UNERHEMIYA 13:10 - IsiNdebele 2012 Translation

¹⁰ Godu ngafunyana bonyana amaLevi azange abelwe izabelo zawo; kangangobana wona nabavumi ekubabantu abenza umsebenzi, gade sele omunye nomunye wabo abalekile waziyela esiminakhe.

UNERHEMIYA 13:10 Iomraidhean Croise

2 IINKRONIKE 31:4

Wayala abantu abahlala eJerusalema bonyana banikele abaphristi namaLevi isabelo sabo ukuze bakwazi ukuzinikela ngokupheleleko emthethweni kaSomnini.

UNERHEMIYA 10:37

Sizakuletha ihlamethu yokuthoma kubaphristi esilulwini sethempeli lakaZimu kanye neminikelwethu yeenthelo zemithi yoke neyewayini kanye neyamafutha we-oliva. Sizakunikela kwetjhumi kwesivuno sethu kumaLevi. AmaLevi avunyelwe ukuthatha kwetjhumi kiyo yoke imizethu lapha silima khona.

UNERHEMIYA 10:39

Iye, eendlini zesilulwezo abantu bakwa-Israyeli namaLevi bazakuletha umnikelo weenthoro, wewayini newamafutha we-oliva. Lezo-ke zizindlu lapha kukhona izitja zendawo ecwengileko nalapha kusebenzela khona abaphristi, abalindisango nabavumi. Angeze saliselela ithempeli lakaZimethu.

UNERHEMIYA 12:47

Kanti-ke woke u-Israyeli emihleni kaZerubhabheli nemihleni kaNerhemiya, anikela izabelo zemihla ngemihla kubavumi nakubalindisango. Godu abela amaLevi, namaLevi abela abaphristi okuziinzukulwana zaka-Aroni.

U-ISAYA 43:23

Kwakhona beningaletheli mina izimvu zemihlabelo yokutjhiswa begodu beningahloniphi ngemihlabelo yetjhebiswano. Azange nginidisibeze ngeminikelo yeenthoro nanyana nginikhathaze ngokutjhiswa kwelebhona.

UMALAKI 3:8

“Kunomuntu ongagalaja uZimu na? Kodwana nina niyangigalaja. Niyabuza nithi, ‘Sikugalaje njani?’ Ngokwetjhumi nezipho.

UNUMERI 35:2

“Yala ama-Israyeli bona epahleni ekulilifa lawo, anikele amaLevi amadorobho azakwakha kiwo neendawo zamadlelo magegana namadorobho lawo.

UDUTERONOMI 12:19

Tjhejani bona ningahlanuki amaLevi qobe nisahlala eendaweni zenu.