UNERHEMIYA 4:10 - IsiNdebele 2012 Translation

¹⁰ Abantu bakwaJuda bathi: “Amandla wabathwalako selayaphela, khisibe kusese neququ enengi; nje-ke asisakwazi ukuragela phambili nokwakha umthangala.”

UNERHEMIYA 4:10 Iomraidhean Croise

2 IINKRONIKE 2:18

Wabeka iinkhonzi eziziinkulungwana ezimatjhumi alikhomba bonyana zithwale imithwalo. Wabeka eziziinkulungwana ezimatjhumi abunane bonyana zicoze amatje emibundwini bese kwathi iinkulungwana ezintathu namakhulu asithandathu kwaba ziinduna zakhona ezeluse bonyana kusetjenzwe.

2 IINKRONIKE 34:13

gade anikelwe umsebenzi wokwelusa abasebenza ngezandla kanye neensebenzi ngokuhlukahlukana komsebenzi. Amanye wamaLevi gade abososiba, abomabhalana nabogosa.

UNERHEMIYA 4:11

Ngahlanye izitha zethu zathi: “Bazokuthi bangakatjheji namkha bangaboni litho, sizobe sesiphakathi kwabo, sibabulale, sijamise umsebenzi.”

UNERHEMIYA 4:2

phambi kwabantu bekhabo naphambi kwebutho leSamariya wathi: “Yintobani eyenziwa mitheretherana yamaJuda le? Adlumbana bonyana ikhona into angayilungisa bese enza umhlabelo na? Adlumbana bonyana angaqeda masinyana na? Njekhona angakghona ukubuya asebenzise amatje asequqwini yamawunguwungu etjhiswe mlilo leyo?”

UNERHEMIYA 4:9

Sathandaza uZimethu, sabeka abalindi ubusuku nemini bonyana bayelele ukuza kwabo.

UHEZEKIYELI 29:18

“Ndodana yomuntu, uNebukadinetsari ikosi yeBhabheli wenza amajonakhe bona asebenze nzima ukuthumba iTirosi: Enye nenye ihloko yancothuka iinhluthu kwathi elinye nelinye ihlombe lavuthwa. Nanyana kunjalo yena namajonakhe akhange bazuze ilitho eTirosi elibakhokhelako ngomsebenzi onzima abawenzileko ngokujamelana nalo.

UHAGAYI 1:2

Nakhu okwatjhiwo nguSomnini uMninimandlawoke: “Abantwaba bathi, ‘Isikhathi sokobana kwakhiwe indlu kaSomnini asakafiki.’ ”

UNUMERI 13:31

Kodwana amadoda agade akhambe naye athi: “Awa, akukghonakali bona singajamelana nabantu labaya ngombana baziinkakaramba kunathi.”

UNUMERI 32:9

Bathi bonyana bafike emrhobeni we-Etjhikolo babone inarha, bakhuluma okudanisa ihliziyo yama-Israyeli mayelana nokuya enarheni uSomnini agade abaphe yona.