UMIKHA 7:8 - IsiNdebele 2012 Translation

⁸ Ungabukisi ngami wena sitha sami! Nanyana ngiwile nje, kodwana ngizakuvuka. Nanyana ngihlezi ebumnyameni nje, kodwana uSomnini uzakuba kukhanya kwami.

UMIKHA 7:8 Iomraidhean Croise

UJOBHO 31:29

Ngiyafunga bona akhange ngithabele ihlekelele eyehlela ongizondako, namkha ngibukise ngobumbi obumehleleko.

AMARHUBO 112:4

Umuntu loyo ufana nomkhanyo ebumnyameni kilabo abaqotho: unomusa, isirhawu nokulunga.

AMARHUBO 143:3

Mbala, isitha sizumene nami, sagandelela phasi ipilwami, sangihlalisa ebumnyameni njengalabo esele bahlongakala kade.

AMARHUBO 20:8

Abanye baqina ngeenkarana zepi, abanye ngeenjomani, kodwana thina siqina ngebizo lakaSomnini uZimethu.

AMARHUBO 27:1

Irhubo lakaDavida. USomnini ukukhanya nesindiswami, ngizakwesaba bani na? USomnini ubuphephelo bokuphila kwami; alo, ngizakuba nevalo ngobani na?

AMARHUBO 35:19

Ungavumeli izitha zami, iye, abakhohlisi bajabule ngami nabangizonda kunganasizathu bona bangikhwinyisele.

AMARHUBO 37:21

Isikhohlakali siyaboleka, singasabuyiseli, kodwana olungileko unesirhawu, uyaphana.

AMARHUBO 37:24

Nanyana akhutjhwa, akasoze awele phasi ngombana uSomnini uhlala ambambe ngesandla sakhe.

AMARHUBO 38:16

Kodwana ngiqalelele kuwe Somnini, nguwe Somandla Zimami ozangiphendula.

AMARHUBO 84:11

Kwamambala, ilanga ngesirhodlweni sakho lihle kunamalanga ayikulungwana kenye indawo. Kungcono ngibe sembunjwaneni wendlu kaZimami, kunokuhlala ematendeni weenkhohlakali

AMARHUBO 97:11

Umkhanyo usabalele kwabalungileko nokwenama kungokwabaqotho ngehliziyo.

U-ISAYA 2:5

Yewize wena kumba kaJakopo, namba sikhambe ekukhanyeni kwakaSomnini.

U-ISAYA 49:9

ngokuthi kubathunjwa, ‘Phumani’, bese kilabo abasebumnyameni uthi, ‘Velani!’ “Bazakukarula magegana neendlela nakizo zoke iindunduma eziligagadu babe namadlelo.

U-ISAYA 50:10

Ngubani phakathi kwenu owesaba uSomnini alalele ilizwi lencekwakhe, ozilungiselele ukukhamba ebumnyameni, kunganamkhanyo; nokho athembele ebizweni lakaSomnini abe adzimelele kuZimakhe na?

U-ISAYA 9:2

Abantu abakhamba ebumnyameni babone ukukhanya okukhulu, kilabo abahlala enarheni yethunzi elesabekako ukukhanya kwakhanya phezu kwabo.

UJOROMIYA 48:27

U-Israyeli azange abe sisiga sokuhlekwa kuwe na? Ingabe wabanjwa hlangana namasela kobana ungabeze uthintithe ihloko njalo lokha nawukhuluma ngaye na?

UJOROMIYA 50:11

Ngebanga lokobana nina maKasidi niyajekezela benithabile, nina baphangi belifa lami, nituna njengethole nalibhula ikoroyi, nilile njengeenjomani eziduna,

UJOROMIYA 8:4

“Wena Joromiya, yithi kibo uSomnini uthe: “Umuntu nawako azakhe avuke na? Umuntu naphambukako azakhe abuye na?

UHEZEKIYELI 25:6

Mbala, nakhu okutjhiwo nguSomnini uSomandla: “Njengombana uwahle izandla wagida ngeenyawo zakho bewazinikela ebumenemeneni bewathakasa ngokwenzeke enarheni yakwa-Israyeli,

UHEZEKIYELI 35:15

Njengombana uzithabise ngelifa lendlu yakwa-Israyeli ngombana libe libhudu, ngendlela enjalo ngizokusebenza ngawe: Uzakuba libhudu wena ntaba Seyiri no-Edomu woke, iye, woke ngonina. Nje-ke bazakwazi bonyana nginguSomnini.”

UHEZEKIYELI 36:5

Iye, yizwani ilizwi lakaSomnini uSomandla elithi: Mbala ngikhulume ngesikhwele sami esivuthako ngokujamelana nemisalela yezizwe nangokujamelana ne-Edomu yoke eyahlosa ngehliziyo enamileko nangokunyaza bonyana inarhami ibe lilifa layo begodu izithathele idlelo layo njengepango.’

U-AMOSI 9:11

“Mhlokho ngizakuvuselela itende lakaDavida eliwileko. Ngilungise iindawo zalo ezonakeleko, ngibuyisele isithunzi salo, ngilakhe libe njengombana gade linjalo phambilini;

U-OBADIYA 1:12

Bewungakameli ukarwe kubukela umfowenu mhlana asematjhweni, namkha uthabe mhlana kurhayilwa amaJuda, nanyana ube nomlomo omude mhlana kunamahlungu.

UMIKHA 4:10

Yewuzibinyabinye urhuwelele njengomfazi obelethako wena ndodakazi yeZiyoni ngombana ngambala uzakuphuma ngedorobhenapha ukhambe uhloma umtlhatlhana emmangweni bewuyokufika eBhabheli. Lapho uzakwenyulwa; khonapho uSomnini uzakuhlenga esandleni sezitha zakho.

UMIKHA 7:10

Yeke isitha sami sizakubona lokhu bese siphathwa ziinhloni, njengombana sathi kimi: “Uphi-ke uSomnini uZimakho?” Ngizasiqalela phasi; yeke sizakugadangwa njengedaka eendledlaneni.

UZAKARIYA 12:8

Mhlokho uSomnini uzakuvikela abantu beJerusalema, norholopheleko hlangana nabo uzakuba nesibindi njengoDavida, kuthi indlu kaDavida ibe njengeendalwa zezulu, iye ibe njengengilozi kaSomnini, irhole abantu beJerusalema.

UMALAKI 4:2

“Kodwana kini enesaba ibizo lami, kuzakuphuma ilanga lokulunga linokuphilisa emisebenalo. Nizakuphuma nitune njengamathole nakaphuma egoqweni.

UMATEWU 4:16

Abantu abahlezi ebumnyameni babone umkhanyo omkhulu, nakilabo abahlezi enarheni yethunzi lokufa ukukhanya kufikile.”

UJWANISI 16:20

Kwamambala ngiqinisile ngithi kini: Nizakulila nibibitheke, kodwana iphasi lizakuthaba. Nina nizakuba lisizi kodwana isizi lenu lizakuphenduka ukuthaba.

UJWANISI 8:12

UJesu wakhuluma ebaFarisini godu wathi: “Mina ngikukhanya kwephasi. Loyo ongilandelako angekhe akhamba ebumnyameni kodwana uzakuba nokukhanya kokuphila.”

IZENZO ZABAPOSTOLI 26:18

bona uvule amehlwabo khona bazakusuka ebumnyameni beze ekukhanyeni; basuke emandleni kaSathana beze kuZimu ukuze bamukele ukulitjalelwa kwezono, babe nesabelo phakathi kwabacwengisiweko ngokukholwa.’

2 KWEBEKORINTE 4:6

Yeke uZimu owathi: “Umkhanyo awukhanye ebumnyameni,” nguye owakhanyisa eenhliziyweni zethu ukusinikela umkhanyo welwazi lephazimulo kaZimu ebusweni bakaJesu Krestu.

2 KWEBEKORINTE 4:9

Siyazunywa kodwana asilahlwa, simadlhwa phasi kodwana asibhujiswa.

ISAMBULO 21:23

Umuzi lo awudingi ilanga namkha inyezi bona kuyikhanyisele ngombana iphazimulo kaZimu imkhanyo wawo neMvana isibani sawo.

ISAMBULO 22:5

Angeze kusabakhona ubusuku, abasadingi ukukhanya kwesibani nanyana kwelanga ngombana uZimu uSomnini uzokuba kukhanya kwabo, bazakubusa naye nini nanini.