UNERHEMIYA 1:2 - IsiNdebele 2012 Translation

² uRhanani okungomunye wabomnakwethu, weza namadoda athileko bavela kwaJuda. Mina-ke ngababuza ngeJerusalema nangamasalela wamaJuda asindako lokha nasithunjwako.

UNERHEMIYA 1:2 Iomraidhean Croise

UGENESISI 14:10

Umrhoba weSidimu bewuzele amadonga lapha kwenjiwa khona isikontiri. Nje-ke kwathi lokha amakhosi weSodoma neGomora nakabalekako, amanye wamajonawo awela ngakiwo, amanye abalekela eentatjaneni.

2 AMAKHOSI 24:14

Wathumba loke iJerusalema: zoke iinduna zepi nazo zoke iingorho zokulwa ebeziziinkulungwana ezilitjhumi, abososino kanye nabosodzila boke. Kwatjhiywa kwaphela iinkhwahla zabantu bendawo.

2 AMAKHOSI 25:12

Watjhiya enarheni abanye balabo abakhwahlileko bona babe balimi nabatjheji besidiribe.

U-EZRA 9:14

Alo, singabuya njani sephule imiyalwakho ngokuthathana nabantu abenza imikhuba enyenyisa kangaka? Kokwakho Zimethu, bekufanele bonyana uvuthe ngelaka usibhubhise bewungasitjhiyeli amasalela namkha abasindileko.

UNERHEMIYA 7:2

Godu ngabeka umfowethu uRhanani kanye noRhananiya induna yobuphephelo bona babe baqapheli beJerusalema. URhananiya loyo gade athembeke khulu begodu ayindoda edlula abanengi ngokwesaba uZimu.

UJOROMIYA 44:14

Isiqhema semisalela yakwaJuda esiya eGibhide kobana siyokhonza khona asizukuphunyurha namkha sisinde bese sibuyela enarheni yakwaJuda. Sitjhisekela ukubuyela siyokuhlala khona, kodwana angeze sabuyela ngaphandle kwabaphunyurhi abalibinzana.’ ”

UHEZEKIYELI 6:9

Labo abasindileko benu bazangikhumbula bahlangana nezizwe lapha bathunjelwe khona, kobana ngadabula kangangani iinhliziyo zabo ezihlobongako nezingifulatheleko, iye, namehlwabo wekanuko agade adlhemadlhema ngemva kwamanyalabo. Nje-ke bazazinyenya bona ngobumbi ababenzileko, mayelana neenkghabhudlho zabo zoke.

UHEZEKIYELI 7:16

Nakube abanye babo bayaphunyurha basinde, bazakuba seentabeni njengamazuba wemirhoba: Boke njalo bazakulila, omunye nomunye ngecala lakhe.