UNERHEMIYA 13:16 - IsiNdebele 2012 Translation

¹⁶ Kanti-ke namaTirosi agade ahlala ngedorobheni, aletha ihlambi kanye nayo yoke imihlobohlobo yepahla ethengiswako; ayithengisela amaJuda ngeSabatha khona eJerusalemapho.

UNERHEMIYA 13:16 Iomraidhean Croise

UNERHEMIYA 13:15

Kwathi emihleni leyo ngabona kwaJuda amadoda atlhodlha amadiribe ngokugadanga ngelanga leSabatha. Begodu bekunabodumbana abathwele imithwalo yokuziinthoro. Ngabona newayini, amadiribe, amakhiwani nemihlobohlobo yezinto ezithengiswako kungeniswa eJerusalema. Lokho kwenzeka nangaphezu kokobana kulilanga leSabatha! Nje-ke ngawakhalima bonyana angathengisi ukudla ngelangelo.

UNERHEMIYA 13:17

Nje-ke ngakhalima abosaziwako bakwaJuda ngathi: “Ayini amanyala eniwenzako la? Nisilaphaza iSabatha ngento yenu leyo!

U-EKSODUSI 20:10

kodwana ilanga lekhomba liliSabatha, lahlukaniselwe uSomnini uZimakho. Mhlokho ungasebenzi ngitjho nakancani, wena, indodanakho, indodakazakho, ikhoboka nekhobokakazi lakho, ifuywakho namkha isikhonzi esihlala nawe,

U-EKSODUSI 23:12

“Yenza umsebenzakho amalanga asithandathu. Elangeni lekhomba uphumule ukuze kuphumule nekomakho nodumbanakho bese indodana yekhobokakazi lakho nesikhonzi esikusebenzelako nabo bakhokhe ummoya.

UDUTERONOMI 5:14

kodwana ilanga lekhomba liliSabatha, lahlukaniselwe uSomnini uZimakho. Mhlokho ungasebenzi ngitjho nakancani, wena, indodanakho nendodakazakho, ikhoboka nekhobokakazi lakho, ikomakho nodumbanakho, okutjho yoke ifuywakho namkha isikhonzi esihlala nawe; ukuze ikhoboka nekhobokakazi lakho liphumule njengawe.