UMIKHA 7:4 - IsiNdebele 2012 Translation

⁴ Loyo okuthiwa ngongcono kunabo uhlaba njengomunga, nokuthiwa ulunge khulu unjengesibuya sameva. Imini yokuhlunguphazwa kwabo seyifikile, ababalaleleko bazababamba. Nje-ke bazazizwa inga bayatjha.

UMIKHA 7:4 Iomraidhean Croise

U-ISAYA 10:3

Nizokwenzani ngelanga lokuhlunguphazwa, lokha kuza isiwuruwuru sivela kude na? Uzokubalekela kubani mayelana nokusizeka, umnothwenu nizowutjhiya nobani?

U-ISAYA 22:5

Mbala, liyeza ilanga levalo, ukugadangana nokuhlangahlangana; kulilanga lakaSomandla onguSomnini uMninimandlawoke. Emrhobeni wombono kuzakuba nokurhahlawula nokulilela isizo entabeni yeZiyoni.

U-ISAYA 55:13

Esikhundleni somunga kuzakumila umsayipurusi; esikhundleni sameva kumile imiritlili. Lokhu kuzakuba sikhumbuzo kuSomnini, kube sibonakaliso sanini nanini, nesingeze satjhabalaliswa.”

UJOROMIYA 10:15

Zililize lakolize, ziziinkohliso; isikhathi sokugwetjwa kwazo nasifikako, zizakubhubha.

UJOROMIYA 11:23

Akuzukusala ngitjho namunye ngombana ngizakwehlisela ihlekelele phezu kwamadoda we-Anatothi ngomnyaka wokuhlunguphazwa kwawo.’ ”

UJOROMIYA 46:21

Namajoni aqatjhwako aphakathi kwayo afana namathole anonisiweko: Nawo afulathela abaleke ndawonye, angeze akghona ukujama ngombana ilanga lehlekelele liyeza phezu kwawo, iye, isikhathi sokobana ahlunguphazwe.

UJOROMIYA 8:12

Bayaqobeka ngombana benza izinto ezinyenyisako! Nanyana kunjalo abananhloni nakanye, abakwazi ngitjho nokutjhalazela lokhu. Yeke, bazakuwa hlangana nabawileko, bazakuguqiswa lokha nangisebenza ngabo.” Kutjho uSomnini.

UHEZEKIYELI 2:6

Nje-ke wena ndodana yomuntu, ungawesabi ama-Israyeli begodu namezwawo ungawesabi. Ngitjho nanyana uzombelezwe mahlabahlaba nameva, iye, uphila phakathi kwabofezela, amezwawo ungawesabi begodu ungethuswa mamehlwawo wokuhlubuka ngombana vele ayindlu ehlubukako.

UHEZEKIYELI 28:24

“Indlu ka-Israyeli angeze isafunyana umunga ozayihlaba neliva lokuyilimaza kwabayizombelezileko, iye, labo abayidelelako. Bazakwazi bonyana nginguSomnini uSomandla.”

U-AMOSI 8:2

USomnini wangibuza wathi: “Amosi, ubonani na?” Ngaphendula ngathi: “Ngibona isiqwebu seenthelo ezivuthiweko.” USomnini wathi kimi: “Isikhathi sokubabalela isizwe sami u-Israyeli siphelile, angekhe ngisabababalela.

UNARHUME 1:10

Bazakurarejeka njengesidakwa esibhajwe emeveni, batjhiswe njengamawunguwungu.

ULUKASI 21:25

“Kuzokuba khona iimbonakaliso elangeni, enyezini neenkwekwezini. Ephasini, izizwe zizakuba sesizini begodu zikhene lokha ilwandle nalihlokomako begodu likhiphizela.

AMAHEBHERU 6:8

Kodwana nangabe kumila kiyo ameva nekhula, ayinamsebenzi walitho begodu isengozini yokobana inikelelwe nguZimu nesiphelo sayo kutjhiswa ngomlilo.