UNERHEMIYA 1:10 - IsiNdebele 2012 Translation

¹⁰ Ama-Israyeli aziinceku nabantu bakho owabahlenga ngamandlakho amakhulu nangesandla sakho esiqinileko.

UNERHEMIYA 1:10 Iomraidhean Croise

AMARHUBO 136:12

wamenyula ngamandla amakhulu nangesiphanga sakhe – ukwethembeka kwakhe kujame isiphelani –

AMARHUBO 74:2

Khumbula ibandla lakho owalizuza ekadeni, ikoro yelifa lakho owayihlengako nentaba yeZiyoni ohlala kiyo.

AMARHUBO 89:14

Ingalwakho ineenkhwepha, isandla sakho sinamandla, isidla sakho siphakamile.

U-EKSODUSI 13:14

“Nakube ngokuzako indodanakho iyakubuza ithi, ‘Baba, kutjho ukuthini lokhu?’ uzakuthi kiyo, ‘USomnini wasikhupha eGibhide ekumbeni yobukhoboka ngesandla sakhe esinamandla.

U-EKSODUSI 13:16

Umkhuba lo nawo uzakuba sikhumbuzo kini. Njengenyongo esandleni nanjengomkhala ehloko uzanikhumbuza bonyana uSomnini wanikhupha eGibhide ngesandla sakhe esinamandla.”

U-EKSODUSI 13:3

UMosi wathi ebantwini: “Khumbulani ilangeli eniphuma ngalo eGibhide, ekumbeni yobukhoboka ngombana uSomnini unikhupha endaweni le ngamandla wesandla sakhe. Ngalokho ningagomi isikwa esinengumelo ngelangeli.

U-EKSODUSI 13:9

“Umkhuba lo uzakuba sikhumbuzo kini. Njengenyongo esandleni nanjengomkhala ehloko uzanikhumbuza bonyana uSomnini wanikhupha eGibhide ngesandla sakhe esinamandla. Umthetho kaSomnini lo awube semlonyenenu njalo.

U-EKSODUSI 15:13

Ngokwethembeka kwakho warhola abantu obahlengileko, ngamandlakho wabakhokhela endawenakho ecwengileko.

U-EKSODUSI 32:11

Kodwana uMosi wancancabeza kuSomnini uZimakhe wathi: “Maye Somnini, kuzakuba njani nasele ilaka lakaSomnini livutha phezu kwabantu bakhe abakhupha enarheni yeGibhide ngamandla amakhulu nangesandla sakhe esiqinileko na?

U-EKSODUSI 6:1

USomnini wathi kuMosi: “Uzakubukela kwanjesi bonyana ngizomenzani uFaro: Ngebanga lesandla sami esinamandla uzatjhaphulula ama-Israyeli; iye, ngesandla sami esinamandla awaqotjhe enarhenakhe le.”

U-EKSODUSI 6:6

“Ngalokho tjela ama-Israyeli uthi, ‘NginguSomnini begodu ngizonikhupha emsebenzini okatelelako wamaGibhide. Nginitjhaphulule ekubeni makhobokawo, nginihlenge ngomkhono olulekileko nangokugweba amaGibhide ngesigwebo esikhulu.

U-EKSODUSI 6:7

Ngizanenza isizwe sami, mina ngibe nguZimenu. Ngalokho nizakwazi bonyana nginguSomnini uZimenu owanikhupha emsebenzini okatelelako wamaGibhide.

U-ISAYA 64:9

Ungathukutheli ngokweqileko Somnini, ungakhumbuli icala lethu mlibe. Yewusitjheje, siyakuncenga! Kazi sibabantu bakho soke nje.

UDUTERONOMI 15:15

Khumbula bonyana benimakhoboka enarheni yeGibhide, nje-ke uSomnini uZimenu wanihlenga, ngalokho ngiyakuyala-ke ngamezwi la namhlanje.

UDUTERONOMI 9:29

Bababantu bakho nelifa lakho, owalikhupha ngamandlakho amakhulu nangesiphanga sakho.”