, kodwana nanyana kunjalo, bekufanele baphume enarhenakhe.’

ULEVITIKUSI 25:36

Kungabi khona inzalo ombiza yona nawumboleka imali namkha nayibuyisako. Ngokwesaba uZimakho msize ukuze akwazi ukuphila nawe.

IZENZO ZABAPOSTOLI 9:31

Yeke-ke ibandla laba nokuthula kilo loke iJudiya, iGalile neSamariya. Lakheka, landa ngokuqiniswa nguMoya oCwengileko, lakhamba ngokwesaba iKosi.

KWEBEROMA 2:24

Iye, kutloliwe kwathiwa: “Ibizo lakaZimu liyahlanjalazwa phakathi kwabatjhili ngebanga lakho.”

1 UTHIMOTHI 5:14

Nje-ke bengingathanda bona abahlolokazi abasesebatjha babuye bende babelethe, baphathe kuhle imizabo, khona inaba lethu lingazukufumana ithuba lokukhuluma kumbi ngathi.

UTITOSI 2:5

bazibambe, babe msulwa, baphathe kuhle imizabo, babe nesisa, bathobele abayeni babo ukuze ilizwi lakaZimu lingarhubutjhwa.

1 UPITROSI 2:12

Philani ipilo elungileko hlangana nabangakholwako ukuze kuthi nanyana banisola ngokwenza okumbi, babone imisebenzenu emihle badumise uZimu ngelanga lamatlhuwo.

1 USAMYELA 2:24

Awa madodanami! Akusiyo indaba ehle engiyizwa ngani. Nidurhisa isizwe sakaSomnini.