UNERHEMIYA 4:2 - IsiNdebele 2012 Translation

² phambi kwabantu bekhabo naphambi kwebutho leSamariya wathi: “Yintobani eyenziwa mitheretherana yamaJuda le? Adlumbana bonyana ikhona into angayilungisa bese enza umhlabelo na? Adlumbana bonyana angaqeda masinyana na? Njekhona angakghona ukubuya asebenzise amatje asequqwini yamawunguwungu etjhiswe mlilo leyo?”

UNERHEMIYA 4:2 Iomraidhean Croise

U-EZRA 4:4

Ukusukela ngesikhatheso abantu benarha leyo bethusela amaJuda bebawanyefula aphelelwa mdlandla wokwakha.

UNERHEMIYA 12:27

Ngesikhathi okwahlukaniselwa ngaso umthangala weJerusalema, kwafunwa amaLevi lapha ahlala khona kobana eze eJerusalema azokugidinga umnyanya lowo, ngokudumisa, ngokuvuma nangokubetha iiwahlo nemihlobohlobo yamaharibha.

UNERHEMIYA 12:43

Mhlokho abantu banikela ngemihlabelo eminengi, bajabula ngombana uZimu gade abenze bona bename ngokusasa okukhulu. Kwajabula ngitjho abafazi nabantwana. Itjhada lokwenama kweJerusalema belizwakala kude.

UNERHEMIYA 4:10

Abantu bakwaJuda bathi: “Amandla wabathwalako selayaphela, khisibe kusese neququ enengi; nje-ke asisakwazi ukuragela phambili nokwakha umthangala.”

UNERHEMIYA 6:15

Kwathi ngemva kwamalanga amatjhumi amahlanu namabili, mhlana inyanga ka-Elulu inamalanga amatjhumi amabili namahlanu, umthangala waphela.

AMARHUBO 83:4

Ngabantu bakho balumba amano, bakha isicathana ngalabo obavikeleko.

UJOROMIYA 26:18

“UMika weMoretjheti waphorofida emihleni kaHezekhiya ikosi yakwaJuda, watjela boke abantu bakwaJuda bonyana uSomnini uMninimandlawoke uthi, “ ‘IZiyoni izakulinywa njengesimu, iJerusalema lizakuba liqubi leququ, kuthi intatjana yethempeli ibe lihlathi.’

UJOROMIYA 33:24

“Awukatjheji bonyana abantwaba bathini na? Bathi, ‘Le, mindeni emibili ekhethwe nguSomnini godu wabuye wayilahla!’ Nje-ke banyaza labo ekubabantu bami begodu abasabathathi njengesizwe.

UDANYELA 9:25

Yazi bewuzwisise bonyana ekuphumeni kwelizwi lokuvuselela nokwakha iJerusalema kufikela lapha ozesiweko, okutjho umbusi azakufika khona, kuzakuba ziingcenye ezilikhomba zeenkhathi ezilikhomba. Iingcenye ezilikhomba zamatjhumi asithandathu nambili, idorobho elivuselelweko lizakujama libe neenrhodlo nemisele, kodwana kuzakuba ziinkhathi ezinzima.

URHABAKHUKHU 3:2

Somnini, ngizwile ngedumo lakho. Somnini, izenzo zakho zibonakele. Yewuzivuselele neminyakeni le, zenze zaziwe eenkhathini zethwezi. Kodwana ube nomusa nakuvuka irawurawu.

UZAKARIYA 12:8

Mhlokho uSomnini uzakuvikela abantu beJerusalema, norholopheleko hlangana nabo uzakuba nesibindi njengoDavida, kuthi indlu kaDavida ibe njengeendalwa zezulu, iye ibe njengengilozi kaSomnini, irhole abantu beJerusalema.

UZAKARIYA 4:10

“Ngubani odelela ilanga lezinto ezincani? Abantu bazakujabula lokha nababona uZerubhabheli aphethe isinqophisamakho. “Iimbani ezikhombezi, mamehlo kaSomnini athalaza ephasini loke.”

1 KWEBEKORINTE 1:27

UZimu wakhetha izinto ezibonakala zibudlhadlha emehlweni wephasi ukuhlazisa abahlakaniphileko; uZimu wakhetha izinto zephaseli ezibuthakathaka ukuhlazisa abanamandla.