UMIKHA 4:7 - IsiNdebele 2012 Translation

⁷ Abatshinyekileko ngizabenza isizwe esikhulu, abaqotjhiweko ngibenze isizwe esinamandla. USomnini uzakubusa phezu kwabo entabeni yeZiyoni kusuka mhlokho bekube nini nanini.

UMIKHA 4:7 Iomraidhean Croise

AMARHUBO 2:6

“Ngimi obeke ikosi ekungeyami eZiyoni, entabenami ecwengileko.”

U-ISAYA 16:5

Angithi isihlalo sakho sobukhosi sinzinze ekwethembekeni begodu phezu kwaso kuhlezi othembekako! Iye, ngetendeni lakaDavida kunombusi othanda ubulungiswa notjhisakalela okulungileko.”

U-ISAYA 24:23

Inyezi egcweleko izakudana, ilanga libe neenhloni ngombana uSomnini uMninimandlawoke uzakubusa, entabeni yeZiyoni neJerusalema, aveze iphazimulwakhe ebaphathini babantu bakhe.”

U-ISAYA 6:13

Ngitjho nanyana enarheni kusele itjhumi ekhulwini, nalo lizakuqothulwa godu. Kodwana njengomuthi we-owuku namkha omunye nomunye omkhulu otjhiya isiphunzi nawugawuliweko, ngokunjalo kuzakusala isiphunzi okutjho isizukulwana esicwengileko.”

U-ISAYA 60:22

Ophasi ngesibalo uzakuba yikoro nomncani abe sisizwe esinamandla. NginguSomnini. Nje-ke, ngesikhathi esifaneleko ngizakwenza msinyana lokhu.”

U-ISAYA 66:8

Ngubani owakhe wezwa into enjalo? Ngubani owakhe wabona into enjalo? Inarha ingazalwa ngalanga linye na? Isizwe singabelethwa ngasikhathi sinye na? Kuthe bona iZiyoni ibe nemirhele, yazala amadodanayo.

UHEZEKIYELI 43:7

lathi: “Ndodana yomuntu, le-ke yindawo yesihlalo sami sobukhosi nesinabelo seenyawo zami. Ngikho lapha, lapho ngizakuhlala khona hlangana nama-Israyeli mlibe. Indlu ka-Israyeli, iye, yona nekosayo angeze beyisasilaphaza ibizo lami elicwengileko ngobungwadla bayo nangamatje wesikhumbuzo wamakhosayo lokha nahlongakalako.

UDANYELA 2:44

Khona emalangeni wamakhosi lawo, uZimu wezulwini uzakujamisa umbuso ongasoze wapheliswa namkha udluliselwe kabanye abantu. Uzakutshidlha bewuphelise yoke imibuso eminye, kodwana wona uzakujama nini nanini.

UDANYELA 4:34

Ekupheleni kwesikhathi, mina Nebukadinetsari ngaphakamisela amehlwami ezulwini, ngacaculuka. Ngamdumisa ongoPhezulu, ngamphakamisa ngambabaza ophila isiphelani ngombana ubukhosi bakhe kubukhosi banini nanini nombuswakhe ujame iinzukulwana ngeenzukulwana.

UDANYELA 7:14

Waphiwa ukubusa, iphazimulo nombuso, ukuze boke abantu, amalimi nezizwe zimlotjhe. Umbuswakhe ngewanini nanini begodu angeze wadlula nobukhosi bakhe bubukhosi obungeze babhujiswa.

UDANYELA 7:27

Nje-ke umbuso nobukhosi, ubukhulu bemibuso engaphasi kwezulu buzakunikelwa abantu abacwengileko bongoPhezulu. Umbuswabo uzakuba ngowesiphelani, yoke imibuso izabalotjha beyibathobele.’

UHOSIYA 1:10

Nokho isibalo sama-Israyeli sizakufana nehlabathi yelwandle engalinganisekiko nengabalekiko. Esikhundleni sokobana kuthiwe “Anisese babantu bami”, sele kuzakuthiwa “nibantwana bakaZimu ophilako”.

UJUWELI 2:32

Kuzakuthi boke ababiza ibizo lakaSomnini basindiswe, njengombana uSomnini atjho, asithi: “Phezu kwentaba yeZiyoni neJerusalema kuzakubakhona isindiso.” Nalabo uSomnini azababiza phakathi kwezizwe bazakusindiswa.

UJUWELI 3:17

USomnini uthi: “Nizabe seniyazi-ke bona nginguSomnini, uZimenu, ohlala eZiyoni, entabenami ecwengileko. IJerusalema izakuba ngecwengileko; abatjhili angeze basalibeka kiyo.

U-OBADIYA 1:21

Abahlengi bazakukhuphukela entabeni yeZiyoni ukuze babuse iintaba zakwa-Esewu. Umbuso uzokuba ngowakaSomnini.”

UMIKHA 2:12

“USomnini wathi: ‘Ngambala ngizababuthelela ndawonye boke abantu bakaJakopo, iinzukulwana zaka-Israyeli. Ngibaragele esibayeni njengezimvu, iye, njengeenkomo emrageni; babe liwoma bahumuzele.’ ”

UMIKHA 2:13

Begodu bathi: “Loyo oliVulandlela uzabarhola. Bazakufahla baphume esangweni; batjhaphuluke. Ikosabo izabakhomba indlela, ibe yihlokwabo.”

UMIKHA 5:3

Uzakujama begodu eluse abantu bakhe emandleni kaSomnini, ebizweni eliphakamileko lakaSomnini uZimakhe. Abantu bakhe bazakuhlala bavikelekile; ngambala uzakuduma iphasi loke.

UMIKHA 7:18

Ngubani uZimu onjengawe, othethelela isono, ongayeleli imitjhapho yeendlalifa zakhe, nonganamavunda kodwana othabela ukwethembeka,

UZEFANIYA 3:13

“Imisalela yakwa-Israyeli angeze isenza ubumbi nanyana ileye amala nekulumo ekhohlisako angeze yafunyanwa emilonyenayo. Ngambala izakukarula yetjise begodu kungabi nomuntu ozayethusa.”

UZEFANIYA 3:20

Ngesikhatheso ngizanibutha; ngesikhatheso ngizaniletha ekhaya. Ngizanipha idumo nesithunzi hlangana nabantu boke bephasi lokha nangitjhugulula ubujamo benu niqalile.” Kutjho uSomnini.

ULUKASI 1:33

Izakubusa phezu kwekumba kaJakopo ngokungapheliko. Umbuswayo angekhe waphela!”

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”