UMIKHA 4:1 - IsiNdebele 2012 Translation

¹ Kuzakufika isikhathi lapha intaba yethempeli lakaSomnini izakunzinza khona esiqongolweni seentaba; izakuphakanyiswa yengamele imibundu yoke; yeke izizwe zizayirhuluphela.

UMIKHA 4:1 Iomraidhean Croise

UGENESISI 49:1

UJakopo wabiza amadodanakhe wathi: “Bizanani nihlangane ukuze nginitjele bonyana kuzokwenzakalani kini esikhathini esizako.

UGENESISI 49:10

Intonga yobukhosi angeze yasuka kuJuda, nentonga yombusi hlangana neenyawo zakhe, bekulethwe isibiko kuye, nezizwe zoke zitjengise ukumlalela.

AMARHUBO 110:3

Abantu bakho bazimisele ukulandela mhlana amandlakho abonakaliswa ekucwengeni kwephazimulo. Amasokanakho afana nombethe wokudabuka kokusa.

AMARHUBO 22:27

Abathobekileko bazakudla basuthe. Abafuna uSomnini bazamdumisa bathi: “Uyaphila!” Iinhliziyo zenu ngesikhathi soke

AMARHUBO 48:1

Ingoma; irhubo; kumaKhorarhi.

AMARHUBO 86:9

Zoke izizwe ozenzileko Somnini, zizakuza ziguqe phambi kwakho, zidumise ibizo lakho

U-ISAYA 27:13

Mhlokho, godu kuzakuvuthelwa ipalapala ekulu, kuthi labo ebegade balahlekile enarheni ye-Asiriya nalabo abaqotjhelwa enarheni yeGibhide beze baguqe phambi kwakaSomnini entabeni ecwengileko eJerusalema.

U-ISAYA 43:6

Ngithi etlhagwini, ‘Batjhaphulule!’ ngithi esewula, ‘Ungabagugudlheli! Lethani amadodanami asemajukujukwini namadodakazami asepelazwe,

U-ISAYA 49:6

uthe: “Ingcenye elula khulu kuwe ekubeni yincekwami kuvusa iinkoro zakaJakopo nokubuyisa abasindileko bakwa-Israyeli. Godu ngikubeka bona ube mkhanyo ezizweni ukuze isindiswami ifikelele emikhawulweni yephasi.”

U-ISAYA 54:2

“Yengeza indawo yetende lakho, wendlale amatjhila wekhaya lakho! Ungazibambi! Yelula iintambo zetende lakho, uqinise iinkhonkhwani zalo!

U-ISAYA 56:7

ngizayiletha entabenami ecwengileko, ngiyinikele itokozo ngekumbenami yokuthandaza. Imihlabelwayo yokutjhiswa neyetjhebiswano izakwamukelwa e-aldarini lami ngombana ikumbami izakuthiwa ‘Yikumba yokuthandaza yezizwe zoke.’ ”

UJOROMIYA 16:19

Somnini, mandlami nesiphephelo sami, iye, ubuphephelo bami ngeenkhathi zesizi, kuwe izizwe zizakuza zivela epelazwe zithi: “Abobaba azange basitjhiyele litho ngaphandle kwabosingazimu abayikohliso, iye, akakho phakathi kwabo onobubhadekelo.”

UJOROMIYA 26:18

“UMika weMoretjheti waphorofida emihleni kaHezekhiya ikosi yakwaJuda, watjela boke abantu bakwaJuda bonyana uSomnini uMninimandlawoke uthi, “ ‘IZiyoni izakulinywa njengesimu, iJerusalema lizakuba liqubi leququ, kuthi intatjana yethempeli ibe lihlathi.’

UJOROMIYA 3:17

Ngesikhatheso abantu bakaSomnini bazakubiza iJerusalema bona isihlalo sakhe. Bazakusuka kizo zoke izizwe babuthanele kilo, iye eJerusalema ngebanga lebizo lakaSomnini. Angeze basalandela ubulikhuni beenhliziyo zabo ezikhohlakeleko.

UJOROMIYA 31:12

Bazakubuya bahlokome endundumeni yeZiyoni, bawulukele ebuhleni bakaSomnini, bathabele ikoroyi, iwayini namafutha we-oliva, iimbuzana namakonyana. Ipilwabo izakuba njengesivande esisezelweko, angeze basaphodlheka godu.

UJOROMIYA 48:47

“Kodwana emalangeni ezako ngizokutjhugulula ubujamo bakwaMowabi.” Kutjho uSomnini. Isigwebo sakwaMowabi siphelela lapha.

UHEZEKIYELI 38:16

Kwamambala uzakurhwanta ujamelene nabantu bami u-Israyeli, iye, njengelifu elembese inarha. Esikhathini esizako ngizakwenza uqalane nenarhami ukuze izizwe zingazi lokha nangizibonakalisa ngani phambi kwazo bona mina ngicwengile’.

UHEZEKIYELI 40:2

Ngathi ngisemibonweni, uZimu wangisa enarheni yakwa-Israyeli, wangihlalisa entabeni ephakeme khulu. Ngehlangothini layo langesewula gade kunemakhiwo ebeyifana nedorobho.

UHEZEKIYELI 43:12

“Naku umthetho wethempeli: Isiqongolo sentaba nendawo yoke emagegana naso izakuba ngecwenge khulu. Iye, lokho-ke kumthetho wamambala wethempeli.”

UDANYELA 10:14

Nje-ke, ngize kobana uzwisise lokho okuzokwehlela abantu bekhenu emihleni yokuphela ngombana kusese nombono omunye omayelana nesikhathi esizako.’

UDANYELA 2:28

Kodwana kukhona uZimu ezulwini owembula iimfihlakalo begodu yena wembulile ekosinami uNebukadinetsari kobana kuzokwenzekani emalangeni ezako. Nje-ke ibhudango nombono owedlule engqondweni yekosi isalele, ngilokhu:

UDANYELA 2:35

Nje-ke isimbi, umdaka, ikoporo, isiliva kanye negolide kwaba ziinquqwana njengomungu eselelweni nawuphephethwa mumoya ehlobo: Akukho nokukodwa kweenquqwanezo okwafunyanwako. Kodwana ilitje elatshidlha isithombesibunjweso laphenduka idwala elikhulu lazala iphasi loke.

UDANYELA 2:44

Khona emalangeni wamakhosi lawo, uZimu wezulwini uzakujamisa umbuso ongasoze wapheliswa namkha udluliselwe kabanye abantu. Uzakutshidlha bewuphelise yoke imibuso eminye, kodwana wona uzakujama nini nanini.

UDANYELA 7:14

Waphiwa ukubusa, iphazimulo nombuso, ukuze boke abantu, amalimi nezizwe zimlotjhe. Umbuswakhe ngewanini nanini begodu angeze wadlula nobukhosi bakhe bubukhosi obungeze babhujiswa.

UDANYELA 7:18

Kodwana abacwengileko bongoPhezulu, bazakwamukeliswa umbuso bebawuthathe isiphelani kube nini nanini.’

UDANYELA 7:22

bekwaba kulapha kufika khona oMdala weminyaka, wamela abacwengileko bongoPhezulu, bekwafika isikhathi lapha abacwengileko bamukela khona umbuso.

UDANYELA 7:27

Nje-ke umbuso nobukhosi, ubukhulu bemibuso engaphasi kwezulu buzakunikelwa abantu abacwengileko bongoPhezulu. Umbuswabo uzakuba ngowesiphelani, yoke imibuso izabalotjha beyibathobele.’

UHOSIYA 3:5

Ngemuva kwalokho, ama-Israyeli azokubuya afune uSomnini uZimawo noDavida ikosawo. Azakubuyela kuSomnini ngokuzithoba okukhulu; abuyele ebuhleni azabuphiwa nguSomnini emihleni yokuphela.

UMIKHA 3:12

Nje-ke, ngebanga lenu, iZiyoni izakulinywa njengesimu, iJerusalema izakuba liqubi leququ, kuthi intatjana yethempela ibe lihlathi.

UZAKARIYA 14:10

Inarha yoke ukusuka eGeba ukuya eRimoni ngesewula izakufana nomrhoba weJordani. Kodwana iJerusalema izakuphakanyiswa inzinze endawenayo. Ukusuka eSangweni lakwaBhenjamini ukuya ngehlangothini langeSangweni lokuThoma, ukuya eSangweni leJikeni nokusuka eMbhotjhongweni weHananeli ukuya ebutlhodlhelweni besigodlweni,

UZAKARIYA 2:11

“Izizwe ezinengi zizazihlanganisa noSomnini mhlokho bese ziba sisizwe sakhe. Uzakuhlala ngesirhodlweni sakho Jerusalema, wena-ke uzakwazi bonyana uSomnini uMninimandlawoke ungithume kuwe.

UZAKARIYA 8:3

Nakhu okwatjhiwo nguSomnini: “Ngizakubuyela eZiyoni, ngibe ngaphakathi kweJerusalema, ngalokho iJerusalema izakuthiwa nguThembekile nentaba kaSomnini uMninimandlawoke izakuthiwa nguNtaba-Cwengekile.”

UMALAKI 1:11

“Ngambala ibizo lami likhulu ephasini loke hlangana nezizwe. Eendaweni ngokuhlukahluka kwazo, kulethwa imihlatjelo; iye, imihlatjelo enganaburhole ngombana ibizo lami likhulu ezizweni.” Kutjho uSomnini uSomandla.

IZENZO ZABAPOSTOLI 2:17

“ ‘USomnini uthi: Ngemihla yokuphela ngizakuthululela uMoyami kibo boke abantu; amadodanenu namadodakazenu azakuphorofida, abatjha benu bazakubona imibono, abadala benu babhudange amabhudango.

AMAHEBHERU 1:2

kodwana ngemihla yokuphela le ukhulume nathi ngeNdodana ayibeke bona ibe yindlalifa yezinto zoke, yona abumba ngayo izulu nephasi.

2 UPITROSI 3:3

Kokuthoma kufuze nizwisise lokhu bonyana emalangeni wokuphela kuzakufika abanyefuli banyefule balandele iinkanuko zabo zokonakala

ISAMBULO 11:15

Nje-ke ingolozi yekhomba yavuthela ipalapala yayo, kwezwakala amezwi ahlokomako ezulwini asithi: “Umbuso wephasi sewuphenduke umbuso wakaSomnini nowakaKrestu begodu uzakubusa nini nanini.”

ISAMBULO 15:4

Somnini, ngubani ongekhe akwesaba begodu adumise ibizo lakho na? Lokhu kungebanga lokobana nguwe wedwa ocwengileko. Izizwe zoke ziyokufika zilotjhe phambi kwakho ngombana iingwebo zakho zisepepeneneni.”

ISAMBULO 20:4

Ngabona iinhlalo zobukhosi, labo ebebahlezi kizo banikelwa amandla wokugweba. Ngabona nemiphefumulo yalabo abaquntwe iinhloko ngebanga lobufakazi babo ngoJesu nangelizwi lakaZimu. Abazange balotjhe isibandana namkha umfanekiso waso; begodu abazange babekwe iphawu laso eempandla zabo namkha ezandleni zabo. Babuya baphila bebabusa noKrestu ikulungwana yeminyaka.