UMIKHA 7:11 - IsiNdebele 2012 Translation

¹¹ Imini yokuqinisa imithangalakho izakufika – imini yokurhayilwa ngesihlungu.

UMIKHA 7:11 Iomraidhean Croise

UNERHEMIYA 2:17

Nje-ke ngabatjela ngathi: “Nani niyazibonela bonyana inyakanyaka esikiyo ingangani, yokobona iJerusalema limarubhi namasangwalo atjhisiwe. Yeke yizani sakheni umthangala weJerusalema ukuze singasabonakali sisehlazweni.”

UNERHEMIYA 2:8

Godu kube nencwadi eya ku-Asafa umqapheli wehlathi lekosi kobana anginikele iingodo ukuze ngiyokwenza amabhaluga wesango lesiphephelo sethempeli nomthangala wedorobho kanye nelendlu engizakuhlala kiyo.” Mbala, ikosi yangipha engakubawako ngombana isandla esihle sakaZimami besiphezu kwami.

UNERHEMIYA 4:3

UThobiya umAmoni ogade amsekela wathi: “Iye, akuvuselelakokho, ngitjho nophagana nange angaqaqada phezu kwakho, angawugiriza umthangadlana wakhona wamatje lowo!”

UNERHEMIYA 4:6

Nje-ke saragela phambili ngokwakha umthangala, ukuphakama kwawo bekwaba kuphakathi nendawo ngombana abantu bebanehliziyo yokusebenza.

U-ISAYA 54:11

“Wena othotjisiweko, owakhukhulwa ziinrhurhula, wangaduduzwa, qala, sele ngizokubeka amatjakho phezu kwedaka eliphazimako, ngenze iinsekelo zakho ngamatje wesafaya

U-ISAYA 54:2

“Yengeza indawo yetende lakho, wendlale amatjhila wekhaya lakho! Ungazibambi! Yelula iintambo zetende lakho, uqinise iinkhonkhwani zalo!

U-ISAYA 58:12

Abanye benu bazakuvuselela amarubhi wakade, wena Israyeli uzakwakha kabutjha iinsekelo zakade, ubizwe ngokuthi, ‘Umvali wesikhala somthangala’ nangokuthi, ‘Umvuli weendledlana ukuze abantu bahlale’.

U-ISAYA 61:4

Bazakuvuselela amarubhi wakade, bakhe kabutjha iindawo ezabhuruka ngaphambilini; balungise amadorobho agirizwako, iye, iindawo ezabhuruka eenzukulwaneni ngeenzukulwana.

UDANYELA 9:25

Yazi bewuzwisise bonyana ekuphumeni kwelizwi lokuvuselela nokwakha iJerusalema kufikela lapha ozesiweko, okutjho umbusi azakufika khona, kuzakuba ziingcenye ezilikhomba zeenkhathi ezilikhomba. Iingcenye ezilikhomba zamatjhumi asithandathu nambili, idorobho elivuselelweko lizakujama libe neenrhodlo nemisele, kodwana kuzakuba ziinkhathi ezinzima.