UMIKHA 4:4 - IsiNdebele 2012 Translation

⁴ Woke umuntu uzazigedla ngaphasi kwesidiribe sakhe, nanyana ngaphasi komuthakhe wamakhiwani. Yeke akunamuntu ozabethusa. Ngambala uSomnini uSomandla ukhulumile.

UMIKHA 4:4 Iomraidhean Croise

1 AMAKHOSI 4:25

Ngesikhathi sokuphila kwakaSolomoni, uJuda no-Israyeli baphila ngokuphepha ukusuka eDani etlhagwini ukuya eBheritjheba esewula, enye nenye indoda beyizigedla ngaphasi komthunzi wakwayo wesidiribe nomuthi wamakhiwani.

1 AMAKHOSI 5:5

Yeke, ngiyabhinca ngifuna ukwakhela uSomnini uZimami ithempeli njengombana uSomnini watjela ubaba uDavida wathi, ‘Indodanakho engizayibeka esihlalweni sobukhosi endawenakho izangakhela ithempeli.’

UJOBHO 11:19

Uzakulala uzigedle, kunganamuntu okusabisako. Abanengi bazazincengela kuwe,

AMARHUBO 72:3

Kwanga iintaba zingakhiqiza ukuthula ebantwini nemibundu ithele ukulunga.

IZAGA 3:25

Ungabi nevalo ngehlekelele yamsinya nangamatshwenyeko lokha nehlela abakhohlakeleko,

U-ISAYA 1:20

kodwana naninghanghabalako nihlubuka, nizakudliwa yisabula.” Iye, umlomo kaSomnini ukhulumile.

U-ISAYA 17:2

Imizi yomHlangulwa itjhiyiwe; seyingeyemihlambi elala lapho, kungabi nomuntu oyethusako.

U-ISAYA 22:25

“ ‘Mhlokho,’ kutjho uSomnini uMninimandlawoke, ‘isikhonkhwani esasibethelwe endaweni efaneleko sizakugobana, sephuke, siwe bese koke ebegade kukiso kutjhabalale.’ ” Mbala, uSomnini uMninimandlawoke ukhulumile.

U-ISAYA 26:16

Somnini, eensizini zabo bafune ubuso bakho, bazethula kuwe ngemithandazwabo, lokha ubukhali bakho nabuphezu kwabo.

U-ISAYA 32:17

Iinthelo zokulunga zizakuletha ukuthula, iye, umphumela wokulunga ube kuzotha nokuvikeleka nini nanini.

U-ISAYA 36:16

“Ningamlaleli uHezekhiya ngombana nakhu ekutjhoko ikosi ye-Asiriya ithi, ‘Zinikeleni! Niphume edorobheni nize kimi! Omunye nomunye kini uzazidlela esidiribeni sakhe nemakhiwanenakhe bese uziselela amanzi womgodi azenzele wona.

U-ISAYA 40:5

Iphazimulo kaSomnini izakwembulwa; boke abantu bazayibona ngombana umlomo kaSomnini ukhulumile.”

U-ISAYA 54:14

Uzakunzinziswa ngokulunga: Uzakuba kude negandelelo, iye, awuzukwesaba begodu uzakuba kude nokwethusako, iye, angeze kwakutjhidela.

U-ISAYA 58:14

khona-ke uzakufumana ithabo kuSomnini. Ngizakwenza bona ulawule inarha bewuzitike ngelifa lakayihlo uJakopo.” Mbala, watjho njalo-ke uSomnini ngomlomakhe!

UJOROMIYA 23:4

Ngizakubeka abelusi phezu komhlambami baweluse, angeze bewusesaba namkha wesatjiswe, godu angeze usalahleka.” Kutjho uSomnini.

UJOROMIYA 30:10

USomnini uthi: “Wena ncekwami Jakopo, ungabi nevalo; ungapheli amandla wena Israyeli. Qala, sele ngizokusindisa ukude neenzukulwana zakho enarheni ezithunjwe kiyo. UJakopo uzakubuya abe nokuthula, azigedle; kungabi nomuntu ozamethusela.”

UHEZEKIYELI 34:25

“Ngizokwenza isivumelwano sokuthula nazo begodu ngiphelise iimbandana zommango enarheni ukuze zihlale ziphephile edleweni bezilale ehlathini.

UHEZEKIYELI 34:28

Angeze zisaba yipango yezizwe namkha zidliwe ziimbandana zenarha. Zizakuhlala ziphephile begodu akakho ozazethusa.

UHEZEKIYELI 38:11

Uzazitjela bonyana uzakwenyuka ujamelane nenarha enemizana enganamithangala, iye, uzakwehlela phezu kwabantu abanokuthula nabahlezi ngokuphepha, boke abahlala lapha kunganamithangala khona nangaphandle kweenqabo namkha amasango.

UHEZEKIYELI 39:26

Bazalikhohlwa ihlazo labo nakho koke ukungathembeki kwabo kimi, lokha nabebazihlalele enarhenabo baphephile begodu kungekho ozabethusa.

ULEVITIKUSI 26:6

Inarhenu ngizayipha ukuthula, nilale nitjhaphulukile kungabi nalitho eliniphazamisako. Ngizakususa neembandana eziyingozi enarheni, ngenze kungabi nezipi enarhenenu.

UMIKHA 5:3

Uzakujama begodu eluse abantu bakhe emandleni kaSomnini, ebizweni eliphakamileko lakaSomnini uZimakhe. Abantu bakhe bazakuhlala bavikelekile; ngambala uzakuduma iphasi loke.

UZEFANIYA 3:13

“Imisalela yakwa-Israyeli angeze isenza ubumbi nanyana ileye amala nekulumo ekhohlisako angeze yafunyanwa emilonyenayo. Ngambala izakukarula yetjise begodu kungabi nomuntu ozayethusa.”

UZAKARIYA 3:10

“Mhlokho kuzakwanda ukuthula kangangobana nizakuhlala ndawonye ngaphasi kwesidiribe namakhiwani.” Kutjho uSomnini uMninimandlawoke.