UMIKHA 4:6 - IsiNdebele 2012 Translation

⁶ USomnini wathi: “Mhlokho, “ngizakubuthelela abatshinyekileko; ngihlanganise ndawonye abaphadlhalajiweko nalabo engabazwisa ubuhlungu.

UMIKHA 4:6 Iomraidhean Croise

AMARHUBO 147:2

Umakhi weJerusalema nguSomnini, ubuthelela abahlakazekileko bakwa-Israyeli.

AMARHUBO 38:17

Ngikubawe ngathi: “Labo abazikhukhumeza ngami, ungabavumeli bajabule lokha inyawo lami nalitjhelelako.”

U-ISAYA 56:8

Nakhu okutjhiwo nguSomnini uSomandla obuthelela abahlakazekileko bakwa-Israyeli uthi: “Ngizakubuthelela abanye godu, ngaphandle kwalabo esele babuthelelwe.”

UJOROMIYA 3:18

Emihleni leyo ikumba kaJuda izakuya ekumbeni ka-Israyeli, zizakuvela ndawonye ngenarheni yangetlhagwini zingene enarheni engayabela aboyihlo.’ ”

UJOROMIYA 31:8

Qalani, ngizobakhupha enarheni yetlhagwini, ngibabuthe kusukela emajukujukwini wephasi, phakathi kwabo kube neemphofu nabatlhulezako, abanamasana nabanemirhelo, kube siqubuthu esikhulu, babuyele ekhaya.

UHEZEKIYELI 36:24

“Ngizonisusa ezizweni, nginibuthe kiwo woke amazwe, nginibuyise enarhani yekhenu.

UMIKHA 2:12

“USomnini wathi: ‘Ngambala ngizababuthelela ndawonye boke abantu bakaJakopo, iinzukulwana zaka-Israyeli. Ngibaragele esibayeni njengezimvu, iye, njengeenkomo emrageni; babe liwoma bahumuzele.’ ”

UZEFANIYA 3:19

Sekuseduze bona bangibone kuhle abagandeleli bakho, wena Jerusalema. Ngizakwenyela abarholopheleko bakwa-Israyeli, bengibuthelele nalabo egade baphadlhalele. Esikhundleni sokunyazwa kwabo ngizabaphakamisa babe nedumo nesithunzi kilo loke iphasi.

ULUKASI 19:10

INdodana yoMuntu izele ukuzokufuna nokusindisa okulahlekileko.”

UJWANISI 10:16

Nginazo nezinye izimvu ezingasizo zesibayesi. Nazo kufanele ngizilethe. Nazo zizalizwa ilizwi lami, kube mhlambi owodwa nomelusi oyedwa.